b𝓪𝓽𝓸𝓾𝓵 𝓪bb𝓪𝓼:
الم_لك_بعد...؟
بارت ٢٦
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
( السخاء خلق الانبياء)
عظم الله الكم الأجر بحلول شهر محرم الحرام
جابت الكبوس حطته على راسي ولبستني عباية جتف وطلعتني لكيت فارس يسوق السيارة
عمتي جدام بصفه وانه وامي وراه ما كدرت احجِ شي كلت اوصل وتبين السالفه
.... وصلنا وانه ما اشوف شي امي نزلت البركع حيل على وجهي وصوت ناس وهوسه يم باب الديوان
فتت بساع للبيت وطبيت للهول واباوع لـ عمتي ام عگاب صاارت بوجهي
الخد ملطوم وطبع اصابع عليـيِ وغادي احمر وتوهاا مغسله بالماي
مسحت وجها واجت حذااي
ام عگاب...هاا عمه خلصتي
... هزيت راسي ومن شدهة بالي ما فجيت حلجي طبن عمتي وامي وراي
يتحمدن الها بالسلامة ويبوسن بيهاا وانه واكفه جني تمثال ولا ادري شنهي السالفه شووي واشوف عگاب محدر من الدرج كصته مضمده وجف ايده ملفوفه وعلى لفاف نقااط دم
راحت امي تحمدت اله بالسلامة وتسأل بي شني الصار
عگاب...مامش عمه دعمه سياارة زغيرونه وراحت فدوه
بهيه...اي غير على كيفك ياا عمه شنهي طاير بالسواقة شوونك هساعة خو ماا راسك يألمك
عگاب...لاله وعلي كلشي ما بيه يله الزلم متانيه بالديوان لا يطلع حسجن
خله وعبر من يمي ولا عبالك يشوفني وجني نكره
ام عگاب...يله عمه مليكه امشي لبسي بدلتج يوو احط الج غده تأكلين الج لگمه كبل لا تجي النسوان وتلتم
بهيه...لا خيه خليها انه احط الها غده اكعدي ارتاحي سودده عليج مدري منين اجتج هاي السالفه
ام عگاب....خيه الله وكيلج عين ما تصلي على النبي انووب بليلة حنته شووفي حظه ويوو تشوفين السيارة صاايره جنها قوطيه معقوجه عقج وانووب اكلهم ذبحوا اله فددوه ماا يرضااش
بهيه... الحمدالله خيه كضت على هيج ولا صايبه شي والسيارة راحت اله فدووه بالحديد ولا بالعزيز وعلى الفده انتي سوي هنا عشه لـ ام البنين لأهل دارنه
ام عگاب...انه هم هيج گلت و الحمدالله كضت على هيج
اندرات عليه
خاايبه عمه مليكه شجااج متصنمه طاحت رجليج من الوگفه تعااي جعدي شوي
مليكه... لا عمه مامش وگت فايته ابدل سلاباتي
.... طبيت لحجرتي ذبيت البركع من عالراسي
والدموع تتجاره يمه صخام بوجهي
من كون رجلي خضرة عالزلمه اول يووم وسوه حاادث چا بيوم العرس يموت ماا يضل عدل
شنهي من حظ حظج يمليكه الزلمه رااد يموت ويفطس وانتي محتاره بالحمره والكحلة صخام صخمج اي والله
طبت امي شايله صينيه حطتها بالكاع وانه دايره وجهي امسح بدموعي اخافن تكتلني عبن المكياج خررب
