#الم_احل_لك_بعد...؟
بارت ٣
بقلم.... المـيࢪزا الـ بتـــول
@user80208178
هنياله كلـمن سد جف وبحضنه نايم... حلمه
شايف معـزتها شـكثر....؟
من توعد بـ حلقة وعــرس وتكون كد.... الكلمة
انه اليحبـج من صــدك...
مو حب هذولـه الغشمه....
ومن صارت الساعة١١:١١؟!!
اتمـنيتج انتي ام بيتي........
حبيبتي انتي وبس الـي
بس انه اكلهــا بنيتي...........
__________________
وارث
...... وهمه يسولفون يم راسي وانه منتهي ومسلمها لـ لله سمعت فجت باب حجره وصوت خطووات متسارعة
صفيه...ياهي هااي تنسيم حبووبه شكعدج
تنسيم... هاا لا حبوبه مو سمعت اصواتكم وكعدت شبي وارث
صفيه....ولله مدري يحبوبه من الصبح لهساعة كاض رويسه ومامش اله حيل يكوم من مجانه
تنسيم...حبوبه اسويله شوربه
غياد...هاابويه تسمع حجي اخيتك تسويلك شوربه بلكي ادفي اعضامك وترد لحيلك
خاطر اخذنك من الصبح للمستشفى هذا المضمد كلشي مايفتهم
....هزيت راسي بدون صوت واسمع خطواتها وهيه وي حبوبتي تحجي وكلساع واجت كالت هاا مافتح عيونه
انوب لهفتها مفضوحة خفت لا جدي يكلفها وهاي ماتعبر عليه السالفه ولا تفوته فايته
....... مرت اسبوعين وانه حالي اشوه كدرت اوكف على رجليه وازمة وعــدتلي حالها حال الگبلهاا
وحتى يو مااطايب من صدك لخاطر جدي وحبوبتي وتنسيم اوكف على رجليه
صارلهم اسبوعين سابيهم سبي و ليل ما ينامون
واكفـين فـوك راسي
ياكمادات يا شوربة وياحليب وياروبة توهاا مسوينها
خاطر تردلي عافيتي والحمد لـ لله وكفت على رجليه
طلعت بالبستان اتمشه شوواي
اختنكت خنكة موته من الدار والحجـره
مشيت ومشيت لحد مااوصلت لـ بيت ابو رسن
الفلاح مالت البستان
عطشت واريدن مااي ورجليه بعد ماا تعيني ولا تمشيني خطوة وحيده
دكيت الباب وادري محد بالبيت بس الزلمه عبن مرته متوفيه وبنياته متزوجات كلهن وولده كلمن عازل بحيده وهم بديرتنه موش بعيدين
اسمع صوته
ابو رسن...يااهو هنانه
وارث... انه عمي اانه وارث
فج البااب وتلاكاني بذااك الملگه
ابو رسن...يابويه ولك وريث صدك جذب اشوفنك بعيني واكف عالطولك
شبكني ويدك على جتفي
الحمدلله عالسلامة بوويه وعساك طيب ان شاءلله وماشايف شر
وارث...لله يسلمك عمي شنهي شو ماكوو بالبستان
ابو رسن...ولله يبويه كملنه من امس الحصاد والحمدلله كلت اليوم استراح وما اطلع
فوت بويه توه نور الدار وعلي
وارث...زاد فضلك عمي
.... دخلت للدار وياه بسيط وشحلاته ملموم لم ركض جابلي صينيه بيها كلاص ماي وطاست لبن مثلجه شحلات ريحة النعناع بي
ابو رسن...اشرب بوويه الف عاافيه هني ومري
..... خليت الطاسه من ايدي وحجيت
وارث...ممنونك عمي شنهي وين لولد مايجون يمك يمرون بيك همه وبزرهم
ابو رسن... لا ولله بويه يمرون اليه كل يومين سويعه
حجايه منا ومنا وبزرهم بصفي يحببون بيه
ويمشون يساعدهم لله هم عدهم عوايل ينگلون وما ملحكين
