من عينك النجلا غدى القلب مسلوبيا كوكب ذري ضوى نورك أعيان

٥٣

بالمخيم بدو الحريم يشيلون الاغراض راجعين لبيوتهم والكل متجه للسيارات
لفو على ابو فلاح الي يهمس لأبو وليد الي قال بفرح وصوت عالي:الله يتمم على خير وساره بنتنا وبعيوننا
ام وليد بصراخ:وشهو ؟؟
الحريم كلهم فهمو ان ساره وافقت والكل انبسط لكن انكمشت فرحتهم من صرخه ام وليد
ابو وليد:اقصري صوتك ي مره
ام وليد:على جثتي ماتاخذه
وليد:يمه الله يطول بعمرك لاتوقفين بطريقي
ابو وليد:ماعليك فيها ساره لك
ام وليد:ماتاخذه لو...قاطعها سلطان:انتي معد تحشمين احد هاء ابوه قال البنت له انتهى لاتجادلين
سكتت ام وليد بقهر تركب السياره وناظر وليد ساره الي واضحه متحطمه وابتسم يسلك الأمر
ركبو الكل متجهين للقريه وهالخبر ابسطهم مره وبا التحديد نجلاء الي بتكون ساره معها ببيت واحد
بسياره فهد فهد يسوق وامه قدام ونوره ونجلاء ورى
نوره:ماشاءالله بتصير عايلتنا حصن قوي خذنا اكثر ثنين يحبون المضارب
نجلاء:اي حبيبتي واذا ناويه نبدأ بتس مافي مشكله
فهد ابتسم ام فهد تهاوش نوره:خلاص ي بنت عيب
نجلاء ابتسمت تقدم بين المقاعد:عادي ي خاله ماقالت شي غلط يعني إذا احتجتي فزعه نعين ونعاون
ام فهد تمسح على كتفها:ماتقصرين ي بنتي
شافها فهد مو مثبته نفسها وتعمد يكبح فرامل ومالت نجلاء بقوه وكان وجهها بيضرب بالمسجل لولا يد فهد الي مسكتها يحاوطها ولفت نجلاء بخوف :تدور حرش انت
فهد:لا قطو كنت بدعسه
نجلاء:وتهد وجهي يعني؟
ام فهد بخوف:بسم الله عليك
نجلاء تضرب كتف فهد:ولدتس قاصد ي خاله
فهد ببراءه :لو قاصد مامسكتك
نجلاء تلف عليه:عينك بعيني اشوف
ناظر فهد بعيونها القريبه من وجهه وابتسم توترت نجلاء من ابتسامته وحركته ورجعت على ورى بحرج وفشله
كملو طريقهم للقريه وفهد يسرق لها النظر منّ المرآيه
بالمساء
ببيت ابو فلاح
ام فلاح من فرحتها بساره دقت على حبايبها تبشرهم وان زواجهم بيكون بعد اسبوعين عقد وزواج وابوفلاح نفس الطريقه ساره بغرفتها تسجل وش ناقصها وقلبها يدق ما بين الخوف والحب ومشاعر متضاربه وشوي تخوف من ام وليد

عند فلاح والهنوف
الهنوف تجلس بجنبه وهو متمدد على السرير:تهقى ام وليد بتسوي مشاكل لساره
فلاح يجلس :والله خايف عليها لكن الي مطمني ان وليد رجال وان شاءالله بيصونها
الهنوف:الله يسخره لها والله ساره طيبه
فلاح ابتسم يبوس يدها :والله ياطيبتس انتي
ابتسمت الهنوف وهي تحس ان فلاح كل يوم يكبر حبه بقلبها وكل يوم تشكر الله ان عطاها فلاح وكان العوض لقلبها وعن كل شي سيء مر بها و:)

عند ميان ومشاري
جلست ميان بوسط السرير تضرب مشاري الي شبه نام فز بخوف يجلس:مهبوله انتي وش فيك
ميان:خير اجلس بقولك شي
مشاري:ما انتي شايفتني نايم صحيني زين او لاتصحيني
ميان:وش هالاسلوب
مشاري:مصحيتني بهالطريقه وش متوقعه مني ؟
ميان تبوز وتلمع عيونها ببكي استغفر مشاري يمسك خدودها:حقك علي خلاص لاتزعلين
ميان:لا انت صاير ما تحبني وتهزء فيني وماتسمع لي وقبل تتمنى بس أعطيك وجه
مشاري ابتسم:طيب اسف خلاص ي زعوله قولي وش عندك
ميان:شف الأسلوب الوسخ ذا ما احبه
مشاري يحاول يهدى لايكفر فيها وابتسم:مياني حبيبي امريني وش فيك
ميان ابتسمت:اي كذا زين خذ
مدت له لهايه اطفال اخذها يقلبها وقال:طيب والمطلوب
ميان با أبتسامه:مافهمت؟
مشاري تعقدت حواجبه وبعدين توسعت عيونها يفز يجلس على ركبه:قولي والله
ميان بضحكه:والله شكيت من التعب الي جاني بالمخيم وحللت طلع إيجابي
مشاري فز يحضنها بقوه وحماس ورجع يبعد عنها يبوس خدها:مو مصدق يعني بصير اب
ميان:تخيل اني بصير ام
مشاري بضحكه يبوس يدينها:احلى ام والله
ميان تبوز :بس زعلت منك قبل شوي تهزءني
مشاري:معليش اسف حقك علي ي احلى ميان بالدنيا
تمددت ميان :اوخ التعب الف ظهري يعورني
مشاري بخوف:نروح المستشفى
ميان:لا تكفى بس أتمدد ارتاح
حط مشاري يده على بطنها وتمدد بجنبها بفرحه وميان حست بالأمان تنام على طول اما مشاري من فرحته بالقوه نام وهو مو مصدق ابد