من عينك النجلا غدى القلب مسلوبيا كوكب ذري ضوى نورك أعيان

٢٠

لبست ساره وطلعو يمشون حتى وصلو نص الحاره بالوسط بين بيتهم والدنيا ضلام حول العشاء وهذا طبعهم إذا فلاح مو موجود يوقفون بالنص يسكنون بعض وبعدين يعدون ل٣ وكل وحده تنطلق لبيتها وفعلاً وقفو وربطو عبايتهم على خصرهم وعدو ل٣ انطلقو وضحكهم عالي وكل وحده تطل تناظر الثانيه ومن يوصل اول نجلاء بس قربت لبيتهم صقعت بشخص وشهقت بصدمه لانها كانت تناظر بساره وطاح شي حار على كف يدها رفعت راسها تناظر فهد وتاوهت بالم من الحرق
فهد:بسم الله وش فيكم تركضون بهالليل وبعدين كم مره نقول ماتطلعين بالليل؟
نجلاء بفشله:لا بس كنت سهرانه مع ساره وخذانا الوقت وهذا طبعنا إذا فلاح غايب نوقف بالنص وبعدها كل وحده تدبر روحها
فهد بعدم تعليق:ارسلت جدتي مرقوق بس قد انه انكب
نجلاء استغربت ماعلق:طيب هاتي الصحن اغسله ل...قاطعها يرجع البيت:مافي داعي
تعقدت حواجبها باستغراب وهمست تشوفه صاد:وش فيه ذا غريب يطنشني تسذا
دخلت نجلاء البيت وهي تحس انها ارتاحت منجد بعد ماتكلمت مع ساره وقررت تعطي مشاعرها فرصه بس تبي تعرف بالاول منهي صاحبة القصيدة الي تغنى فيها فهد

