b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بقلم.... المـيࢪزا بتـــول
@user80208178
قـــال الامام علـــﻲ (عليه السلام)
الاصرار شيمة الفجار
.... لبست فستاني والبنية لفت الي الحجاب لفة تركية بسيطة كعدت كعود وي المكياج وترتيب الفستان
طلعنه لبيت عمو ومناك اجه ميمون واخذني اباوع اله لابس قاط رصاصي بدون ربطة عاكس على لون عيونه طالع يخبل ما شاء لله علي قريت بداخلي سورة الكرسي حتى تحفظه
وصلنه وهو التفت الي باوعلي ثواني وابتسم كرص حنجي خفيف كال
ميمون...شطاالعه كيكه
ابتسمت مدنكه هيه حجاية كالها بس خلت گلبي يركص من الفرحة
... نزلنه سوه ودخلنه للقاعة سوه كعدنه على ميز قريب من العرسان وبعدهم ما داخلين للقاعة
وميمون كل شوي يجي واحد يسلم علي ويعرفني بس وانه بس اتصفن ما اعرف احد ولا مختلطة بهاي الناس رغم كلهن اهلنه ومنا وبينا بس انه بسبب اخواني ما جنت اطلع ابد ومن بطلت من المدرسة انعزلت انعازل تام عن العالم خارج بيتنه
...دخلوا العرسان ووكفنه نستقبلهم وانه فرحتي اكثر من العروس نفسهاا متونسه حيل وبدوا بفقرات العرس واصدقاء العريس سووا فعالية كلش حلوة وفقرات التصوير وغيـرهاا هواي
وكل ما يكلي ميمون نرجع اتوسل بي نبقه بعدد
وهو خطية يشوفني متونسة ما يحجي شي ومطول باله وياي
....لحد ماا انتهئ العرس كلش يله طلعنه من القاعة
وصلنه لبيتنه هسه يله دخلنه ودك تلفون ميمون ما شفت منوو
بس من فتح خط انتبهت على ملامح وجهة انعفسـت وصاارت ما تتفـسرر ولا تنعرف
وصااح بصووت عالي فززني من اعمـااقي
ماا شفت غير طلع من البيت وشخط السيارة بشكل مـرعب لزمت گلبي بيدي
يااربي دخيلك شصااير يا ساتر استرنه دخيلك ياربي
... قفلت الباب ودخلت للبيت وخايفه معقوولة البنات بيهن شي لو عمو وعمتي بيهم لا يمكـن صديقة
لان لوو اهله جاان كالـي
غيرت ملابسي وانه اردد يا ساتر استرنه دخيلك يااللهـي
مرن ساعتين عليه بمثـابة سنتين
خوف وقـلق و رعب وتفكير مشتت
كلشي مريت بي بهذني الساعتين
... هيه دقـاايق بيهن وكفت من سمعت صووت القفل ينفتح بشكل مـرعب وبعدها الباب نضرب قووي وانفتح انرطم بالحايط اصدر صوت يصدح بالاذن خطوات تقدمت بيهاا واشوف ميمون جان شكله مـرعب حرفياً
سترته ماكو بس قميصة وعلي علامات دم دمارات وجهة وركبته كلها بارزة ثواني ما لحكت بيهن حتى اسئله او استفسر عن حالتة اله
.... وهبـت عليه عاصفة من الضـرب باقصئ قوة عنده والشتم باقبح العبارات والكلمات والغلط شي افتهمه وشي لا وشي اصلاً من الضرب ما استوعبته لحـدد ما طـحت طـريحة الكـاع
لا احس برجل ولا بايد ولا بوجه اصلاً
كلشي بيه اتخدر من الضـرب واي صوت ماا طلع اله غير الونين بيني وبين نفسي صوت بالكاد ينسمع ويوصل لـ اذني
