من عينك النجلا غدى القلب مسلوبيا كوكب ذري ضوى نورك أعيان

٥٤

فهد بعصبيه:وشو الي القى القبض صاحي وبعدين من انت تلقي القبض عليها
ووش مسويه
الضابط:فتشو البيت
انطلقو العسكر يقلبون البيت وفهد بقهر انطلق للضابط:كيف تفتش انت وش تدور عليه وعندك محضر لتف...قاطعه يرفع الجوال بوجهه:هذا اذن بتفتيش البيت
نجلاء توترت ونوره رجولها ترجف ببعض والحريم منجد مفجوعين سلطان بفجعه وهذي اول مره تصير معه:ياولدي انت ليه تفتش وش تدور
الضابط جاء بيتكلم ووقف من طلعو العسكر شايلين كراتين عدة نجلاء وقال العسكري:هذي المحضورات طال عمرك
تقدم الضابط يفتّح الكراتين ولف على فهد :الحين تشرف معنا نجلاء عبدالله
فهد بحده:مريض انت ليه تشرف معك وبعدين الكراتين ذي فيها اغراض شغلها
نجلاء:اي ذي عدة اصنع فيها عطور
الضابط:لا والله هالكميه من الكحول تصنعين فيها عطور واصلاً الكراتين كلها كحول والواضح انك مهربه محترفه
الكل ناضر بفجعه وسلطان طاح على رجوله وفز مشاري يسنده وابو وليد ارتجف
بالحاره الكل شاف العسكر عند بيت سلطان وفزو كلهم يجتمعون حوالين البيت وساره وامل تقابلو ومعهم عبدالعزيز وبس شافو التجمهر والعسكر انطلقو للبيت يدخلون ووقفو بصدمه يناظرون نجلاء الي تصرخ
نجلاء ببكي:لألا والله الكحول شي بسيط وكحول لصناعه العطور اصلاً شوف
تقدمت نجلاء للكراتين لكن كانت الصدمه كلها علب كحول وصارت تفتحها كرتون ورى واحد رجعت على ورى بخوف :في شي غلط ذي مو لي مو أغراضي
الضابط:تو تقولين لك تصنعين عطور
نجلاء ببكي:لا والله مو لي فهد صدقني مو لي أنا البارح فتحتها مو...قاطعها الضابط:خلصنا كل الي نقبض عليهم هذا كلامهم
عبدالعزيز:يمكن سوء فهم اصبر
الضابط:لو سمحتو محد يدخل بشغلي
نجلاء قدامي والا بناخذك غصب
خافت نجلاء تهرب تخبى بضهر فهد وهي تبكي:والله مو لي مو أغراضي
مزنه بتعب وبكي:وش صاير ياربي لا إله إلا الله
فهد بعصبيه :ماتاخذونها هذي الأغراض أنا مستلمها اكيد في شي غلط
الضابط:انت شفت الطلبيه لمن استلمتها
فهد:لا
نجلاء:أنا شفتها مو نفسها في شي غلط
الضابط:اجل دام زوجك ماشاف معناها انك تكذبين والحين يالله قدامي
تقدم الضابط بيمد يده لنجلاء بس فهد رجعها ورى ضهره يضرب يده  وبحده قال:نجلاء ما تكذب لو اشوفها بنفسي تشيل علبه الكحول لاقول فيها مويه مو كحول نجلاء ماتسوي هالشي تفهم
الضابط:هذا انت بس القانون يمشي على الكل
فهد:ماتاخذونها
الضابط بعصبيه:ترا صبرت لك واجد لاتخليني أتصرف تصرف يزعلك
فهد بقهر:والله ماتاخذونها هذي شعر وجهي ماتاخذونها لو ايش ماتسوون
الضابط تقدم لفهد بحده يدفعه وسحب نجلاء الي تصرخ وتستنجد به ومسك عبدالعزيز فهد الي انفلت وحضن نجلاء من وراها وحالف مايتركها وهو دموعه وصلت وساره انهارت وعبدالعزيز ومشاري انطلقو لفهد يحاولون يبعدونه عن نجلاء الي تبكي وتستنجد لكن انقطع الأمل وصوتها من حطو الكلبشات بيدها وطلعو برى البيت والناس تناظر فهد الي شادنها من وراها والعسكر يحاولون يفصلونهم بس عجزو وسحب الضابط يد نجلاء وصرخت بالم بسبب الكلبشات وتوسعت عيون فهد من شاف يدها انجرحت وتركها واتجه للضابط يلكمه على وجهه وفزو عبدالعزيز ومشاري يبعدونه وشاف العركه فلاح وانطلق مصدوم مو فاهم شي يبعد فهد الي يتفلت من يدينهم :تكفى يافلاح ياخذون نجلاء تكفى رجعها لي تكفى ي عزوز والله انها بريئه تكفون ي اهل الخير لاتكسروني بنجلاء
الضابط يمسح الدم وبقهر:كلبشوه
تقدم مشاري لهم:السموحه منك بس مصدوم تعرف زوجته غصب يطلع معه كذا
الضابط تفهم بصعوبه وسحبو نجلاء يركبونها معهم وانطلقو فيها وانهار فهد بقوه وصرخ:والله لطلع بروحه صاحب المحل والله لذبحه
انطلق والعيال وراه يحاولون يمسكونه بس عجزو فيه
عند بيت عبدالله وعبير وصلهم الخبر وعبير تعب قلبها ماتحملت وطاحت مغمى عليها وطلع عبدالله ينادي بعبدالعزيز يفزع واتجه ركض لابوه يشيلون عبير للمستشفى والهنوف من الصدمه وصلها الخبر وطلعت الحاره تركض متفرعه مابين امها وأختها فز فلاح بصراخ وهو كان يركض ورى فهد :تستري يابنت
سحب شماغه واتجه للهنوف يغطيها وبسرعه دفعها داخل البيت ورجع منطلق ورى فهد ومشاري وراه ووليد يحاول يهدي سلطان ومزنه الي تعبو من الصدمه وسلطان منهار مو مصدق ان كحول كانت ببيته
عهود ماعلقت على كل الي صار وبس تساعد امها وتعطي امها مويه وجالسه تستغفر وام فهد من الانهيار على ولدها معد عرفت تجلس ونوره من البكي طلعت برى تشوف فهد وين اختفى والحاره بمقفلها اختبصت فتح الباب اصيل يناظر كل الحوسه الي صايره وأشعل سقارته وابتسم ودخل الحوش وصار يرقص: رقصهم وشعللهم ع المسرح شويه شويه
‏بس لا تحاول تتهور لا يجيبون لك دورية
ضحك بملى صوته وهو يتجه للمطبخ ياخذ إبريق الشاي وجلس بالحوش يشرب وهو يغني ومبسوط وتمدد يقول:ضربه تقسم ضهرك ياخالي قبل فهد بكذا نكون خلصنا من نجلاء وفهد وسلطان هههههههههههههههههه