b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بارت ٧
بقلم.... المـيࢪزا بتـــول
@user80208178
من ࢪسـالة الحـقوق الى الإمام السجاد عليه السلام
حق اللسان
واما حق اللسان... فاكرامه عن الخنى... وتعويده على الخير والبر بالناس.... وحسن القـول فيـهم.... وحملـه على الأدب... واجمامه إلا لموضع الحاجة والمنفعة للدين والدنيا واعفاؤه عن الفضـول الشنعة.... القليلة الفائدة التي لا يؤمن ضررها مع قلة فائدتها ويعد شاهد العقل... والدليل عليه... وتزين العاقل بعقله... حسن سيرته في لسانه.... ولا قوة إلا بالله العلي العظيم
______ميـمون
عددج بعد شي ما كلتي
شام...اي
ميمون...كولي اسمعج
..... جرت نفس وتمتم بين مابين نفسهاا ما فهمت بس ادري بيها طبيعه من تريد تكول شي ومتردده اضل دردم وما تفتهم شي من حجيها حتى هيه ما تستوعب التحجي
شام...ميمـون...... سكتت
ميمون...وولج شااام ااافزع العاالم عليه من ووراه صوتي شلوون بله
شام....لا هاي هيه ولله رااح اروح تصبح عالخير
ميمون....تلاكين الخير
.... سديت التلفون وكعدت مبسط راسي عالجفين اديه مااريد ادخل بخطيتها ولا اريد اذبها بتهلكه من وراي وبسببي بس السالفه مو بيدي
انه گلبي مختوم مو ملكي ومتاكد لو اكضي عمري كله وياها ما راح يميل گلبي الها
.... وهيه طفله بجسم مره اجت تعوض حنان اهلها الما شافت بيه بس انه واحد مو كفو الها ولا سند الهـا
.... كمت مسطور راسي وجوعان وتعباان جسمي مكسر شدعي عليج شام من كعدتيني من عز نومتي فتحت الباب مالت الغرفة ونزلت ادور الي شي اكله بلكي واحد بالغلط مخليلي عشه
لكيت بالثلاجة كباب طاوه مكلاه وياه طماطة ومقبلات مبشوره
حميته وكعدت اكل ذبيت الماعين عالسنك صبيتلي كلاص جاي وطلعت بره بالطارمه ورثت الي جكاره وكعدت عالبساط مرتجي عالنخله وراي
اورث جكـاره واسحبها بعشر ثواني مفاركها العزيزه بالشغل ما ادخن ومن اروح لـ بغداد عدها حساسية وربو اخاف عليها لا تتخربط حارم روحي منها غصب عالروحي
....سمعت صوت حركه ووراي فريت راسي ابوي
ذبيت الجكاره وكلاص الجاي من ايدي وكمت سلمت علي رد السلام بنفس جاف وكعد كبالي من كعدته عرفت عده حجي
ميمون...شنو يابه سمعت من رغد عازمك عمي غامد انته وامي شنو سالفه العزيمه اكوو شي
.....بثواب الموتئ شنو اول مره يسويها عمك
ميمون...لا ونعم منه الرجال ما ينسئ ناسه حتى لو لفهم التراب وسكنوا الجنف
هز راسه يباوعلي مركز وياي كال
.... صدك ميمون
.... هزيت راسي وتربعت عدل متاني هذا الحجي من وراه الصدك ميمون اكوو سالفه
ميمون...شنو الصدك يابه
....سمعت بسالفه شام
ميمون...لا ما سمعت شبيها شام
....خاطبينها ناس واخوها موافق وعمك غامد ماراضي يكول ما امنها بغير ايد ميمون
ميمون...يابه ترا انه مطلك شنو ما يأمن بس بيه
.....بس بويه تكدر تردها العده بعدهي ما مخلص يصير طلاك رجعي
ميمون...لا يابه فدوه لعينك انه ما عولت اخلص ولله ليش تردون تحملوني ذنبها البنيه ماترهم وياي
....شبيها ميموون انطيني عيب واحد شوو شايلتك بالصلوات وحگ محمد يوم التخابر انته راح تنزل من الدوام احسبها ترا هيه حتى نوم ما تنام تركض تحضر الحمام والاكل والبيت كله لخـاطرك صوتهاا ما ينسمع رد ماا ترد لوجهك شتريد بعدد ماا تكلي
غيرك يتمناهاا وانته تتبطر على نعمتك
ميمون...مو بت گلبي ياابه
... خنزر عليه ورفع اصبعه مهدد اليه
حجه بتوعيد وتهديد
....شووف ولك ميمون موو شفت روحك عدك جم نجمة عالجتفك حسباالك تتعالى عليه وتكسر حجاايتي وتمشي حجاايتك عليه
كاايلها الك گبل وارجع اكولهاا الك بت بغداد تنسااهاا مااتصيرلك مره مادام انه راسي يشم الهوه انه ما شگيت وتعبت وذبيت دم گلبي عليك انته حتى من تاالي وكت تجيبلي بت داكوگ تصير اام احفاادي ومرتك يعني تشيل ااسمك
