b𝓪𝓽𝓸𝓾𝓵 𝓪bb𝓪𝓼:
الم_لك_بعد...؟
بارت ٢٩
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
(فاعل الخير خير منه)
.....بالفترة الي يلتحــق بيها احس روحي مريضة نفسياً ومتروسة عقد نفسية حتى شكلي يتغير
وفترة التحـاقة جانت كلش اطـول عكس لمن جنه ببغداد لو بكربلاء وبوقتها حسيت بأحساس شام لمن جـانت تبقئ بالبيت وحدها ويجيني النهار كله وفترة الالتحاق الي المفروض هو يكون ببغداد بس يقضيها يمي
....حسيت بشعورها وغربتها مرات الانسان يعيش غربته بينه وبين نفسه واني هشكل عشتها بكل حذافيرها وصعوبتها والصعب الامر اكثر واكثر
لمن بمره من المرات شكيت بنفسي حامل وطلعت للدكتورة
انصدمت من كلامها
.....مو حامل ماما
بغداد....شلون دكتورة مو انه حاسبة لنفسي يعني وصار فترة طويلة لمن عبرت مرحلة الاجهاض
.....انتي تعرفين الطفل لمن اجهضتي جنتي بشهر الخامس او بداية السادس وحجم الطفل اثر بشكل جبير على رحمج
بغداد....شلوون يعني ماا اصير حامل اني
....لا عزيزتي مو هذا القصد بس نسبة الحمل عندج صارت اقل من السـابق
.... وهذا الحجي اتكرر عليه حتى لمن غيرت الدكتورة وحطم معنوياتي اكثر واكثر وبيوم رجعه ميمون جانت بعد يومين من مراجعتي للدكتورة جنت عايشو فتـرة كأبة مو طبيعية
... ما حضرت ولا سويت شي مثل كل مره من يجي
يا دوب غسلت وجهي خليت بوند بـ شعري
وطبخت الغده وما اعرف اذ مخلية ملح على الاكل لو لا رجعت خلــيت مره ثانية
....سمعت فتحت الباب غسلت اديه ونشفتنن ورحت يمه جان يباوع للصاله مستغرب
بيها الحاف مشمور وعلبة ادوية مخليتهن على الطاولة طاسة بيهن شامية وبصفها كوب عصير جبير
تقدمت يمه بسته وابتعدت
بغداد....الحمدالله على سلامتك
ميمون....الله يسلمج حياتي
خير شصااير بالبيت انفجار
توجهت لميت ألحاف وشلت العصير والشامية متجاهلة نظراته وكلامه
بغداد....تريد تسبح
ميمون....اي اكيد
.... هزيت راسي وتوجهت للغرقة طلعت اله ملابس وهو يمشي وراي
ميمون....ما مجهزة الحمام
بغداد....لا نسيت
دخلت للحمام فتحت المـي علگت الملابـس وطلعت انصدمت بي لزم وجهي بأطرف اصابعة الابهام والسبابة
ميمون....شبيج ابوويه صااير شي كليلي
بغداد....شويه تعبانه
ميمون....خير.... خير ان شاء الله
... عفته ورحت صبيت الغده كعدت ايدي على خدي وصافنه بالأكل منتظرته يجي واجه كعد وما وجه الي اي كلام اخذ خاشوكة وبدأ ياكل و
اول لكـمه وطفر من مكـانه شمر الاكل بسطل النفايات
ميموون...شاام شبيج شنوو موو بعقلج من اطبخين
باوعت اله ببرود أعصاب ومتأكده انه السمعته صحيح موغلط انه سمعت اسم شام هو گاله حجيت بحده
