من عينك النجلا غدى القلب مسلوبيا كوكب ذري ضوى نورك أعيان

٢٤

عند ساره مثل العاده طالعه تمخطر من بيتها ولفت من سمعت صوت الكلب يركض وراها ويصرخ وصرخت تركض وبس توسطت الحاره شافت وليد واتجهت له ركض وليد يوم شاف الكلب يركض ناحيتها عرفها ساره واتجه ركض صرخت ساره:افزع لي جعلك بالبلاء
وليد كان بيسحب عليها بس يوم حس الكلب قرب منها رجع لها يمسك بكف يدها يتجهون ركض حتى وصلو باب بيت فهد ومسكت خصرها ساره بتعب
وليد بضحك:وش الله باليني بلاء حتى ما آتصادم الا معك انتي وهالكلب
ساره:والله حضي الاقشر الي يسوقني لواحد مثلك
وليد:قايل ما انتي بكفو والله المره الجايه لا أتركك للكلب
وبعدين وش هذا أنا ما أصادفك إلا هالكلب يطر وراك انتم بينكم مشاكل شخصيه
ساره:أنشده يامال الغناه الظاهر انكم تفهمون على بعض
وليد بحده:اعقبي ي بنت القرية
ساره تمثل الرجفه:خفت منك ي ولد المدينه
دفعته من كتفه:اقول تقلع من دربي بس
مشت لبيت نجلاء تدخل بدون تدق ووليد واقف بصدمه يناظر هالمجنونه وهمس:لا واضح صباحنا اليوم بدايه خير
قطع صوته صراخ اصيل وفهد وانفجع من فتح الباب اصيل يطلع بقهر وكلمه وليد ولارد عليه دخل للبيت مفجوع:وش فيكم وش صاير
عهود ببكي:انتم ماتحبًوني لا أنا ولا ولدي أنا اعرف كله من هالحيه "اشرت على ام فهد"هي الي محرضه امي واخوي علي حتى كرهتم فيني
ام فهد بصدمه:خافي ربك ي عهود يشهد الله اني أغليك بغلاه عمتي
عهود بحده:تخسين انك مثل الحيه تدسين السم بكلامك
فهد بحده:عمه اقضبي لسانك ولاتغلطين على امي
عهود :شايف ي سلطان شايف ولدك يراددني
سلطان:فهد قضينا خلاص
عهود:هذا الي قدرك ربي عليه
ابو وليد:ي عهود ي خيتي ولدك غلطان وانتي زديها الحرمه وش ذنبها تتهمينها اتهامات باطله اكيد فهد بيدافع عن امه
عهود تصد بقهر تاركتهم تتجه للداخل وام فهد توقف تدخل للمطبخ طفش فهد على امه وهم هذا حالهم بس يتهاوشون ترمي اللوم عهود عليها نوره نزلت دموعها على امها ودخلت ورى امها توقف بطرف المطبخ دخل فهد يشوف امه تغسل المواعين وتبكي واتجه لها يسحب يدينها من المغسله بحنيه يبوس راسها:ماعاش الي يبكيك ي ام فهد
ام فهد تمسح دموعها:لا ي امي مابكيت
فهد عرف انها تكابر وماتحب تبين ضعفها قدام عيالها ورفع نظره لنوره الي تبكي وقال:انتم ي الحريم هذا طبعكم
نوره تنهد ببكي ولفت امه عليه:وش هو
فهد:يعني عشان بس تكلمت كذا معكم بكيتم راددوها مثل ماتراددكم واذا مدت يدها مدو يدكم ليه تحسسون وتبكون كذا
ام فهد تضرب كتفه:روح احسب معك سالفه
نوره تمسح دموعها:شكله يبينا نصير مثل نجلاء
ابتسم فهد بخفيف وقال:وش فيها
نوره تبتسم:لو تشوفها كيف يوم تهاوش عمتي احس شوي وبقوم الدنيا حتى جدتي مزنه تخاف من نجلاء
ام فهد ابتسمت:الحقيقه البنت أصيله ماتحب الغلط بس عاد عمتك شوي تزودها معها
فهد:اجل تعلمو من بنت القريه خلكم قويين مثلها
نوره:والله نجلاء تجنن
فهد صد يبتسم طالع وهو يسمع إطراء اهله بنجلاء ووقفه صوت نوره:فهد عادي اروح لنجلاء
فهد لف:طيب
طلع فهد يشوف اجواء القريه الناس بدت تطلع من بيوتها وبدت الحياه تصبح مع صحيه الناس واصواتهم الي يصبح على الثاني والي يفتح دكانه والي يهلل
عند ابو وليد وابو فهد الي ماشين لديوانيه الحاره
ابو فهد:هاالوضع  تعبني حالهم ودي قلوبهم تجتمع مع بعض وعجزت فيهم
