b𝓪𝓽𝓸𝓾𝓵 𝓪bb𝓪𝓼:
الم_لك_بعد...؟
بارت ٣١
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
((الغم مرض النفس))
سلام عليكم بنياتي اللطيفات اعتذر جنت بالزيارة وما كدرت اكتب الكم هاي تعويض وباجر هم ينزل الكم
مليكه
تگربت يمها وبديت احجِ الها كل الحجي السمعته وهيه اطك على وجهها وفاجه عيونها ما مصدكة الحجي احجي همس انه ووياها وعلى كيف
بهيه....تعززينه وتصخمنه وولج
مليكه....هاا يمه شنهي انتي تدرين بالسالفه
بهيه....لا ولج وعلي منين ادري توني اسمع من عدج بس يو حجيج صدك يمـليكه راح تصير القيامة بالبيت
مليكه....و روح ابووي يمه كل حرف حجيته صدك لا نگصت منه ولا زدت
بس يمه انه ماا فهمت السالفه ترا وعلي بس هيج اسولف الج
بهيه....ابن خاله عگاب مووش ابن خالته يمكن بايكته يوو ماخذته من الجده التجيب النساوين
مليكه....وعمتي ام عگاب شنهي بالسالفه
بهيه.....يجوز هيه مشتركة وياهاا
مليكه....لا يمه موو
سكتت والحجي جنه يتعثر بالساني ما يرضئ يطلع
بهيه... شنهي مليكه كملي وولج
مليكه....مو خالة عگاب تكل لـ عمتي انتي ام لولد
لطمت وجهها امي صدك..........
بهيه....يعني اابن رافع يااعع ولج مليكه خاافنج سمعانه غلط يمه منين اله ولد رافع هم عگاب وفارس
مليكه....لا والله يمه انه متوكده ما سمعت غلط
بهيه....يا علي ابو الحسنين احضرنا دخيلك مولاي
الله يستر لوو دره غيااد يبوو يگلبها وعلي
ولج انوب حتى هيه مرت عمج لا ولدت واحد ومات واكولن ماخذتن اختها وجذبت علينا ولا طرحت واحد منين اجه هذاا
مليكه.....يمه مو يمكن مرت عمي متزوجة گبل عمي
بهيه....لا ولج شنـهي هل حجي
مليكه
مليكه....هايمه
بهيه....حسج عينج واحد يدري بهل حجـي خليها السالفه مطمومة ومدثره احنا لا بيها ولا عليها
مليكه....حتى لعگاب ما اكوول
بهيه....صخام صخمني ولج يمه شتكولين شتحجين يااهو يصدكج هو انتي السامعة السالفه بأذنج ما مصدكة بيهاا تردين غيرج يصدكها
اشرت على حلجي وحجيت
مليكه....هاي هيه ولا جن سمعت
بهيه....اي يمه فدوه لعينج استري على هل بيت من التايهات والله بعدني ما بالعه سالفة عگاب وسدن انوب تجي مرت عمج رافع بمصيبة اكبر
واكبر
سمعت صوت عگاب كمت على حيلي بساع
بهيه.....روحي يمه روحي وحطي بالج على زلمتـج
....اجيت اصعد لكيته يحدر ليجوه
عگاب....وين جنتي
مليكه....يم امي
عگاب....تعاي... تعاي سويلي جاي راسي راح يطك
فتت للمطبخ گبله حطيت الجاي مهيل وخليته يخدر
اعاين اله حاط راسه بين اديه مبين صدك متألم منه
مليكه....ما تروح للطبيب
عگاب....عليش الطبيب
مليكه....موش راسك يوجعك
عگاب....علمود راسي اروحـن للطبيب
مليكه....اي چاا احسن يضل يألمك
عگاب....هسه اشرب جاي واصحئ كلشي مابيه
صبيت الجاي وشو اشتهيت ريحته تخبل صبيت اله واحد وياه حطيته جدام منه وكعدت مجابلته
شرب شويه وغمض عيونه وانه متانيته يبرد حتى اكدر اشربه
مليكـه....لا تشربه تاني شوي
عگاب....عليش
مليكه....يحرك معدتك والله
ضحك تك خد وهز راسه من اركز بوجهه عده حفره بخده (غمازة) من يضحـك تبين
مليكه....احجِ صدك
عگاب....اي بوويه صدك چا انه مجذبج شنهي
