b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بقلم.... المـيࢪزا بتـــول
@user80208178
قــال الامام علي( عليه السلام)
الايثار اشرف الكرم
¨ الايثار شيمة الابرار
¨ الايثار فضيلة
هزيت راسي برفض واتبعت هاي الحركة نبرة استغراب مني
شام...لا ااسمي شاام
وارث....ووووولك ميموون
... كال ذني الحجايتين وطلع من الشقه هااد محتقنه اعصابه فرد نوب وانه بقيت واكفه مستغربه
شو هذا عافني وراح حتى ما كالي تفضلي شوفني البيت يله هو انته ما دام صديق
ميمون شنوو راح اربح منك اكيد نفس الطينه انته ووياه يطبك طووب منك اله
... كعدت على كرسي من القنفات معزول بالزاوية وعيوني بعدهي تتفحص المكان حلو وهادئ بالوان عقلانية على الطاولة كتب مسطرة واحد فوك الثاني وورقة واقلام وكتاب مفتوح وبي فاصل لون ابيض ومخطوط علي بالخط العـريض جملة
يا ابا صالح ادركني
... هزيت راسي مستغربة منوو ابا صالح
معقولة هذاا امام لوو زوجي موو من مذهبي لا شلون هو عقد على المذهب العلوي انه سمعت كلمات العقد
الفضول قدمني وخلاني اكلب غلاف الكتاب وما لحكت اقره الاسم اله وانطبك الباب الشقه
وخطوات ثكيلة تضرب على الكاع
... ووكفت بسرعة على طولي ما اعرف ليش بس خفت...خفت انضرب وخاف ميمون عنده عقله هذا مبين ولا طكه ولا فيوز باقي براسه
اذ هوه يسألني عن اسمي اكله شام يكلي بغداد
التفت الي من حس اكو بشر واكف بالزاوية
جر نفس
وارث...حياج
شام...شنوو
وارث....تفوتين لـ حجرتج
هزيت راسي وتبعته صارن كدامنه ثلث ابواب اثنين سوه والثالث معزول
فتح غرفة مجهزه ام النفر جانت مرتبة وحلوة كال بدون ما يباوعلي
وارث...هاي الحجره الج
اخذي راحتج بيهاا وشنهي كايل الج ميمون لا تحطينه ببالج وان شاءلله النه كعده نحجي بيها وان جاني اكدر اساعدنج انه بالخدمة
... كال هذا الحجي بهدؤء و رزانه وخله وطلع وانه بقيت مصفنه وراه ياا شو هذا عبالك مؤدب التفتت لنفسي كدامي ميز مراية علي فرشة شعر وهسه يله استوعبت العطر الموجود بالغرفة غريب بس حلو
... زين هسه انه شنو اسوي انام ابقه كاعده
تجراءت وذبيت الشال والجبه خليتهن على تعلاكه
مدكوكه بالباب مالت الغرفة كعدت على الجرباية فراشها نظيف ومصفط بترتيب
احس تعب كله طلع عليه واكو ألم صار ببلعومي
وركبتي بيها شي يحركني تلمست مثل الشخط صاير
... خليت راسي على المخده وتغطيت بالحاف الابيض مطعم بلون بيجي واسود ونمت شلون ما اعرف بس من التعب و من التفكير والارهاق الصارلي عايشه بي ثلث ايام حسيت حان وقت الراحة الي
و اكو امكان من ندخل الها بدون ارداة منه نحس ارواحنه بـأمان ونأمن وينمحي منه شعور الخوف
انه هيج جان حالتي من دخلت بيت وارث امنت رغم عدم معرفتي بي ولاول مره التقي بي واشوفه بس لكيت الأمان ببيته