ابو وليد:لاتشغل بالك كلها سوالف حريم يتهاوشون وترجع تلقاهم يسولفون مع بعض ولا كأن شي صاير
أبوفهد:الي يصير على الشراره تصير نار والحرمه هي الي تبني البيت وتهده وانا لازم ادور حل لوضعهم
هز راسه ابو وليد يدخلون لمجلس الشيبان وفزو يرحبون بهم والشيبان صارو يحبون جلستهم وصار المجلس حديثه عن اوضاع القريه والمشاكل ويحلون بعض الامور بين المتخاصمين
عند نجلاء تشيل صحون الفطور تهمس لساره:اقلتس هوشه قايمه عندهم خفت اسمع صراخ فهد معبي المكان
ساره تغمز:فعلتي دور الحبيبه وبعدين وين الي امس دمعتها مانشفت من خدها الوجه منور اليوم
نجلاء تناظر ماشافت اختها وامها وهمست لساره :اسمعي وش صار البارح .....وذي السالفه الي فهمته انه خلود طلعت بوجهه بالغلط
ساره بقهر:ا ي بنت ابليس اذا مانتفت شوشتها ماني سوير
نجلاء:اصبري الحين ابي اعرف من الي قصيده بعيونها ابي اعرف ام العيون ذي هو يقصدني او في وحده غيري
ساره:طيب وش رايتس نواجهه
نجلاء:صعبه وش نقول له
ساره:خليها علي أنا أعرف ارواغه بالحتسي بس الحين ام شوشه وش بتسوين معها
نجلاء تلبس عباتها:ذي عاد ابي تقوم مجزره اليوم بيننا ي أنا ي هي
ساره تفرك صدرها:ابي اطلع حق عشاتس الي انحرمتيه من عيونها
نجلاء بضحكه:دام وصل الموضوع لبطنتس هنا اتاكد ان ام شوشه راحت فيها
ساره لبست وجو طالعين قابلو نوره عند الباب
نوره:صبحتم بالخير
ساره:صباح النور
نجلاء تقبص خد نوره بروقان:صباح العسل
نوره:او مروقين هذا وانتو مانمتم زين
نجلاء :عاد حن متعودين ي اهل القريه نصح مع صلاه الفجر مانخمد إلا لطاحت الشمس
ساره:ماشاءالله عليكم
ساره:ي الله خاوينا للسوق تنبسطين
نجلاء تنخز ساره:اي تستمعين بعد
ساره تشمر عبايتها:اي بتشوفين شي يوسع صدرتس
نوره ببراءه:زين ي الله
مشو يلتقون بشهد وتقدمتهم ساره وقالت:خويتس وينها
شهد:وش تبين فيها
ساره:روحي لها قولي لها ان نجلاء تبيها
شهد:وش تبون فيها
ساره تعدل عبايه شهد:ابد بس نبي نمسح خدها ونرتب كشتها اي وها انتي تعالي معها يمكن نمغطتس تطولين شوي
شهد فهمت انهم يبون يتضاربون ومشت ركض لخلود تبلغها وساره اتجهت لنجلاء وهم يضحكون ونوره ضايعه مو فاهمه شي وكملو طريقهم للسوق وصلو وجلسو يعدلون بسطتهم يحطون بضاعتهم يرتبون امورهم وانصدمو من العصاء الي طاحت بنص البضاعه وطاح كم قاروره عطر وانكسرت وشهقت نوره ورفعت راسها نجلاء تشوف خلود وبجنبها شهد وصرخت خلود:ناويه هوشه تفكرين بخاف منتس ما بجي جيت وبكسر راستس
اهل السوق لفو على صرخت خلود والكل ترك شغله يناظرون وكان في بزر شاهد الحادثه طلع ركض للملعب ينادي البزران:ياعيال الحقو هوشه
لف فهد على البزر الي ينادي البزران وهو كان يبي يروح لمجلس الشيبان لفلاح بس استوقفه وخلاه يغير طريقه للسوق لمن قال البزر:ام شوشه ونجلاء
اتجهو البزران بحماس ركض وفهد يمشي ويستعجل خطواته
عند البنات ابتسمت نجلاء تناظر بساره وتقدمو قدام البسطه وضربت كف يد ساره نجلاء يرفعون عبايتهم يربطونها على خصرهم ويشمرون أكمامهم وتفاجأو من دخلو بنتين زياده مع خلود يعينونها
ساره:ههههههههههههه تكفين يعني الحين احنا بنموت خوف
نجلاء:تصدقين مره خفنا
ساره بضحكه مسخره:قلتس تستفزع بهم
نجلاء:اي واضح اليوم بندق خشوم ناس واجد
