b𝓪𝓽𝓸𝓾𝓵 𝓪bb𝓪𝓼:
الم_لك_بعد...؟
بارت ٣٢
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
((الطمع فقر))
.... فتنه جدام منها سلــمن ومن وصلت يم سدن اخر وحده حبيتها مره وحده ودفعت جتفي بـ طرف اصابعها بدون ما واحد يعاين النا وخرت عنها وصرت حذه من امي جاعده كفيت الشـر احسن
كالت عمتها
.....خاله ملـيكه اعذرينه انتي احنا هم ماا وصلن الج بعرسج لجـن الله يعلم بالحال وما گدرنه انوب حتى بت عمج انحرمتي من عدها اعذريني بعد خاالتج
مليكـه....معذورة خالة الله يسـاعدكم
.....وهاي الفترة الراحت كلهاا ما كدرنه نجيكم عبن سدن حامل ونخـاف عليج من الطريج الطويل
.....حبالتها بساعة بساع جانت صدمو النا ولا وحده تدري بس امها عمتي ام حمدان وما حجت ولا فجت حلجها باركن الها عماتي وحبوبتي حطت بيها ملاوي حالها من حـالي بصباحيتي
.....تالي كمنه نحضر السفـره بالهول نحط اللبن والتمر الشوربة
نجله....اكلج هااي بت عمج ليمت حبلت
مليــكه....الله يرزقها شتردين منها
نجله...الله يرزقها والله وعليها بالعافية وتكوم بالسلامة لجن ما شمينه خـبر حتى عمتي ام حمدان ما حجت ولا فجت حلجها بجلـمه هساع مبارك لحبوبتي يو تخاف من الحسد شنهي
ملـيكه....خيه خليهن شعلينه منهن يله زهبتي كلشي
تنسيم....هاا بنياات بشرن
مليكه....كلشي زاهب راح يوذن مو
تنسيم....اي خيه
نجله....خوو انتي اليوم مرتاحة كلشي ماا كضبتي بيدج
تنسيم....خيه ماا اسكتين ياا مرتاحة غير حتى الزلمة شردد من صياح ابني اندهر عليه مدري شماله ما ضل بيه عـظم صاحي وعلي
مليـكه....اخاافنه ممتون ما وديتي لحبوبتي تعاين اله
تنسيم....لا خيه ليوم عمج وداه للتلقيح وصخن شوي وانوب ورمت رجله وهل يبجي منها
مليكه....ياا سوده عليه كون وهساعة شنهي نايم
تنسيم....اي كوه نام وحدرت يمجن
نجله....وذن صيحي عليهن تنسيم خل يجن بالهول خاطر بـ وراه الصلاة نصب الفطـور فرد مره
تفطروا واحنا ركضيت صليت المغرب و رديت للمطبخ صبينا العشه وطبت علينا ســدن
سـدن....الله يساعدجن
نجله....هلا بيج حبيبه ويساعدج
سدن....معتازتات شي
تنسيم....لا خيه استريحي
جعدت على تخته گريبه من باب المطبخ وانه اصب وعيوني ما اخليها تعاين يو تصد الها
ســدن....شـ حوالج ملــيكه
مـليكه.....بنعمة الله
سدن....شوون عگاب عسااه بخير
تنسيم....زين اخوج بخير وسلامة
سـدن....عساه دوم چاا فارس ووين
نجلـه....ملتحــق خيه
سدن.....ياا بعده عالحشد
نجلـه....اي والله بعده ما يرضه يخلي
سدن....هسه هو شعايزه ويروح للحشد شوو شغله هنانه ونعمة وخير من الله
نجـله....خيه هو انه اكدر اردنه ما بيدي شي والله الحافظ اله
سـدن....ونعم بالله
طبت عمتي تزمخ بينا لون انسولف وما نصب الاكل والعالم تريد تتفطر
كـريمه....هااا يمعزيات ماا خلصت ولو شتخلصن وانتن ملتهيات بالسوالف ولجن خفن اديجن شووي الزلم اتاني الفطور
تنسيم...اي عمه فدوه اروحلج لا تخبصينه هساع خلصنا بس الحشو اديره على التمـن
كريمه....عمـه سدن چاا انتي موش صايمه
سـدن....لاله عمه شوو دكتوره تكلي ماا يوالمج الصيام
كريمه....يله الله كريم وتكومين بالسلامة ان شاء الله
ملـيكه عمه
انداريت عليها
مليكه....ها عميمه
كريمه....چاا عگابج ووين
ملـيكه....عمه معزوم برا الكوت وهم خاطر سيارة ما ادري شنهي
كـريمه....هسه وگتها موش يدري يمنا ناس ما كتيله انتي
مليكه...لا والله عمه كلت اله لجـن گالي زلم تارسه البيت شنهي واكفه عليه
كريمه....زين يله يمه خلصتن
نگلنه للهول امشي عاد عمه سدن يم عيالج
