من عينك النجلا غدى القلب مسلوبيا كوكب ذري ضوى نورك أعيان

٢١

ساره:اصبري جايتس
تركت نجلاء تتجه لفهد داخل المحل وهي تصبح على صاحب المحل:صبحت بالخير ي عمي محمد
محمد:صباح النور هلا سوير
سوير بهمس لفهد:بحتسي معك تعال
طلع فهد وراها وعينه بالارض:امري
ساره:ليه تسذا تسفه نجلاء وش مزينه لك حتى تفشلها وقدام مين ام شوشه
فهد :هي تبي كذا
ساره:مين
فهد:نجلاء تقولي انت بدري وانا بدرب ورفضت اني اتكلم معها او حتى اصبح عليها
ساره بنرفزه:فهد تراي مو مفطره لاتخليني افطر عليك نجلاء ماكانت تقصد تسذا انت فهمتها غلط
فهد:وشلون يعني الحين
ساره:الحين تروح تراضيها لان دمعتها ما نشفت بسببك وانا عندي الي ينزل دمعه من عيون نجلاء اكره وانا ما ابي أكرهك
فهد بصدمه:تبكي؟
ساره:لا والله تسكب لها تبيها تضحك يعني
فهد ابتسم بخفيف:زين زين روحي اخلص هالشغله بيدي وأمركم
راحت ساره لنجلاء تهديه حتى هدت وتقولها ان فهد بيمرها
اما فهد خلص من المحل من هنا وطلع تجيه مكالمه من صاحبه الي مشرف على نياقه وطلع جري لفت ساره تكلمه:فهد
فهد وهو طار عن باله موضوع نجلاء:بعدين بعدين
استغربو الكل من ركضه ساره بصدمه:تسنه سحب علينا
نجلاء:يمه وش صاير معه احس في بلاء
ساره:بس راح ماراضاتس
نجلاء تبوز:زعلت صراحه بس احس شلت هم كمان احس صاير معه شي
ساره:اخخ من عذاب الحب
نجلاء:تونا ماقلنا بسم الله بدت المشاكل
ساره:ههههههههههههههه
نجلاء:اي اضحكي ما اقول إلا الله يبليتس مابلاني
ساره:الحب بلوى والله ماعندتس سالفه
نجلاء تنهد :
يا ناس راع المحبة لا تعذلونه
‏ماهوب عن صاحبه داله ولا سالي
‏لو يسهر الليل كلّه لا تلومونه
‏الحب بلوى لانيب اول ولا تالي
ساره بهيام:الله متى تجي بلوتي أنا
نجلاء تبتسم على هبال ساره ومرت الساعات وساره تبيع ونجلاء بالها مع فهد مشغول وش صاير معه
خلص اليوم هذا ونجلاء ماتلاقت بفهد ولاشافت سيارته حول البيت حاولت تروح لنوره تفهم منها وش فيه بس كان الكل ماعندهم خبر عن طلعته
اليوم الثاني نوره وامها وجدتها طلعو للمدينه يقضون لزواج مشاري وعدت الايام وفهد مختفي ونجلاء كل يوم تصبح وتمسي على خياله وهي ماتفكر إلا فيه وبالها كله معه واغلب وقتها تهوجس وحتى جوال ماعندها تدق على نوره تفهم غيابه أتعبت ساره وهي كل شوي تخليها تكلم فلاح يدق عليه بس كان مغلق جهازه مايرد زاد قلقها وتوترها عليها وصارت اي شي يعصبها من كثر ماهي كاتمه ومرت هالأسبوعين ونجلاء انهلكت من كثر التفكير
يوم عرس مشاري وميان
بقرية نجلاء
جالسين يجهزون الهنوف ونجلاء وساره ونجلاء مالها خلق اي شي وهي بالفتره الي غابها فهد تاكدت انها ماتقدر بدونه ابداً وافتقدته حيل
ساره كانت منتبه لزعلها وهي ضايقه على حال نجلاء الي صارت قليل كلامها وبس تهوجس وواضح حاصره بقلبها
دخلت ام نجلاء:هاء يمه جهزتم ي الله تأخرنا نبي نمشي
الهنوف:أنا جاهزه
وقفت الهنوف تطلع ورى امها بعد مالبست عبايتها وقفت ساره تتجه لنجلاء تمسك كف يدها:ي نجلاء اذكري الله اكيد بنشوفه اليوم بعرس اخوه اكيد مابيغيب
نجلاء بكسره:خايفه يكون يلعب بمشاعري خايفه ان قصيده الي قاله مو لي خايفه من كثير أشياء ي ساره وخايفه اكثر من ركضته وطلعته من السوق تسذا اكيد صاير معه شي
ساره:انتي لاتفكرين بسوء واذا على قصيده اوعدتس راح نعرف من هي ام العيون بس يبين هو وكمان اليوم عرس اخوه صدقيني راح يبين
نجلاء بتعب:ان شاءالله
ساره توقفها:ي الله عاد افردي وجهتس الناشف ترى مو حلو عليتس الزعل والي عنده هالعيون الحلوه يزعل ماتستاهلينها والله
نجلاء با ابتسامه:وش رايتس انزعها اعطيتس هي
ساره بغمزه:وشلون تشوفين المزيون بعدين؟
ضحكت ساره تطلع قدامها وابتسمت نجلاء ورجف قلبها لطاريه وطول هالفتره كانت ترتب نفسها وتفهم مشاعرها تجاهه وتأكدت انها تحبه وتكن له مشاعر عظيمه
لبست عباتها وهي عندها امل كبير بتشوفه بالعرس وركبو مع فلاح وابوه واتجهو للقاعه