خلود:تخسين إذا ما هنتسوعند بسطتس المخيسه ما اكون خلود
نجلاء وساره مع بعض بضحك:والكوبه
السوق:هههههههههههههههههههههههههههههه
خلود انقهرت تشوف ان الكل يضحك عليها وقالت:تعالي انتي وهي
نجلاء وساره تقدمو وقالت نجلاء:سويره خلينا نلعب لعبه نسوي دايره ونتهاوش معهم والي تطلع منها تعتب على خويتها
ساره ابتسمت :قدام
سوو دايره باصبع يدينهم ودخلو بوسطها وضهورهم ملاصقه ببعض وقالت نجلاء:تعالو
تقدمت خلود والي وراها واشتد الضرب بينهم وكانت خلود والي معها يحاولون يضربونهم بس نجلاء وساره ضرباتهم سريعه وصارو بس يحاولون يتصدون لضربهم ونجلاء من قهرها من منظر خلود البارح صارت تضرب بقلب مو بس يدها وبعد دقايق عركه والبزوره يشجعون نوره تحاول تفككهم بس عجزت و سحبت نجلاء بشعر خلود وهي تلوي ذراعها على رقبتها وهمست عند أذنها:إجمعي الخمه الي جبتيهن معتس وعيني لاتشوفتس بالسوق والا والله الي سويته البارح يوصل لبوتس وعاد شوفي النهايه عنده إذا يذبحتس او يسكت
خلود ارتجفت وخافت نجلاء لو علمت عليها ولمحت فهد واقف  وهو شاهد كل شي صار من بدايه العركه لنهايتها ورفست خلود على بطن نجلاء وتركتها نجلاء ترجع على ورى تمسك بطنها وشهقت ساره ونوره وقفت بصدمه والسوق كله وقف يناظرون واتجهت خلود ركض ورى فهد وقالت:تكفى ي فهد افزع لي منها"قالت كذا لانها تعرف فهد يفزع للي يقول تكفى"
ساره توسعت عيونها بصدمه ونجلاء رفعت راسها تناظر خلود الي تحاول تتلزق بفهد وتسوي انها مسكينه وفهد صاد ويقول :ابشري
هنا ما احتملها عقلها نجلاء ًوهي تحس بغيره الدنيا كلها انحطت بصدرها والدنيا ولعت براسها واتجهت للبسطه تسحب العصاء واتجهت ناحيه خلود بقهر  وساره متحمسه تشوف الضربه الي بتاكلها خلود واهل السوق يناظرون مفجوعين من منظر نجلاء وخطواتها لخلود والشر ينط من عيونها
خلود ارتعب داخلها من منظر نجلاء وفهد عينه على عيونها الي فيها حده طبيعي ومن العصبيه احتدت زياده وبس قربت رفع يده فهد:خلاص بوجهي
نجلاء ناضرت فهد بخزه وقالت:هذي سوالف حريم لا تتداخل فيها
خلود بغنج:تكفى فهد هذي مجنونه
نجلاء بصراخ:بعدتس ما شفتي شي من جناني
رفعت يدها نجلاء من فوق ذراع فهد وضربت خلود بقوه على كتفها وصرخت خلود ترجع على ورى تمسك كتفها انفجعت فهد بصدمه يناضر وتقدم يوقف قدام وجه نجلاء ويرفع ذراعه:خلاص نجلاء اهدي
كان يحاول يمشي يسد طريق نجلاء لا تكمل على خلود وهي تحاول تتخطاه وتوصل لخلود بس هو رافع ذراعه ويماشيها لاتضربها
ساره ابتسمت تهز راسها تهمس:تسلم يدتس
اهل السوق شهقو بصدمه من قاروره العطر الي ضربت برأس نجلاء ولفو كلهم يناضرون بشهد الي رمتها بقوه على نجلاء وارتجفت من نظرات اهل السوق عليها وهربت بسرعه وهربو الثنين الي معها ورجعو يناظرون بنجلاء الي كانت رافعه العصاء بس ارتخت العصاء تطيح من يدها وفهد من الصدمه يناظر فيها ويدينه الي مرفوعه نزلها رفعت يدها نجلاء تحسس راسها وبس حست رطوبه بيدها قدمتها قدام عينها وانفجعت بالدم وارتجف فهد يفز وهنا ارتخى جسم نجلاء تغمض عيونها ومال جسمها يطيح وبسرعه حاوطها فهد تسقط براسها على صدره وهو محاوطها من خصرها يثبتها لاتطيح وصرخت ساره تنطلق لها ونوره تركض ورى ساره واهل السوق انصدمو وصار فوضى والكل اجتمع عليهم وو