الم احل لك بعد

بارت ٤٣

ألم_احـل_لـك_بعـد
الـجـزء الثاني
بارت٤٣
بقلم.... المـيࢪزا بتـــول
@user80208178

عن أميࢪ المؤمنين علي عليه السلام
((البشاشة احسان))

ملـيكه
حدرت من الحجــره عگب ما تكـاونه انه وعگـاب مدري عليش لجن هواي صااير ما يتحمل جلمه من عدي وانه الحباله مخبلتني ومسودنتني كلش من اعاين لـ حبوبتي بالهول تعدل بـ عبايتها على راسها
وصلت يمها

مليكه....ها حبووبه رايحه لواجب شنهي
صفيه....لاله ماشيه اخطب لـوريث
مليكه....حبوووبه انتي ليش ما تخـلـين الـزلمه عالراحتـه كل يوم لاكيه اله بـت وجارته بـ وراج
صفيه....جا شترديني ولج اخلي بلايه مره وهو بعاين لهاي الزلم بحله كلهاا تـزوجت وخـلفـت وهو سوده علـيه ضال
مليكه....ياا والله عليج سوالف حبوبه شوو طلعتي ينبجي على حاله وينعئ هـم شل قضية
صفـيه....هل اجه ماا عليج انتي تكتري غاد وعالصفحه خليني انه ووليد ابني نتصافه
وارث....كواهم الله
مليكه...يگوي حيلك خوويه هلابيك
وارث....ها حبوبه خلصتي
صفيه....اي حبووبه خلصت چاا شعندي هيه عبيه وجويريبات
وارث....چا عمتي وين ما تروح ويانه
صفيه....لاله عمتك شوي ضغطها وما تكدر تروح
يله امشنه حبووبه
وارث....توكلنا على الله

.....مشوا وانه حاصرتني الضحكه على حال اوليد عمي خطيه ويعينه الله على ملحة حبوبتي تزوج... تزوج تكلك طاك الاربعين وهو من لا جاره الزلمه يجاريها على مايها ويمشي بـ وراها لجن لزوم يصير شي يو البت ما تريد تلبس عباية وتلتزم يو هي ما تريده لان تدري بي طالب حوزة وووكومه اسباب لجـن انه گلبي يكلي رب العالمين راح يعوضه خير ويطي مـره تنحط تاج على الرأس

.....فتت للمطبخ اشتهيت شي حلو لجن ماكو بس حلاوة رملية وانه ما اريدنها حطيت تحضيرات حلاوة الطحين علـما سويتها وصبيتها بـ صحون حدر عگاب يفـرك بوجـهه ويتعارك وياه بجف ايده
ما تنوعت اله ولا دريت بي

عگاب....اكوو جااي

.....شلت القوري خليته على النار حطيت بكلاصه شكر وهو طلع بره يدخن اله جكـاره كملها وفات ردود للمطبـخ حطيت جدام الجـاي كال

عگاب...اريـدن كعك ابو سمسم اكوو
مليكه....ماكو

..... صديت وجهـي عنـه وخليت صحون الحلاوة بالثلاجة وحطيت الي واحد بصينيه

عگاب....مليكه والتالي
مليكه.....الله الوالي
عگاب....وونعم بالله بوويه شحااجي انه لجـن تضلين گالبه جهرتج
مليكه....ما كالبتها بوجه احدد وانته العايل بيه
عگاب....ولج ياابه تعباان بالعباس حيلي مهدود وانتي فوك راسي شجاك ماا شجاك روحي زايعهاا انه وما بيه حيل للحجي صارت بوجهج الصيحه
مليكه....انته موو بس صيحت عليه حتى شمرتني من يم خاصرتي  على الخشبه مالت الجربايه وعورتني والله وهسه لوو صاير على ابني شتكول لـ روحك