من عينك النجلا غدى القلب مسلوبيا كوكب ذري ضوى نورك أعيان

٦

بس وصل سمع حركة بالمطبخ عرف انها نوره دخل بخلسه وهمس :مساها بالخير اخت فهد
فزت نوره بخوف:يمه
فهد ابتسم يتجه لها:بسم الله عليك
نوره تصد على الفرن:زعلانه ما ابي مساك وبعدين غريبه جاي با انصاص الليول
فهد:ماقدرت انام وأختي شايله بخاطرها علي
نوره لفت له بصدمه وذي اول مره فهد يكون صريح بمشاعره حطت يدها على جبينه:لا مو مسخن انت متاكد انك فهد اخوي
فهد ابتسم:اي وش فيك
نوره ابتسمت:ابد سلامتك بس من متى تحبني كذا
فهد:عندك شك بغلاتك؟
نوره تلف تكمل الاندومي حقها:اي
فهد يستند بجنبها على رخام المطبخ :طيب اسمعي
نوره:تقلع
ابتسم فهد وقال:
الله على الي حبها في فؤادي
شايخ على كل البشر في عصوره
شوفتك عندي مثل عوداً وكادي
زين الليالي بحس صوتك ي نوره
هيبة وعز وعارفه للمبادي
بنتً لشيخً ساكنه في قصوره
هي عزوتي وأفخر بها يوم انادي
ويقولها شاعر ويحكم بحوره

نوره من الصدمه ماقدرت تلف له وهذي اول مره تحس بحنيه فهد بطريقه مباشره واول مره يقصد فيها ضحك فهد من جمودها ودق كتفها:بنت وين وصلتي
ماردت نوره لفها فهد من كتوفها وانصعق من شاف دموعها وارتجف رمى سبحته على الرخام :اخو نوره بنت وش فيك ماعشت كان نزلت دمعتك
نوره تضرب كتفه:ياخي مو دموع زعل فرحانه انك طلعت حنون
فهد يضرب راسها بخفيف:ي مجنونه احسبك زعلانه فجعتيني
نوره ابتسمت تتقدم بتحضنه بس فهد بعد :إلا ذا ما ادانيه
نوره رجعت تضحك تحط اكلها بصحن وقالت:تاكل معاي
فهد:ماني من اهله خليه لك
نوره تمسح دموعها وناظرها فهد:انتم كذا تبكون على اي شي والا عندكم فرط دموع
نوره:الجنس الرقيق كذا الله يعين الي بتاخذك صراحه هي للجنه على شخصيتك ذي
ابتسم فهد يمشي خلف نورة طلعو بالحديقه وتو حطت اكلها جاء مشاري:اوه اشم ريحة اكل
نوره:ودي اقلك اقلط بس أعرفك مشفوح ماتحتاج عزيمه
ضحك مشاري يدق كتفها ويتربع وهو يسحب الصحن ياكل اندوميها وضربت فخذه:بقي لي ليه تعامله معامله الكبسه
ضحك مشاري وابتسم فهد بخفيف ومشاري كان متعمد ياكل بيده يبي يقرفها وفعلاً تقرفت نوره الي تقول:يعع ياخي منجد كيف تبي ميان المايعه تتزوجك وهذا أكلك
مشاري بضحكه:إذا ماعلمتها تضرب بالخمس هالشنب مو على رجال
نوره بتحدي:شكلك تحلم ميان وتاكل بيدها ياخي ذي من نعومتها تحس لا لمستها تنخدش
مشاري ابتسم للوصف وهو بس يجي طاري ميان يخفق قلبه ومنجد يحبها من قلب وقال:هذي النعومه مو نفس يدك الي تقول يد ابو مشبب
توسعت عيونها بصدمه وبدت مرحله الهواش والمرادد وفهد كان يتأمل علاقتهم منجد كان يحمد الله عليهم كانو رغم ميانتهم وهواشهم إلا أنهم مايأذون بعض حتى ضربهم لبعض بمزح مختارين مكان الضربه حتى مايعورون بعض
مال يتمدد وسحب شماغه يغطي وجهه وعلى طول لمع قبال وجهه صاحبة العيون الحاده يتذكر عيونها الي صح مالمحها مزبوط بس ماينسى قوتها في السوق وكيف كانت شامخه ومهيبه منجد وكمان ضربت كتفه لها بالغلط ولمحته السريعه لها اخذ نفس عميق يشتت تفكيره وهو مايبي ياخذ ذنبها استغفر ربه ودخل بنومه عميقه ناسي نوره ومشاري
وقف مشاري :الأخ نام أنا رايح
نوره:وين لاتسهر ترى ابوي بكره ملزم نروح القريه
مشاري:ودي افهم مخ ابوي كيف جاي والله المخيم كان ازين
نوره:عاد اوامره تمشي على الكل حتى عمي اوه لو تشوف عمتك المستقبليه كيف تنط بتموت غبنه ماتبي تسكن بقريه وعمتي معها
مشاري بضحكه:عاد أنا ما اداني شوفة النفس الي فيها
نوره:تراها ام الحب هاء
مشاري:ي الله عوافي لجل عين تكرم ميه عين
نوره:والله ي حبك ذا بينهيك
مشاري:إذا مازفيتيني عروس عليها ما اني ابن ابوي
نوره ابتسمت:كفو
مشاري يرسل لها بوسه:بروح لوليد
نوره:لا تطول عشان ابوي يبينا نمشي بدري
مشاري:زين زين
راح مشاري لبيت عمه الي كان قريب بيتهم ويروح له مشي مايحتاج سياره ونوره وقفت تشيل المواعين للمطبخ دخلت غرفتها تاخذ لحاف وطلعت لفهد غطته عن البرد وهي تبتسم تمسح كف يده بحنيه وهمست :الله يجعل ايامك بيض نفس بياض قلبك
وقفت تتجه للداخل ترتب ملابسها وشنطها وهي متحمسه لروحة القريه مره

