من عينك النجلا غدى القلب مسلوبيا كوكب ذري ضوى نورك أعيان

٥٢

أشكال تقريبيه للبنات للي مافهم طريقه الرسمه 👆🏻

شرق وليد بالشاهي وانفجرو الكل يضحكون عليها وصدت نجلاء بقهر تتجه لمزنه وانطلقو لشبك الغنم والبنات وراهم
فز وليد وعبدالعزيز:بنروح نشوف الجده مزنه وش مسويه فيهم
سلطان بضحكه:والله الوالده ناويه تعيشهم بشبابها
فهد ابتسم :اجل حن معكم
وقف فهد وفلاح وانطلقو كلهم ورى البنات وقطع مساره فلاح يتجه للهنوف الي كانت واقفه عن باب المخيم تربت الخيمه وابتسم يقرب لها:صباح الخير ياوجه الخير
الهنوف ابتسمت:هلا فلاح
فلاح:وشلونتس
الهنوف:الحمدلله انت كيفك
فلاح:نقدر نقول الحين حنا بخير
ابتسمت الهنوف وسحب بيدها يجلسون بطرف الخيمه يسولفون
عند البنات
مزنه:هذا الغنم عندكم حطو له اعلافه
ساره:زين
تقدمت ساره ونجلاء لشبك صغير يحطون فيه الأعلاف وقالت :حلفت عليتس إلا انتي تدخلين
نجلاء:لا انتي تدخلين
ساره :لا حلفت مره ادخلي
دخلت نجلاء بيأس وهي تمد يدها تشوف ربطه كبيره أعلاف حاولت ترفعها إلا ثقيله
نجلاء:ذي ثقيله شلون نشيلها شكلنا بنشيل شوي شوي منها
ساره :لا اسحبي لين هنا ونكمل سحب مع بعض حتى الشبك
سحبتها نجلاء بصعوبه حتى وصلت لساره وهي تلهث وتمسك خصرها:اوف ثقيله وش ذا وهالزفت كتمني "سحبت لثمتها تتنفس"
ساره بضحكه:من الشحوم والله الي فيتس إلا ذي ثقيله
سحبت ساره بترفعها وتوسعت عيونها من ثقلها نجلاء بخزه:هاء من الشحوم حتى انتي ماقدرتي عليها
ساره:ياويلي ذي كيف نشيلها
نجلاء ترد لطمتها:شوفي أنا بسحبها من قدام وانتي ادفعيها من ورى
ساره:طيب ي الله
تقدمت نجلاء تربطها بحبل وتسحبه وهي تناظر قدامها وساره تدفع العلف من ورى بس بسبب الرمل ثقل زياده
الكل كان يناظرهم مع مزنه من بعيد عند شبك الغنم فز فهد بيروح لهم بس وقفته عصاء مزنه
فهد:حرام ي جده اخاف يتعورون ثقيل
مزنه:لا خليهم عشان يتعلمون ان في امور ثقيله في الدنيا لازم يواجهونها ويحاولون يتخطونها ويحلونها
وليد بحنيه:ظهورهم حرام ي جده بس شوي بنساعدهم
مزنه بصرامه:لا
عبدالعزيز بهمس لوليد:هاء مين الخروف الحين
ضرب كتفه وليد بخفيف ورجعو يناظرون لهم
نوره بضحكه:شوفو من جاي للبنات
شهقت امل بخوف:ياويلي نجلاء مو منتبه
فهد فز بس وقفته جدته:اصبر شوي
عند البنات ساره تدفع من ورى ونجلاء تسحبها وهي شاده روحها وماتناظر وراها جتهم ثلاث نياق بس شافت العلف وبس شافتها ساره بعدت بخوف نجلاء تسحب مو منتبه وصرخت ساره:نجلاءء
نجلاء :جالسه اسحب ي سوير وش فيتس بس انهد حيلي
ساره:ي بنت اهربي
نجلاء:مو وقت روقانتس نبي نخلص
