b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
الجـزء الثاني
بارت ٣٩
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
((الجود عز موجود))
يكولون اهلنا
الـيجي من ايده الله يزيده
والمـا يعرف تدابيره حنطته تأكل شعيره
.... وهذا الصار وي شام ندافعها وحبها لـ عمها ومعـزته وغلاته عندها خلاها تنسئ كل شي يدور دايرها ووضعها شنوو لـمن سمعت او شافت خبـر وفاة عمـها عبارة عن مصيبة جبيره تخلت على راسها وفقدان مثل هيج شخص حنون عليها وغالي عندها يصعب على عقلها يستوعبه
..... وبدون وعي وبدون فـهم لكت نفسها لابسه ملابسها ومتجهزه تطلع من شقه وارث الي اصلاً ما اجه على بالها الا مـن مرت بخطوات مستعجلة حتى تفتح باب الشقه وتطلع وماهي مـرت غير الاربعين دقيقة حتى لكت نفسها كدام بيت عمها غامد وهاي اللحظة الي اكدر اطلق عليها تسمية
""حاسمة"
.... بعقلها لان بهاي اللحظة استوعبت شنو صار وفجاة عقلها اشتغل بشكل سريع وبدأت الاحداث الي صارت تسترجعها ووعت على نفسها هي وين جـايه؟ وشلون راح يصير موقفها من تدخل عليهم بحدها بدون ميمون؟ وشنو عذرها امامهم لعدم تواجدها بهذيج الايام السابقة؟
لكن السؤال الي راح يرافق هذا البارت راح تكدر تتراجع لتصحيح فعلها بعد ما ادركت حجم المصيبة الي هي بيها او لا؟
شام......
شعـور الـندم راودني بمجـرد ما خلــيت رجلي كدام عتبة باب بيت عمــو
.... وهذا الشعور وما يزورني الا لـمن احس بـ حجم الخطأ الي ارتكبته
لحـظة صفنت على نفسي وعلى الباب واجـت ببالـي النتائــج المترتبة بـ فعلتي هاي
.... خالط الندم شعور بعدم الرضى وتأنيب الضمير ومن خطـيت خطوة بره شقه وارث ما حسبت حساب المستقبل والاسئلة الي راح تنطرح عليه وشلون راح اواجهه اخواني واهلي وانه جايتهم بدون ميمـون
.... للحـظة اتراجعت اي واريد ارجع لوارث حتى لو ما جـنت اندل مكان شقته بالضبط اروح للعتبة اندل مكان شغله هناك ما اريد ارجع لـ اخواني ولميمون وشنو يضمن الي ما يذب تهمة براسي ويكلهم ما جانت وياي
ومرات الـندم يفيد الإنسان حتى يحاول تصحيح أخطائه والتراجع الى ان يصـل لـ نقطة البداية ويحسن من خطائه
والتراجع عن الخطأ احسن بهواي من الاستمرار بـي
.... سحبت رجلي وردت ارجع منين ما اجـيت صحيح فقدان عموو مصيبة جبيره عليه بس اذ ما ارجع بهذا الوقت راح انهي حتى حياتي وهذا المصيبة الاكبر
.....بس القدر جان اله غير رأي و انفتح الباب بالوقت الغلط كلش جريت نفس ودموعي صارت بطرف عيوني وعرفت نفسي راح ادفع ثـمن كلش جبـير بسبب غلطتي هاي طلعتي من شقه وارث يعني الموت بالنسبة الي لهيج حتى
ما تجرئت حتى ادور وجهي واشوف منوو فتح الباب سمعت صوته وهو يسئل عـرفته وميزت صوته هذا نائل
