b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بقلم.... المـيࢪزا بتـــول
@user80208178
من ࢪسـالة الحـقوق الى الإمام السجاد عليه السلام
حـق الصـلاة
فإن تعلم انها الوفادة الى الله وانك قائم بها بين يدي
الله فاذا علمت ذلك كنت خليقا ان تقوم مقام العبد
الذليل... الحقير... الراغب... الراهب... الخائف...
الراجي... المسكين... المتضرع... المعظم... من قام
بين يديه بالسكون والاطارق.. والخشوع الاطراف
ولين الجناح.. وحسن المناجاة له في نفسه..والطلب
اليه في فكك رقبتك التي احاطت بها خطيئتك
واستهلكتها ذنوبك.. وتقبل عليها بقلبك.. وتقيمها..
بحدودها وحقوقها ولا قوة الا بالله
.................................................
ميمون...اااي ست رغدد تغسلهن الميري مالت حضرتج وانتي رووحي برعتي بمسلسلج
التفت اله مستغربة ومتفاجئة موو ليوم التحق لبغداد شرجعه
رجع صاااح بصوت عالي
ميمون....ااانه شكاااايل على شغل البيت مووو يتقسم بينجن
رغد...شبيك ميمون... قاطعها ويأشر بـ اصبعه السبابة على حلكه
ميمون...ااااش صووتج ماا اسمعج شفتيهااا ما تحجي وماا تكلج لااا على شي كيفتي حلالج الووضع الحجي
انوب التفت الي وانه مخلووسه من صيااحه رزلني رزالة غسل ولبس وشر وتنشيف طلعني الگ لگ بيهاا
دخل للصالع وماا نسمع بس طبت البااب مالت غرفة عمتي وعمي وهم نززل على عمتي يمكن متعارك بره واجه طلع حركة العركة كلهاا بينه
ما خله شي ما گاله ويروح يروح ويرجع عليه يغلط ويكوول
مخليااتج ميرري الهن وانتي مكيفه
وانه اسمع ولا اتكلم وشحدي ااحجي اصلاً هيه عمتي نفسها بقت ساكته وماا ردت على تجاوزه
صعد للغرفة بدل ملابسه ونزل يتنااطح عالدرج
اشرلي اشره على حنجه بمعنى
اصبري الي
وما سمعت غير شخطة سيارته من يم البـاب
كعدتنه عمتس وفهمت السالفه منه
اندرات رزلت رغد وبعدين رجعت عليـه هم رزلتني
....وانتي شبيج خررسه لله خاارسج
موو تدرين برجلج ماا يقبل واانه مقسمه الشغل بينجن المن تشتغلين شغلهن وتخلينه يثووور علينه غمة غمتجن اي ولله وخلصتني منجن خليتن الوليد يههج من البيت من ورراجن
عسااج لا تصبحتن ولا تمسيتن بخيرر
وانه باقيه حايط نصيص اسمع ودمعتي معلكة بعيني ماا تبقه تنزل تالي صعدت لغرفتي وهناك انفجرت بروحي بجي والووم بروحي
بس ولله انه ماكدر اكول لا لـ احد واخااف اصلا لا تتغير تعاملهن وياي ويرجعن مثل قبل يشدن ويااي
وهنه من بعد حادث الحرك مالتي يله استعدلن بتعاملهن وتعاطفن وياي ارجع اسيئ العلاقة بينه على شنو والشغل يتعب اي بس ماا يمـوت بشر
وانه ما عندي اشكال
كمت عالجرباية تمددت ودمعتي تصب عالمخده وافكر بي شرجعه مو التحـق وهسه ووين راح وهو توه راجع من الطريق تعبان
لحد ما غفيت من كثر البجي والتفكير ما كعدت بس على صوت الكنتور ينسحب حيل
فزيت من نومتي وكمت رحت يمه
شام...ميمون ووين جنت
دفعني عنه وكال
ميمون...ولي شاام
اخذ ملابسه ووكف يبدل درت وجهي منه واباوع للساعة الفجر توها بـ٣
التفت اله من سمعت طكطه الجرباية شفته نايم وايده على عيونه خفت احجي وياه وما تجرأت
اخاف يعيط بيه لو يضربني كال
ميمون....لا تضلين فووك رااسي واكفه مثل الفززاعا انخمدي بمكانج
مشيت بخفيه وتمددت بمكاني ودرت عليه ايدي جوه خدي واباوع اله جف ايده على وجهة واصابعة متفارفة فك عينه وباوعلي بطرفها
ميمون...شبيج تبااوعين
شام...سلامتك بس انته متعشي لو باقي على لحم بطنك
شال ايده من وجهة وكال
ميمون...انتي شنووو فهميني
رمشت عده مررات وهو باقي صافن بوجهي همست
شام...شبيه انه
هز راسه برفض وكعد ارتجه على ظهر الجرباية
جر من الكومدي باكيت جكاير وجداحة هو ما يدخن هواي واصلا يكطعها شهوور وبعدين يرجع يدخن وحده لو اثنين ويترك كال
ميمون...عجيبة اانتي
شام...ما كتلـي متعشي انـته
ميمون....لا
شام...اسويلك عشه
ميمون...كلشي مااريد شاام بس ااسكتي صووتج لا اسمعه
هزيـت راسي بـ ايجاب وغمضت عيوني
خمس دقايق وانفاسه الدافية لفحت وجهي
فكيت عيوني مقرب وجهة الي كال
ميمون....ماا نضل هنا بعد
شام...شلون يعني
ميمون...راح انشيل
شام...وين
ميمون....ما عليج بس ما اخليج هنا بعدد
شام...يعني عمتي وعموو موو ويانه
ميمون....لاا مو ويانه بس انه وانتي
لثمت طرف شفتي بخوف شنو نشيل وشنو ما يرحون عمو وعمتي ويانه وهو مو يلتحق شلون يبقيني بحدي
سكتني من تفكيري من جـرني اله واشر على حلكه من اجيت احجي
ميمون... اااش خلي بالج وياي