اليوم الثاني بعد الفجر ببيت ام نجلاء ونجلاء وامها وأختها مجتمعين على الفطور
نجلاء:يمه موعدتس الجاي متى هو
ام نجلاء:عقب اسبوعين
هزت راسها نجلاء وكملت امها كلامها:جتني عزيمه من ام فهد وعمتها مزنه لعرس مشاري وميان بالمدينه
نجلاء:بتحضرين
ام نجلاء:اي بنروح مع ام فلاح وولدها نحضر العرس ونرجع بنفس اليوم
نجلاء:زين
ام نجلاء:عقبال ما اشوفتس انتي واختس عرايس
نجلاء ناظرت امها با ابتسامه ولفت على الهنوف الي تضايقت تحط اللقمه من فمها وقالت نجلاء:أنا ما اعرس قبل اختي
الهنوف بصدمه:وش هالكلام ي نجلاء انتي وش ذنبتس تربطين نصيبتس تسذا
نجلاء:والله الي شاريني يصبر
الهنوف بضيق:ليه هو في احد راح يتزوج وحده مثلي
ام نجلاء:افا عليتس ي امي لاتقولين هالحتسي والله الي بياخذتس امه داعيه له
نجلاء با ابتسامه:لتس مني اقصد فيتس وارقص بعرستس من الصباح لليل
ابتسمت الهنوف وهي مو متخيله انها ممكن تتزوج بيوم وتحس ان اعاقتها هي السبب بتأخر نصيبها
قطع صمتهم ساره الي دخلت مدرعمه وهي تصرخ:نجلاءءءء
فزو بخوف كلهم ومسكت قلبها ام نجلاء لفت نجلاء على امها:يمه وش فيتس انتي طيبه
الهنوف بخوف:بجيب ماء
ساره بخوف تتجه لام نجلاء:السموحه ي خاله ماقصدت
نجلاء بعصبيه:مجنونه انتي ناسيه امي فيها القلب
ام نجلاء:أنا بخير هدو
ساره:والله ياخالتي ماقصدت اعذريني
نجلاء بحده:اعذريني وين نصرفها لو امي صار لها شي
ساره بزعل تبوز ام نجلاء تضرب كف نجلاء:راضي خويتس مابي خلاف هذا أنا
جابت المويه الهنوف تمدها لامها ولفت نجلاء لساره :اسفه
ساره تمثل الزعل وتصد تبوز:زعلت
نجلاء:خلاص عاد سوير ماقصدت لاتكونين شيفه
ساره :بعد تسبين تقلعي
نجلاء بهمس :بقلتس شي عن المزيون
لفت ساره بحماس:والله
نجلاء تتجه تلبس عباتها وتسحب ساره يطلعون برا البيت :ي خفيفه انتي ماتصلحين تحبين
ساره:هو بس يجي والله لحطه بمحجر عيوني
نجلاء:منو
ساره:الحبيب
نجلاء:ليت اخوتس يسمعتس بس عاد ودنا نتعشى ونتغدى لحم ثلاث ايام
ساره بصدمه:ي الخسيسه تبين تأكلين بعزاي
نجلاء:اي الفايده الوحيده الي بنستفيدها منتس
ساره ماتحملت وانطلقت جري ورى نجلاء هاربين وضحكهم معبي الحاره وطلع من مجلس الشيبان يسمع ضحكهم وشافه فلاح من بعيد وقال:إذا أنك تبي تقطع لسانهم ترا سماح من ناحيتي
فهد:لو كنت اقدر كان ماقلت هالكلام تعال اقلط افطر
فلاح سحب فهد تحت ذراعه:عزمني ولد عمك على زواجه ابغى له هديه
فهد:وش تبي
فلاح:عطر المزيون
تذكر فهد فشلته يوم نادته ساره وقال:تم قدام
فلاح:قدام عشان العطر والا عشان شوفة العيون الكحيله
فهد تنهد:نقول الثانيه
ضحك فلاح وضحك فهد متقدمين ناحيه البسطه ساره تكلم نجلاء:اسمعي المزيون قال قصيده ثانيه بام العيون
نجلاء لفت بحماس:وش سمعيني
ساره تغمز:اشوف متحمسه مو نفس قصيدته الاولى
نجلاء:خلصيني
وقفت ساره تقولها القصيده ونجلاء تسمع وهي مبتسمه وبس خلصت قالت:صح لسانه
ساره:لساني والا لسانه
نجلاء:اكيد لسانه
ساره تسوي كش:والكوبه
نجلاء:والله ياسوير احس نفسي فراشه او حمامه احس تسذا تسني انولدت من جديد مدري عندي مشاعر حلوه واحس ودي بس اخم احد
ساره شافت فهد جاي مع فلاح وقالت:الحب وصل
نجلاء معطيتهم ضهرها:حب مين
ساره:فهدك
نجلاء لفت بسرعه وحست برجفه تسري بعروقها وتوسعت بسمتها تحت البرقع مو مصدقه انها تشوفه جاي ناحيتهم
وقف فلاح قدام ساره وقال:ابي عطر هديه لمشاري
ساره:عطر المزيون صح
استحت نجلاء وفهد صاد يلعب بسبحته ورد فلاح:اي
ساره:صبحك بالخير ي فهد
فهد:هلا اخت فلاح صباح النور
نجلاء:صباحكم خير
فلاح:صباحتس نور
ناظرت نجلاء بفهد الي سفها مارد واستغربت تناظره وساره كمان استغربت هالشي منه
قربت نجلاء تحط لفلاح طلبه ورفعت راسها من سمعت خلود تتغنج بصوتها:صباح الخير ي فهد
فهد وهو صاد:صباح النور
خلود:سمعنا قصيدتس البارح يازينه
لف فهد على فلاح بصدمه وبلع ريقه فلاح بوهقه اخذ العطر فلاح واتجه ركض برى السوق
نجلاء ماتعرف ليه انقهرت من خلود وهي تتكلم مع فهد وتلوح بيدينها وصوت البناجر تخبط ببعض ويطلع صوتها
وقالت:روحي لمحلتس ماحنا حابين تطيرين الزباين عنا
ساره تناظر بنجلاء بصمت
خلود:ما احتسي معتس اعتقد وبعدين فهد مو من زباينتس
نجلاء تتجه لخلود:انصحتس تطسين من وجهي لاني ماابغي اصبح عليتس
خلود بحده:محد كلمتس ليه تدخلين
نجلاء:واقفه قدام بسطتي
فهد يناضر بنجلاء الي كلامها وهوشتها كلها مو مبرره وبرفعه حاجب يشوف حركاتها المقهوره من خلود
خلود بصراخ:انتي براستس هوشه والا ايش
نجلاء تقرب من خلود وترفع اصبعها السبابه تدف جبين خلود حتى رجعت ورى وقالت:صوتس لايعلى هذا اولا وثانياً ان مريتي من قدام بسطتي حشيت رجولتس
خلود:والله مو على كيفتس
نجلاء تشمر اذراعتها:لا انتي منتي ناويه ترسينها بر اليوم جلدتس يحكتس
هنا تدخل فهد:بس اصبحو وش هالهواش من صباح الله
خلود:محد حتسى معها هي حشرت نفسها
نجلاء:بتقلعين والا احشرتس بكف يهل ضروستس
خلود تأفف تتجه لمحل ابوها ولفت تناظر فهد نجلاء
نجلاء:ماعليك فيها هي تسذا م...صد فهد يتركها بدون يسمع تكمله كلامها ووقفت نجلاء بصدمه من حركته
ساره تعقدت حواجبها باستغراب من فهد وهو يتجاهل نجلاء ولفو على ضحك خلود :ههههههه حتى الرجال طفش منتس انتي وهي وع عليتس
دخلت المحل شامته فيهم ونجلاء تناظر بفهد الي دخل محل قريب منهم يبيع سيوف وجنبيات وخاطره بسيف
نجلاء من الصدمه تجمعت الدموع بعيونها وحست انها انجرحت حيل منه تقدمت ساره لها تمسك وجهها بين يدينها:ماعليتس فيه يمكن زعلان عشان سفهتيه البارح
نجلاء:من البارح وهو سافهني ويمشي وانا احتسي والحين يشمت فيني خلود
ساره:مايستاهل دموعتس خليه
نجلاء ببكي:ليه يسوي فيني تسذا أنا بو ايش اذيته
ساره:اصبري جايتس
تركت نجلاء تتجه لفهد داخل المحل و