b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بقلم.... المـيࢪزا بتـــول
@user80208178
قال الامام علي عليه السلام
(الامل سلطان الشياطين على قلوب الغافلين)
دكت على رجلها جدتي وتحجي بحـرگه
صفيه... اااخ يمه چااغير عمك عتااد صار عده وليد
وهاي مرته طاحت بصخونة مالت انفااس ولوليد اربع وعشرين ساعة يتبجه
ولجن وحده منجن تمشِ تشوفه لايموت تفرفح سوده عليه
وارث.يااهي مرته تنسيم
صفيه... اي حبوبه چاا هوا عده غيرهاا
.
.
.
.
.
.
وارث... ماعدي علم وعلي وحتى ما باركت اله
صفيه... ميخالف حبوبه معذوور
شوي واجت مليكه شايله لوليد مكمط وملفوف بخرگه بيضة ما ينشاف منه شي
اطته لـ جدتي وانه كعدت عله ركب رجليه مكابلها
صفيه...شوفه حبووبه شحلاته جنه عمك بـ زغره
هزيت راسي متبسم واباوعله روحي طابت
غير النغزه الخفيفة بگلبي ما حسيت
شلت من دشداشتي فلوس وخليتها دلاعه اله بست راسه سلمت وطلعت عنهن
هم هوسه يمهن وخليتهن طشن يكملن تحضير الغده للوادم البديوان
... انداريت للمغاسل مالت المضيف غسلت وجهي
واحجي روحي
وارث بداعت صاحب الزمان كض روحك وسالفه و رااحت عيب عليك عيب واستحي من صاحب الزمان وامك الزهره تفكر بـ مره متزوجة لو تحطها بالك عدلت شعري وحجيت
احضرني ابو صاالح شد حيلي بـ دعوة منك اليه
دخيل ولايذ بـ عباتك مولااي
... فتت للديوان سلمت عالحاضرين واحد واحد
وكعدت بصف جدي مجـاني خالي مخلي اليه
بدت الناس تجي وتحضر علمود المشية هيه هنا لان عمامي كلهم بفـرد حوش واحد
المشية والعقد بنفس الدار
... نجبو الغده وتحزمنه ولد العم ننگل الغده للديوان وللشيوخ الكاعده بي نفتر عليهم اخافن واحد بيهم معوز شي
لحد مافضت وشربوا الجاي وحضر السيد حتى يعقد الهم اباوع لـ عگاب يا كشختة وهيبته بالعگال والهدم (العباية الرجالية)
هلـكد لايكه اله حجيت بداخلي
عسااك فرحتك كااملة يـ اخوي وياعضيدي
فات جدي صاحو اله من الدار ضل باالي بس لاصاير شي شووي واشوفن واحد من ولد عمي ضهد اشر اليه
... هزيت راسي مستفهم وكمت وراه ما ترخصت من الكاعدين طلعت وجرني حميد
حميد... تعاال وارث امشِ جدي يندهك بسااعك بوويه
وارث.شنهي الصاار ولك شجاك عليمن تتراجف
حميد... امشي وبعدين تفهم
فتت للهول مال الدار واباوع الوجوه متكدره وجدي رافع عصاته وكباله مرت عمي ضهد ام حميد وسدن تتراجف تقدمت يمهم وحجيت
وارث.شصااير بويه عليش اندهتني والوادم متانيه العقد
غياد.. تعاال يـ ابوك تعال وشوفلي حل الهاي المصيبة
وارث... غير تفهموني شصاير شنهي الجـرره
