من عينك النجلا غدى القلب مسلوبيا كوكب ذري ضوى نورك أعيان

٤٦

نوره بدموع مرتخيه يدينها بصدمه ماقدرت تدفعه ولاقدرت تلمه كانت تسمع بكائه وتحس بكسرته منتظرته يفرغ الشعور السيئ الي يحس فيه يعبر عن حزنه براحته انتظرت دقايق تحس فيها هدى وبدت انفاسه المتسارعه ترتخي وحتى شدة يدينه خفت رجع عبدالعزيز على ورى يبعد عنها وصد يمسح دموعه  وهمس:السموحه منتس
نوره:حصل خير
كيفك الحين؟
عبدالعزيز:ان شاءالله احسن لكن مو قادر اطلع شكلها ومنظرها من راسي احس تعبت وانا احاول اغمض عيوني انسى صورتها وهي طايحه وسايحه بدمها ومنظ...انقطع صوته من لف لنوره الي تغيرت ملامحها وواضح انها تذكرت تذكر انه لمحها وقت الحادثه وكانت بحاله غريبه وقريبه من جثه امه حيل
غمض عيونه بقهر واتجه لها يمسك كتوفها:نوره اسمعيني
نوره كانت سرحانه في الفراغ ومنزله عيونها تحت
مسك كتفها بيد ويده الثانيه يرفع ذقنها يناظر بعيونها:نوره ادري ان الي شفتيه صعب والمنظر قدامتس ما ألومتس كان مفجع بس حاولي تنسين لاتفكرين فيه تمام
هزت نوره راسها بايه رفع اصبعه لخدودها يمسح دموعها وبعدت عنه تاخذ الدواء وطلعت من البيت لبيتهم
بحوش ابو وليد
كانو جالسين البنات ويحاولون يغيرون مود امل
ساره:ودكم نروح البقاله
نجلاء:سطو والاروحه طبيعيه
البنات: هههههههههههههههههههههههه
دخلت نوره على كلام ساره:شكلك ناسيه اخرة هالبقاله وين صيفنا
نجلاء:والله عاد صار الي صار وصدقناهم هالمره بنكون متيقضين اكثر
امل:ناوينها يعني ؟
ساره:شوفو هو الوقت لحين بدى يضلم بنكلم شمس يفتح لنا
نجلاء:ماعرفتس وانتي مؤدبه
الهنوف:أنا ما اقدر اجي معكم بروح لامي
ابتسمت نجلاء تربت كتفها:زين
ميان:يالله فزو
وقفو البنات يلبسون عباياتهم وطلعو من الحوش
ساره:احس ان حن رايحين مداهمه
نجلاء:لاتحسين لان ذا الصدق
البنات: هههههههههههههههههههههههه
وقفو عند باب بيت راعي البقاله يطقون طول مافتح
ساره:وش عنده ذا مايفتح
نجلاء:مدري
امل:حرام يمكن نايم
نوره:اي خلاص خلونا نرجع
ساره:معصي والله يفتح والا فتح
اخذت ساره حجاره وصارت تطق بقوه وبصوت مزعج منجد وترفس الباب برجلها انفتح الباب يطلع لهم راعي البقاله معصب:لا كسر باب احسن
ساره :وش عندك ماتفتح ساعه
نجلاء:انت ماتسمع صمخت
شمس:انت شايف كم ساعه الحين
ساره تخصر:واذا تونا با اول الليل
شمس:بس أنا في نوم يالله مناك
شهقو البنات يناظرون ببعضهم
نوره بضحكه:والله كنه طردنا
امل بضحكه مكتومه:طردنا والله
ساره:اقول امش قدامنا بس
شمس يتخصر نفس طريقه ساره:وش يبي؟
نجلاء:البقاله
شمس :تقلعو بس أنا في نوم بكره صباح بقاله "صفق بالباب في وجيههم"
البنات بصدمه يشهقون
نوره:مو هين هالشمس
ساره ترفس الباب:نومة جدي الي نام ماقام
نجلاء:والله وجب السطو الحين
ساره:إذا ماوريته شغل الله تعالو وراي
نجلاء:ساره عند بطنها ماتنازل ي الله
البنات يضحكون على ساره الي واضح عصبت واتجهو للبقاله وقفو قدام باب البقاله اخذت ساره حجر :نجلاء امسكي القفل عشان مايطلع صوت
نجلاء:زين بنات راقبو الوضع
