من عينك النجلا غدى القلب مسلوبيا كوكب ذري ضوى نورك أعيان

٤٠

ارتجفت من صوته وجت بتمشي بس رجع يحاصرها بيده وقال:ماراح انسى لتس الكف و..انصدم من مالت تفقد وعيها وبسرعه مسكها يجلس على ركبه ونص ورأسها على فخذه وناظر يمين ويسار بوهقه همس:وش هالورطه الحين كيف
ضرب خدها بخفيف:ي بنت هي تسمعيني
نوره بداخلها كانت صاحيه بس اضطرت انها تمثل توقعته بيهرب وصار لازم تكمل اغمائها ارتجف قلبها من فتح غطاها يبيها تاخذ نفس ورجع يضرب خدها بخفيف وهمس بقهر:غبي ي عبدالعزيز هالحين وشلون تحلها حتى اسمها ماتعرفه الو بنت تسمعيني
توهق حرفياً بهالليل كيف يصحيها وحتى مايعرف اسمها تفكر انها اخت فهد وتذكر لمن دخلت الديوانية تصرخ فيه وقال اخو نوره ورجع يضرب بخدها :نوره نوره تسمعيني نوره
ارتجفت نوره واضطرت تفتح عيونها وهي مفجوعه كيف عرف اسمها ناسيه الموقف لمن نادت اخوها
ناظرها عبدالعزيز تفتح عيونها تناظر في الفراغ وواضح سرحانه وشد راسها لصدرها ينبها تصحصح انقطع حبل افكار نوره تناظره فتره تشوف ملامحه عن قرب ويدينه الي ماسكها فيها وبس يناظر فيها طاحت دمعه حاره من عينها تنتهي بمسارها على يده الي ماسك فيها وجهها رفع يده يمسح دمعتها كردة فعل لا اراديه لكن لعبت بحسبه نوره ومشاعرها
عبدالعزيز بحنيه:كيفتس الحين صرتي احسن
انقطعت نظراتها من عيونه تفز تجلس وتسحب غطاها على وجهها وفز عبدالعزيز يوقف بجنبها :حسابتس ما...سكت من شافها اتجهت ركض لبيتهم تدخل وتقفل الباب
مشاري من وراها:وين كنتي؟
فزت نوره بخوف:بسم الله
بتوتر:كنت عند نجلاء أساعد البنات بحوسه التنظيف
مشاري:طيب ليه متوتره
نوره:هاء لا بس الكلب كان يطارد وراي
هز راسه مشاري يتجه لغرفته يشوف ميان واقفه عند المرايه لابسه فستان ابيض حرير للركبه ومن تزوجو عمره ماشافها تلبس لبس كذا
ابتسمت ميان تتقدم له تمسك يده:ادري متفاجئ بس أنا من الليله حبيت اعطي حياتنا فرصه جديده وانا متاكده انك الشخص الي تستاهل اعيش حياتي معه
وحابه أشكرك انك عطيتني فرصه حتى اقدر احدد مشاعري ناحيتك والحين اقدر اقول بكل راحه اني احبك اكثر من اي شي بالدنيا
ابتسم مشاري بس يناظرها بدون اي كلام
ضحكت ميان تهز كتوفه تشتت نظراته:اقولك احبك وش فيك
زادت ابتسامته وعمره ماتخيل ان ميان ممكن بيوم توقف قدامه تعبر عن حبها بكل أريحيه رد عليها بطريقته اللي يقطع فيها كل حاجز يمنعه عنها ويقربها له يعلن حبه وزواجه منها و:)

عند ساره الي كانت مصدومه من من كل الي شافته وفرحانه انها جابت خبر عبدالعزيز ونوره اتجهت لبيتها بكل أريحيه تمدد بتنام ويجي زول وليد قدام وجهها حاولت تنسى وتنام بس عجزت انقهرت انها ماهزءته وانقهرت اكثر انه حتى ما اعتذر منها على حركته واستمرت تصارع وليد الي دخل براسها وفكرها وبصعوبه نامت
ببيت ام نجلاء
دخلو البنات من الخوف ينامون ونجلاء ميته خوف  وتدعي النوم شدت لحافها  من دق الباب عبدالعزيز ودخل يشوفهم متغطين وقال:ادري انكم مو نايمين لكن الوعد بكره تلقون العقاب المناسب
طلع من الغرفه يقفل الباب وفزت نجلاء:يمه بنات كيف الطريقه
امل:ليه مسوي تحديد للكل أنا والهنوف مارحنا معكم
الهنوف:صدق ياويلنا
نجلاء:نامو نامو مافي شي
نامت نجلاء بقلق وخايفه اخوها يقول لفهد وفهد مصيبه اكبر لو عرف
-
عند مخلد صارت حياته باهته والبيت موحش مافيه إلا هو وشعوره الوحده منجد ياكله وصار يتوهم أصوات براسه مالها اساس
-
عند ام امل كانو اخوانها يطلع واحد يهزءها يدخل الثاني طوال الفتره الي عندهم كانت محبوسه وأكلها يصلحها وواحد من اخوانها حاب يروح لعبدالله يتفاهم معه
-
صباح يوم جديد
ببيت فهد
الكل مجتمع حول شبة النار ماعدا عهود الي صارت معزوله ومنطويه عنهم وبالها كله بولدها وصارت ماتفارق سجادتها وبس تدعي له
ميان بجنب مشاري ويتهامسون والكل ملاحظ ميان الي صارت متغيره واجتماعيه اكثر والصدمه الأكبر لمن شافتها نوره تاكل بيدها هنا ماصدقت تصرخ فيها:ميان تاكل بيدها ي ساتر من وين طالعه الشمس اليوم
ضحك مشاري:قلت لك والله لعلمها تضرب بالخمس كيف بالله
ميان بضحك:منجد الفضل لأخوك بهالاسبوع قضيناه بالمخيم طلعني بدويه اصليه
ام وليد:شهر عسلكم بالمخيم منجدك يامشاري
الكل ناظرها بطرف عينه وميان ماحكت امها خافت لاتسوي سالفه
ميان بتوتر:اي يمه أنا كلمت مشاري نطلع هناك
ام وليد:اخره بنتي تمشيها عند البعارين ي مشاري
فهد:إلا البعارين لاتغلطين عليها تراها غاليه علي
نوره:وش فيها ي خاله لو طلعو ترا رجال وزوجته وبعدين هذي حياتهم يقررون الي يبون محد له دخل
ام وليد:والله طلع لك لسان
نوره:وش قلت ماقلت شي غلط
وقفت ام وليد بقهر تروح بيتها ولحقتها ميان ونوره انحرجت من عمها نوعاً ما لكن ارتاحت يوم ضحك عمها وقال:ريحتيني من قرقتها كانت بتصج رأسي بهالموضوع
فهد ضحك:شكلك متعقد واجد ي عم
ابو وليد:نشوف وضعك بعد كم شهر تجلس هالجلسه
فهد:هذي ما تصير لاني ما اسمح لاحد يعلي صوته علي او يجادلني
مشاري:اقول
نوره تمسك مشاري :أنا الي اقول شكلك ناسي انها راثعه بدكان ابو خلود ومشوهه وجه بنته يعني انتبه انت تصج راسها عشان ماتجي مكسر
انفجر الكل يضحكون عليه وفهد ابتسم بخفيف وهو يعرف انه مأخذ وحده مو هينه بس كمان يعرف نجلاء لها حدود والاحترام مطلوب
ابو فهد:افطر ومر على الحلال ي فهد شوف أوضاعه كيف
فهد:سم ي ابوي