وقفت نجلاء يرتخي الحبل من يدها من حست انفاس على كتفها وجمدت عظامها وبلعت ريقها ومتأكده حست شي على كتفها رفعت يدها لكتفها وهي صاده بهدوء وجت على راس الناقه ولفت بهدوء تناظر تشوف يدها على راس الناقه وصرخت :يماااااه
سحبت يدها تركض لساره وانفجرو الكل يضحكون عليها وساره رغم انها حزنت على منظرها إلا انها دمعت من الضحك
فهد خاف على نجلاء:ياويلي عليها
مزنه تضرب صدره:اثقل ي جده
لفت للبنات:بعدو النياق لاتاكل العلف
ساره بصراخ من بعيد:وشووً
وليد من بعيد:تقولكم النياق لاتاكل العلف بعدوها
عبدالعزيز:حرام هم امام موقف صعب كيف بيقدرون
نجلاء:مستحيلل ياجده وشلون نبعدها ذي مستحيل تروح
مزنه بصرامه:ان أكلته كله ياويلكم
امل:ي الله ي حلوات تصرفو واجهو خوفكم
ساره بقهر:هين والله ينتهي العقاب وابرك عليتس واعلمتس كيف نواجه مخاوفنا
نجلاء لساره:وش السوات
ساره:استعطفي فهد يمكن يرحمنا يجي
نجلاء من بعيد:فهدد
فهد ابتسم:هلا امي
نجلاء:تكفى تعال بعدها
فهد :بدون تكفى ابشري بي
مزنه تضربه بالعصا:ان حاولت تروح قصمت رجلك
عبدالعزيز:اثقل ي الخفيف
وليد:ي جده لو طلبتني ساره والله لروح لهم
مزنه ابتسمت وماكانت بترفض روحه وليد لو ساره طلبته
عند نجلاء تشوف مزنه عيت ترسل فهد ودقت ساره:كلمي وليد يمكن يجي يساعدنا وترضى جدتي
ساره بزعل منه:معصي لو ترفسني الناقه وأموت ما كلمته
تقدمت نجلاء وساره بتردد للناقه وبس يقربون يأشرون بيدهم يبعدونها وترفع راسها الناقه يرجعون يهربون خوف منها
الكل: هههههههههههههههههههههه
نجلاء:مسخرتنا جدتي منجد اليوم
ساره:ذي وشلون نبعدها
نجلاء:ما اعرف
ساره :اسمعي باخذ شوي أعلاف واحطه بعيد بس تلحقني اسحبي الباقي واهربي
نجلاء :زين ي الله
تقدمو والعيال يناظرون ومزنه مستنده على نوره وتناظر معهم وبس قربت ساره اخذت جزء من الأعلاف وهربت لحقها النياق وسحبت الباقي نجلاء تسرع خطواتها لكن اتجهت لها نياق ثانيه تركض وراها بسرعه جنونيه وصرخت نجلاء تسحبه وساره تصرخ بالطرف الثاني نجلاء من الخوف والركض انفتحت لثمتها وصرخت تستنجد بفهد:فهدد. 
وفز فهد يتخطى جدته واتجه لها ركض وهي لسا ماسكه الأعلاف وصل فهد يسحب الأعلاف يرميها للنياق وحاوط نجلاء بذراعه يخبيها عن العيال وهي تتفلت تتخبى ورى ضهره من الناقه الي عرفت فهد وتقدمت له وضحك فهد :لاتخافين ترا ما تعض
نجلاء دافنه راسها بضهره:بعدها تكفى تخوف
ماتو الكل ضحك على منظرهم ونجلاء عصفت بفهد منجد حتى ضرب الناقه يبعدها وسحب شماغه يثبت نجلاء قدام وجهه وهو مبتسم ولف شماغه عليها يسوي لها لطمه وعيونه تناظر عيونها وضربت صدره بخفيف:عاجبك حالي تضحك
فهد يبوس جبينها:والله انتس كلك عاجبتني
انتبهي لعد يبدى وجهتس العيال موجودين
نجلاء تميل راسها ببسمه:غيران ؟
فهد ابتسم يميل راسه لها بنفس الطريقه :