بالديوانيه العيال نايمين تاركين الحريم ياخذون راحتهم بالبيت صحى وليد يطلع برا بسبب الكحه الي جته ورفع نظره يشوف اشياء سوداء تتحرك قباله غمض عيونه ورجع فتحها والا لسا نفس الطريقه ناظر حوالينه بخوف وارتجف من طلع صوت صرخه وهرب يرجع يتحلف وهو يسمي ويقراء المعوذات
حس عليه فهد يوقف يسحب اللحاف بغى يصرخ وليد لولا فهد الي كتمه:اشش وش فيك
وليد:شفت جن
فهد ارتخى يجلس:ولد سم بالرحمن وش هالكلام
وليد بهمس:والله شفتهم كثيرين مو وحده
صحى عبدالعزيز من همسهم:وش فيكم؟
فهد:المخبول ذا يقول شاف جن
عبدالعزيز:بسم الله يمكن حالم
وليد:والله ما احلم حتى صوت صراخهم سمعته ،ما انتم مصدقين اوقفو معاي تعالو تشوفون
عند البنات قبل دقايق
نجلاء ماسكه القفل وساره تضربه عشان ينفتح وباالغلط جت الضربه با إصبع نجلاء وصرخت وفزو البنات يسكتونها لاتفضحهم جاهلين وليد الي شافهم بس فكرهم جن
طلعو العيال يناظرون مكان ما اشر لهم وليد عند البقاله ناظرو ماشافو شي
عبدالعزيز:طيرت نومنا بس
فهد:فين هم مافي شي
وليد:يعيال والله شفت شي اسود يتحرك
فهد:مخك المصدي والله يخليك تشوف أشياء مو موجوده
عبدالعزيز:قلت لك حالم بس انت
وليد انكسف :طيب ما انتم جيعانين؟
فهد:والله الوضع جوع
عبدالعزيز:زين نروح نشري اغراض خفيفه
فهد:بس شمس مقفل
عبدالعزيز ضحك:نسوي سطو
ضحك فهد:اجل حاشر البنات وتعطيهم دروس وآخرتها انت تسطو
وليد:خلصونا جعنا
ضحكو العيال يتجهون للبقاله
عبدالعزيز:ولد عمك ذا لاجاع يشوف جن اجل لاشبع وش يشوف
وليد:جن
لفو العيال عليه يناظرونه وضحكو عليه بقوه وهم قريبين من البقاله
وليد يضرب أكتافهم:شوفوهم ناظرو طالعين من البقاله
لفو فهد وعبدالعزيز يناظرون وانصدمو بالبنات طالعين من البقاله مبسوطين
تكتف عبدالعزيز وفهد يناظرونهم ووليد استوعب انهم البنات من وقفو يناظرونهم ومن صوت ساره الي طلعت من البقاله مو منتبه وهي تناظر بالكيس
ساره:نجلاء جبت لتس بسكوت اثنين باخذ واحد
نجلاء تدق كتفها تبيها تنتبه بس ساره مواصله توزع الاغراض بينها وبين نجلاء
نجلاء يأست في ساره تنتبه وقالت:ماصادتهم يسرقون صدتهم يتقاسمون
البنات واقفين برعب العيال يهاوشونهم لكن عبدالعزيز وفهد انفجرو ضحك بعد كلام نجلاء ورفعت راسها ساره تشهق ترجع ورى
نجلاء:صباح الخير بالليل
امل بهمس:بنات خايفه
نوره:أنا جتني ام الركب
ساره تناظرهم يناظرونهم وهمست:بنات خلونا نمشي ولا كأننا شفناهم
نجلاء:حبيت الفكره
تقدمو البنات يمشون مع بعض بخطوات مدعين فيها الثقه إلا نوره وامل يمشون وعينهم للعيال خايفين بس تجاوزو العيال قطعهم صوت عبدالعزيز:وقفو عندكم
وقفو البنات ونوره تعلقت بكتف امل ساره ونجلاء يبون يخففون حده الموقف خايفين منهم
ساره:شوفو والله مانوينا نسطو او نسرق فلوسنا وحطينها على الطاوله بس هو حدنا
نجلاء:صحيح رحنا لبيته طلبناه بالذوق بس شمس سكر الباب بوجيهنا
فهد بصدمه:بعد رحتو لبيته بالليل
ساره تصفق كتف نجلاء:لا ما حنا كنا بنروح
وليد:معد تترقع مع الاسف
ساره:انت اسكت ،اسمعو ترا ماحنا بخايفين منكم وماسوينا شي غلط..تقدمو العيال لهم ورجعت ساره بخوف تهمس:ماحان دور الزبنه ماصار الوقت نهرب
نجلاء:لا اصبري اخاف نهرب نتعاقب زياده ولاتنسين معنا هالمره ثنتين فاهيات
