من عينك النجلا غدى القلب مسلوبيا كوكب ذري ضوى نورك أعيان

٦٥

رجعت ساره تدوسه بهدوء وبدت السياره تمشي بهدوء والبنات متيقضين وخايفين ومزنه منطربه وتقصد وهي تلف الطاره والحظ محالفهم بس شافو مكان تجمع العيال كانت جلسه زل احمر وفي شباب كثيرين وخذاهم الحماس مزنه تحرك الطاره يمين ويسار والسياره تتمايل فيهم وبس قربو من الجلسه صرخو البنات بقصدهم ان جدتهم توقف بعيد عشان يكملون مشي ومزنه من الخرشه من صياحهم تركت الطاره وساره داست بنزين وانطلقت فيهم السياره
كانت نجلاء تصرخ وهي تشوف السياره رايحه باتجاه الشباب الي جالسين على الزل
عند فهد والعيال كانو جالسين ومنتظرين جيه العيال مع الطبول وناوينها رقص وطرب لفو من شافو السياره جايه مسرعه
عبدالعزيز:من ذا
مشاري:ي عيال ذا بيدعسنا
فلاح:لا حركه من حركات العيال
فهد:ي عيال السياره ماهدت سرعتها
الكل كان يناظر بالسياره وفلاح متطمن يجهز دلال القهوه وفزو من صراخ نجلاء اللي طلعت راسها من الدريشه:اهربوًووووووو
اشرت بيدها يبعدون وتصارخ العيال من اللخمه انقسمو فرقين وفلاح من الخرشه بالقوه قدر يهرب وهو جته ام الركب دخلت مزنه بينهم بالسياره تدوس الزل وتحوس دلال القهوه ورجعت نجلاء تماسك الطاره يغبرون عليهم وانطلقو يبعدون عن مكانهم شوي وضربت مزنه راس ساره بعدت ساره يدها عن البنزين وبدت السياره تهدى شوي وحطت يدها على الفرامل توقف السياره طفو السياره ونزلو وساره ماشافت كل المشهد وقالت:وش صار
ناضرت البنات الي يرتمون على الارض يلقطون انفاسهم الي شوي وكانت بتطلع
نجلاء بتعب:حمدي ربتس ماشفتي الحوسه
نوره:شفنا الموت للحضه
ميان:والله توبه اطاوعكم
ناظرت ساره بجلسه العيال من بعيد تشوفها كيف حوسه وانفجرت تضحك وجلسو البنات بعد ماكانو متمددين وانفجرو يضحكون ومزنه كانت خايفه منجد وخطوه خطيره منهم بس ضحكت معهم والروعه الي عاشوها كانت منجد تفجع
ميان:خلاص خلونا نرجع البيت
ساره:هالمخاطره كلها وارجع معصي
نجلاء:منجد
نوره:وش باقي تبون كنتم بتطحنونهم بقي تبون تكملون عليهم
ساره:لا يعيوني ناظري
ناظرو البنات يشوفون الشباب إلي جايين وشايلين الطبول وهمست مزنه:اي هذا الجو
ساره:اكيد نبي السامري
نجلاء:يالله
نوره:يمه بنات لو كشفونا العيال
قربت نجلاء تهمس لها:معنا العقيد
نوره ناظرت واشرت نجلاء على مزنه وضحكت نوره
مزنه :ي الله الحقوني
ساره بهمس:دام قالت الحقوني عز الله إلا موتتنا قريبه
البنات: هههههههههههههههههههههههه
نجلاء:من الحين ممنوع تسولفون ولو بتسولفون كلمه ورد غطاها وتفخمون أصواتكم وانتبهو للثامكم
البنات :تم
تقدمو يمشون ورى مزنه واختلطو بالشباب الي تو واصلين وبدو يردون السلام العيال وجلسو البنات بطرف الزل
فلاح:الله لايعطيهم العافيه حاسونا وراحو
نوره بهمس:استغفرالله دعى علينا
فهد:اهمشي سلمت عوافي الحين نجدد القهوه
عبدالعزيز:والله ذول مو صاحين غبرو علينا وراحو
مشاري:خذوها من باب انها اكشنات لا تهتمون المهم انتم بخير
ميان بهمس:ي حياتي لطيف
ساره:اص بس لو عرف انتس هنا هاللطافه كلها بتودع
فهد :قهوو الشباب ي عيال
مزنه تضرب ساره بصوت واضح:قومي قهوينا
انلخمو البنات وناضرو للشباب الي الي بعضهم استغرب الصوت وبعضهم ماسمع وضربت نجلاء ساره وبهمس:قوميي
ساره بقهر :لو ابو سلطان عايش كانت قلت مزنه متوحمه علي اليوم
البنات: هههههههههههههههههههههههه
وقفت ساره بقهر تتجه لدلال القهوه وبس شافت وليد جاء ناحيتها بلعت ريقها بورطه ورجعت ركض ناضر وليد باستغراب بس قطعه مشاري الي قال صب القهوه
نجلاء:قومي
ساره:والله ما اروح نشف دمي
مزنه:أنا أقوم
مسكت كتوفها نجلاء وساره:لا انتي مصيبه
مزنه ناظرتهم بصدمه وبسرعه فزت نجلاء لاتفضحهم وبس وصلت لدلال القهوه اخذت دله وناظرت للبنات تشوفهم كيف متورطين بمزنه مدت يدها بصحن الكاسات وهي صاده لمست يد وشهقت تلف وكانت الصدمه من جت عينها بعين فهد الي ناظر العيون وغمض عيونها ووسعها وقفت بسرعه نجلاء وهي قلبها يخبط من الخوف اكيد عرف عيونها غمض فهد عيونه يرفع يده يتحسس لمستها وهمس:نجلاء "هز رأسه ينفي الأفكار الي براسه"لألا وش يجيبها
عبدالعزيز يدق كتفه:وش فيك
فهد:الظاهر من حبي لاختك صرت اشوفها بوجيه الكل
عبدالعزيز ضحك:الله يعين العاشقين بس
قطعهم دق السامري وصدح يقول :
الا يا وجودي * وجد من * عانق السمران
وجود اللي * بعيد عن * أهله وخلانه