من عينك النجلا غدى القلب مسلوبيا كوكب ذري ضوى نورك أعيان

٦٨

عند فلاح والهنوف
دق الباب وفز فلاح لدق الباب القوي وهو مفجوع وانصدم من شاف الهنوف تلهث دفعت الباب تدخل ورجع فلاح على ورى مسكت الهنوف كتوفه بخوف :انت بخير فين عضك وريني بروح أنادي عبدالعزيز
فلاح مو فاهم وش السالفه يشوف الخوف فيها ولمسات يدها لكتوفه لفت بتنادي عبدالعزيز بس فلاح مسك يدها :وش فيتس بسم الله عليتس اهدي
الهنوف بدموع:الدأب فين قرصك
فلاح باستغراب ماسك كتوفها:اي داب ؟
الهنوف بدموع ورجفه واضحه بيدينها ماقدرت تتكلم وهي مرتاعه مسك يدها فلاح :تعالي اجلسي
جلست الهنوف على الكرسي اتجه فلاح يجيب كاسه مويه يمدها لها تشرب الهنوف جلس عند رجولها يمسك كفوف يدها:هديتي
الهنوف:اي ،ساره قالت انك قرصك داب من خوفي عليك ما...انقطع كلامها من لاحضت بسمه على وجه وهنا استغربت انه مو متعور فزت بزعل تسحب يدينها:يعني تكذب علي انت وساره تلعبون بي
فلاح يوقف لفزتها:لا والله ص..قاطعته تدفعه بس هو مسك يدينها :هنوفي والله مااعرف عن شي ساره من راسها قالت تسذا
الهنوف:وانا لازم اصدقك
فلاح يمسك خدودها بين يدينه:والي خلقتس ماعندي علم أنا حتسيت لها انها تساعدني ارجعتس لذمتي بس تعرفين سوير وأفكارها
الهنوف:تفاؤل عليك؟
فلاح:عاد افكار ساره الخبله ماتعرفينها
زفرت الهنوف براحه وصدت بتطلع وهمس فلاح بضيق:لإمتى هالحال ي هنوف؟كل يوم وانا اترجاتس ترجعين لي
الهنوف ابتسمت وقبل تطلع قالت:الشمس مو في مكانها امس
ناظر فلاح باستغراب وطلعت الهنوف متجهه لبيتهم وقابلت امل الي كانت عند خوالها طوال فتره سجن نجلاء
الهنوف تضمها:حياتس الله طولتي الغيبه
امل:توي دريت ومن فرحتي جيت
الهنوف:ادخلي
دخلو وامل ركض اتجهت لعبير تضمها وتحمدلها بالسلامه وتسلم على عبدالعزيز بحراره طلعو من بيت عبير متجهين لبيت ام فهد عند نجلاء وطلع وراهم عبدالعزيز
دقو الباب تفتح نوره الي صوتها كان واصل لعبدالعزيز وهي ترحب فيهم وتقلطهم عند نجلاء وقبل دقايق من وصول البنات
على سفره الفطور تنحنح فهد :ي ابوي ي امي ي جده حاب ابشركمم
ابتسمت نجلاء ونوره والكل ناظر فيه
ام فهد:بشاره خير ان شاء الله
فهد:حاب أبشركم بعد كم شهر بيجيكم حفيد
الكل ابتهج بفرحه وسلطان وقف يتجه لنجلاء الي بادرت تبوس راسه :مبروك ي بنتي
نجلاء:يبارك فيك ي عم
مزنه:مبروك ي حبيبتي الله يقومك بالسلامه
فهد ونجلاء:امين
ام فهد بفرح تحضن نجلاء:اسعدتونا ياعيالي الله يفرح قلوبكم
وليد ومشاري فزو يحضنون فهد يباركون له وكان رد فهد :عقبالكم
انتبهت نجلاء لميان الي نوعاً ما تضايق وجلست بجنبها تربت كف يدها ابتسمت ميان تبارك لها ورد لها نجلاء بحضن تهمس:عقبالتس ي حبيبتي