ببيت ابو وليد
خالد انزعج من غاليه الي طفشته ليه يوافق يروح للقريه وهي ماتتخيل انها بتعيش في قريه ومتقرفه من الروحه وتخاصم وتحط اللوم على ام فهد وأنها هي عبت برأس سلطان ومزنه
طنشها خالد يتلحف وينام وطلعت غاليه بقهر متجه لغرفة
عهود ودقت الباب ودخلت وهي تأفف:حسبي الله عليها كله منها الحيه ماتحب تشوفني مبسوطه
عهود :وش العلم من ذي
غاليه:زفت الطين زوجة اخوك
عهود:عاد ذي ما ادانيها انتي ماشفتي كيف ماثره على امي لو تقول لمي طبي بالنار طبت
غاليه:والحين كيف الطريقه إلا اخوك يبي نروح للقرية
عهود:الناس تتطور واخوي بعده عقله متنح
غاليه:الخلل مو من اخوك من الساحره الي ساحرته وانا متاكدة ان ذا شورها هي وولدها
عهود :خلينا نسايرهم ونروح واوعدك اني لانتقم لك منها
تقدمت غاليه تبوس راسها:كفو والله انتي مخففه علي هالعيشه
عهود:افا عليك اجل ام فهد تشوف انها منتصره وممشيه كلامها علينا إذا ماهنتها ما اكون بنت ابوي
ابتسمت غاليه بخبث وطلعت لغرفتها تمدد تنام وهي مرتاحه وعارفه عهود كيف لاحطت ام فهد براسها
بحوش ابو وليد
ميان كانت رافعه جوالها تكلم صاحبتها مكبر وتمشي وتلعب بخصله شعرها وتتغنج بكلامها وهي دلوعه مره كان باب الحوش مردود وتو مشاري بيدخل استوقفه الصوت الي يحبه حيل وهي تقول:لولو ايوووو تكفين كيف قدرتي تأكلينه
لولوه:ياشيخه خلي الدلع ينفعك والله طعم ترا
ميان بقرف:مو منجدك باقي الذبيحه وش مقصره فيه تأكلين اللسان
لولوه:ههههههههههههه طيب ي الغنوجه وش اخبار حبيبك
ميان:اوه زمان ماشفته شكله تراجع عن حبه
لولوه:والله انك مريضه والا الي مثله ماينرد
ميان:من ماينرد مسلط تكفين يووععع
لولوه:حسبك والله انه احلى مسلط
ميان:حبيبتي إذا تبينه خذيه لان مانحتاجه
مشاري يتنحنح وفزت ميان بخوف وهي تهرب تتخبى ورى حاجز وصرخ مشاري وعينه ب ألأرض:صاحبتك تفهم والا من يردني ي بنت العم
ميان:اجل روح خذها
مشاري ابتسم:من يملى عيني بعدك ي ميان
ميان:والله يامسلط انك بس تحلم بالفراغ فا انصحك دور غيري لان حرام تنتظر شي مو لك
مشاري:اسف ي بنت عمي بس محد يأخذك مني وانتي ناسيه انك مخطوبه لي والوضع انه ننتظر تخرجين من الجامعه وهذا انتي تخرجتي وصار وقت الفرح
ميان:تكفى لاتنسج القصه برأسك وتصدقها لاني مستحيل اكون لك
مشاري:نشوف ي ميان
ميان بتحدي :نشوف ي مسلط
ضحك مشاري وهو يحب لمن تلقبه مسلط وقال:الجو برد ادخلي لاتمرضين ترى ما اتحمل اشوفك تعبانه
دخل مشاري لوليد بالمجلس وميان رجعت تكلم لولوه وهي تسبه وتسفل فيه وهو قادر انه يستفزها بكل سهوله
شهقت بخوف من حست يد على كتفها ولفت برعب وهي متاكده مستحيل يكون مشاري لان مشاري جداً محترم وعمره مادخل بدون مايتنحنح او قلل ادب
وانصدمت من شافت