عند ميان الي جننت نوره وماخلتها تطلع من الغرفه حتى تجي لولوه صاحبتها وماصدقت نوره جت لولوه
نوره:هذي خويتك فكيني منك آمي جننتي
لولوه تحضنها ببسمه:الله احلى عروس
ميان بتوتر:لولو خايفه مره تكفين ماكنت متوقعه اني راح أوصل لهنا
لولوه:اذكري الله انتي مو وافقتي عليه بعدين مشاري رجال بيصونك
ميان:أنا وافقت عشان أتخلص من اصيل خايفه ياخذ شرفي ما ابي اضلم مشاري كنت اضن اني راح احبه بهالايام هو طيب وحنون بس ما احس بمشاعر ناحيته تكفين لولوه ساعديني
لولوه بصدمه:انتي وش تقولين هذا زواج مو لعب
ميان:معد ابي هونت
لولوه توسع عيونها:انتي انهبلتي؟الناس الي تحت وش نسوي وهم جايين عشان العرس
ميان:بس أنا ما احبه ياناس افهموني
انصدمو من الباب الي اندفع بقوه ولفت ميان بصدمه تشوف ساره ونجلاء واقفين بصدمه بلعت ريقها بورطه
ساره تناظرها بصدمه ودخلت نجلاء وقالت بصرامه:خلونا لحالنا
ساره هزت راسها تطلع بصدمه ولولو لفت لميان الي اشرت لها تطلع تقدمت نجلاء لميان بحده وقالت:يعني تصلحين الغلط بغلط
ميان وهي ترجف:نجلاء أنا بس...قاطعتها:عندتس حلين بس ي تفركشين هالزواج وانا راح اقول الي شفته وراح أقولهم ان الكلب حاول يتعدى عليتس ي انتس تتممين هالزواج وتتحملين نتيجه سكوتس
ميان:نجلاء تكفين خايفه اجرح مشاري
نجلاء بأسى:هو بس لو يعرف انتس تزوجتيه وانتي ماتبينه راح ينجرح اكثر من اي شي سكوتك على فعل اصيل ضر مشاري حيل ي ميان
ميان تنزل دموعها:يارب أموت قبل اجرحه يارب
نجلاء بصدمه:استغفرالله الله يبنت مايجوز تدعين على روحتس
ميان:نجلاء تكفين انصحيني ماعندي احد يفهمني
نجلاء تمسك كتوفها تمسح دموعها:عطي نفستس فرصه اكيد راح تحبين مشاري وان شاءالله ربي بيسخره لتس وانسي اصيل ولعد تفكرين فيه
ميان ابتسمت وبداخلها بس شايله هم مشاري حضنتها نجلاء تبتسم تلطف لها الجو وقالت:بجيب هديتس واجي
هزت راسها ميان با ابتسامه ونزلت تلبس كعبها ووقفت بخوف من سمعت صوت صفيروهي تعرف صاحبه مزبوط رجعت على ورى بخوف تشوف اصيل يصفر بخبث ودخل الغرفه يقفل الباب وقال:اوه وش هالزين ي حلوتي
ميان بتوتر:اطلع برى والله اصرخ وألم الكل عليك
اصيل:مو قبل اقول الي عندي
ميان تحط يدها على أذونها:ما ابي اسمع منك شي اطلع برى
اصيل يقرب لها:نجيتي مني بس صدقيني على خيانتك لي وزواجك من مشاري ماراح أريحك وراح اكون كابوسك لاتفكرين بزواجك منه نفذتي
ميان :أنا با ايش خنتك أنا ما حبيتك ولاراح احب واحد متحرش مثلك ومشاري لاتجيب اسمه على لسانك القذر
اصيل يرفع حاجبه:اوه فعلتي دور الزوجه الي ماترضى على زوجها
قرب منها بس تفاجأ من صرخت :نجلاءءءءء وينككك نجلاء
التمس اصيل وزفر بقهر طالع :هين أنا أوريك
طلع من الغرفه وجلست ميان بتعب من هالوضع
دخلت نجلاء والبنات بخوف
نجلاء:وش فيتس
ميان تبتسم بمجاملة:لا بس ابي احد يجلس معي اخاف أتوتر زياده
ساره:يبنت انبسطي انتي ماخذه واحد يشق الوجهه
ميان:كانك تغزلين بزوجي
نجلاء:يوه يعني غارت بدري ي روحي
ميان تبتسم والبنات معها وبدت سوالفهم يحاولون يخففون عنها قلقها
بعد مرور ساعتين جاء وقت الزفه
نزلو البنات وبدت ميان تنزف على أنغام زفتها والكل متحمس وام فلاح كانت مبهوره بتفاصيل القاعه وهم متعودين على بساطه زواجتهم الي تنعمل بالقريه وجالسه تقول لام نجلاء:ماشاءالله هالقاعه تجنن
ام نجلاء:الله يتمم لهم بس ي زين زواجاتنا مفتوحه مو نفس هالجدار صدعت من الصوت
ساره والهنوف كانو كمان مبهورين بالقاعه والترتيبات اما نجلاء نفس امها كانت تحب البساطه وصح ان الترتيبات حلو بس مو على مود نجلاء مره
أنزفت ميان لكوشتها والكل مبسوط لها وفرحان ووقف الكل يرقص معها ويعززون لها

عند الرجال نفس الأفراح عامره وابو فهد احرق في وليد ويهزء با اصيل الي اختفى وبس شافه من بعيد خزه واتجه ركض اصيل له وهو يهاوشه :وينك وين تطس بسرعه باشر الضيوف
مشاري كان يناضر جواله محتري دخله فهد الي ابطى حيل
لكن وقف بفرح من شافه داخل القاعه بكامل أناقته وهيبته و