قطع دخولهم دق الباب تدخل ساره وفز سلطان وابو وليد بعد ماباركو لفهد يتسابقون من يفرح عبدالله
دخلت ساره تسمعهم يباركون لنجلاء وقالت:هقيت اني بلقى راستس عند باب عمي سلطان وش مزينه حتى يباركون لتس
ام فهد:افا ليه
نوره:صح كان بتلقينه لكن ربك شفع لها
ساره:وش صاير ببارك معكم
وليد:خويتس بتصير ام
ساره غصب فهمت وصرخت بدون وعي صرخه أزعجت فيها الكل تحضن نجلاء الي فطست ضحك عليها
ساره:واضح انه بيكون مطنوخ دامه فزع لتس بهالوقت
نوره:لا بتكون بنت تسميها علي
ساره تخصر:ليه حبيبتي وانا وين رحت أنا خويتها أنا أولى
نوره تخصر:وانا عمته وأقرب منك
فهد:لا انتي ولاهي تبون بنتي تطلع خبله نفستس"اشر على ساره" والا مفهيه نفستس "اشر على نوره"
مزنه وام فهد وام وليد:ههههههههههههههههههههههههههه
نجلاء بضحكه:أنا مع فهد
ساره تضرب كتفها:يا جاحده المعروف
فهد:أنا أبوهآ أنا اسميها
ساره:وانا كنت ناويه لاجاني بنت اسمي عليتس بس ماش ماتستاهلين
ام وليد:الله ي الدنيا بعدك ما اعرستي تفكرين بالخلفه
ساره بجراءه بدون انتباه:ليه ماخذه ولدتس احنطه
الكل لف لها بصدمه ووليد من الاحراج هو وفهد ومشاري معد تفسرت وجيههم وساره نفسها تلخبطت صد وليد وفهد  ومشاري بضحكه يطلعون للديوانية
ام وليد:صحيح معد تستحين
ساره بمكابر:ماقلت شي الحرمه ليه تعرس عشان تخلف عيال يشيلونها بكبرها
مزنه:صحيح صادقه
نجلاء:اجلسي فضحتينا قدام العيال
جلست ساره وهم ميتين ضحك وبس جلست دق الباب تفتحه نوره ودخلت الهنوف ركض هنا ساره عرفت انها تبيها صارت تركض على الجلسه بشكل دائري والكل يناظر مو فاهم شي والهنوف توعد فيها
نجلاء تجلس اختها:اذكري الله انتي حامل وش مزينه بتس
الهنوف بصدمه:الخبله ذي قالت لي فلاح مقروص رحت مثل المجنونه اركض واخرشي طلعت تكذب تبيني ارجع له
ساره:تكفين ارجعي تراه واعدني ب٥٠٠ ابيها
الكل: هههههههههههههههههههههه
ميان:طلعتي بزنس يابنت
ساره:ماعليتس لأخذت اخوتس اعلمتس كيف تقتنصين الفرص
الكل: هههههههههههههههههههههه
كانت ساره ونيسه لدرجه الي يجلس معها وهو ضايق يرجع مبسوطه ومرتاح
عند فهد والعيال لفته فلاح الي جالس عند باب البقاله ياكل فصفص وحزين من جلسته اتجه له فهد:لا دام رجع الفصفص حالتك صعبه
فلاح:ضايق خلقي
فهد جلس بجنبه:وش من جديد
جلس فلاح يحكيه وش صار معه وختمه بكلمه الهنوف له وهي تقول الشمس مو بمكانها امس انفجر فهد يضحك على فلاح
فلاح:قلت شي يضحك
فهد:ي خبل البنت تقولك تعال رجعني الشمس مو بمكانها امس يعني غيرت ردها من لا لأي
فلاح فز بفرحه:قول والله
فهد ابتسم:والله
فلاح رمى الفصفص وسحب بيد فهد:ي الله الحين نروح لابوها نرجعها
فهد:هدي بشويش طيب
فلاح:تكفى عجل قبل تغير رايها
ابتسم فهد بفرحه لفلاح الي كان يركض للديوانيه بفرح يبي يرجعها لعصمته