ساره:اهمشي ننجى حن هم بكيفهم
نجلاء:تقولينه
ساره بهمس:يالله أنا يمين وانتي يسار نظللهم
هزت راسها نجلاء تشوفهم قربو ورفعو عباياتهم بيهربون لكن ساره لغبطت بالاتجاه واتجهت يسارها وتصاقعت بنجلاء وطاحو الثنتين
انفجرو الكل يضحكون عليهم وكل وحده تمسك جبينها بالم
فهد:حتى بالهروب مافلحتم
ساره:منها هي كنا نقول هالثنتين مفهيات طلت زوجتك معهم
نجلاء:لا والله من الي مفروض تروح تروح يمين وطلعت يسار بوجهي
ناظرو البنات لأمل الي منجد كانت تضحك وتغير مودها ورفعت نظرها لعبدالعزيز نجلاء تناظره وهو مبتسم
فهد:خلاص هالمره بنسامحكم
وليد:بشرط
ساره:وانت وش دخلك هم يسامحون وانت تشرط
وليد:بصفتي شاهد عليكم
ساره تشمق عليه توقف تنفض عبايتها:اشرط وش تبي
وليد:نبي عشاء جعنا
فهد:ايوالله تسوون فينا خير
نجلاء:ابشرو تعالو معنا
نوره:بيت عمي؟
نجلاء:لا بنروح بيتنا فاضي عشان مانزعج النايمين
اتجهو لبيت ام نجلاء وبوجههم البنات على المطبخ سوو اي شي خفيف يتأكل وطلعو للعيال يشوفونهم جالسين حوالين شبه النار
جلسو يتعشون معهم وهم يسولفون وبنص السوالف سالت نجلاء:الحين صدق انتم تراقبونا ؟
عبدالعزيز:مو لهدرجه عاد يمكن فهد يراقبتس اما حنا لا
ابتسم فهد يمسك كف يدها:نجلاء بقلبي مايحتاج أدورها
ساره بهيام تناظرهم
نجلاء:تسلم مره
فهد با ابتسامه يقرب من وجهها:يسلمتس مره
كان قربهم مشهد رومانسي بالنسبه لساره ناظرتها نوره تشوفها كيف سرحانه ولف وليد على ساره مسك يدها من غير تنتبه يحط اصبعها بكاسه القهوه الساخنه وفزت بخوف :اح
الكل: هههههههههههههههههههههه
ساره بقهر:هادم اللذات كنت مستمتعه بالمنظر الي على يميني
نوره:اي بس ينبهك ان حنا هنا عن يساره في بشر
ساره تناظر فهد ونجلاء:كملو كملو ماعليكم فيهم
ابتسم فهد بحياء من ساره ونجلاء تنحنح تلف وجه ساره ناحيه نوره ووليد
وتنهدت ساره تقول:في عيني اليمن من الورد بستان وفي عيني اليسرى ..ناظرت وليد يناظرها وتنحنحت
نجلاء بهمس لها:وفي عينتس اليسرى
ساره بهيام :حدايق ورودي
نوره:الله يجبر بخاطرتس
نجلاء بضحكه تهمس لساره:ي روحي تحزني فهاوتها
وليد ابتسم بخفيف ينزل عينه يتقهوى وساره تنحنح تلف على نجلاء:خليها تسذا ازين
عبدالعزيز:الصراحه ان حنا ماكنا نراقبكم كنا جايين نسطو على البقاله نفسكم
البنات بصدمه:كيف!؟؟
فهد:يعني الجوع كافر
نجلاء:لا والله تنزهون نفسكم
ساره:ي مجرمين مخلينا نسوي لكم عشاكم وانت ي الدب "تضرب كتف وليد الي ناظرها بصدمه وساره من قهرها ماحست"بشرط وآخر شي غشاشين
وليد:الله اكبر الي يشوفك يقول مسويه ذبيحه كله شكشوكه
ساره:حتى ولو تعبت فيها
دخلو بنقاشات وهواشه وهذا يخاصم وذا يرد وعصبو البنات يوقفون يطلعون من عندهم يتجهون لبيت ابو وليد
اتجهو يتمددون للنوم والعيال افترشو بالحوش ويطقطقون على البنات اللي واضح زعلو وانقهرو منهم
عند البنات متمددين وساره لسا تسفل فيهم بهمس
جلست نجلاء :بنات مو صار لازم نرد لهم العقاب؟
فزت ساره تجلس:إلا بس كيف ؟
نجلاء:خليني أكملها براسي واقلكم والصباح رباح
لفت ساره تنام وهي تعرف نجلاء لو حطتهم براسها انتهو