b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
بارت ٤١
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
((التأني حزم))
وارث
...اسبوع كضه مدري شلون ومره اريدن امشي للشغل وواتذكر سبحتي ناسيها بالبستان بـوراه البيت من مبارح طبيت للمخزن ومنه طلعت للبستان واشوفن عگــاب واكف جدام من عمتي ام عگاب عاين اله ينكث بــيده شووي وعله صوووته هي صيحه منه و شگ زيج دشداشتة ركضت عليه بسااع وخرته من يمهاا والمره تتراجف والدموع تنكث بوجهها
عگاب....ووولج يمااا صخمتيي وجهي شكووول وشحجـي للعالم اخوووي نـغل وضاامينه شنهي يااهوو يصدك بيه يااهو يبريج بالعبااس غيااد مااا يخليج بالبيت تسمعين مني يووو لاله ماا يخليج ولا انه اشفع الج ولا ابووي
وارث....بسك عگاااب بسك وولك امك لا تمـوووت كرري شنهي
عگاب.... هددني ووريث هدني
وارث....اااهدك والله بس سدد حلچـك شهرتنـااا منا عاالم
....وخرت اديه عنه تربع بالكاااع ويدك عالراسه مولول
عگاب....شحجي وولك وشكوول يااهو يصدك وياهو اليخلي يلفي لهناانه احجييي باصريني يـ ام عگاب شنهي الحل شنهيي وشتكوولين لـ ابووي
اابنه زلمه بطووله ماا يدري بي الله واكبرر يااربي لا صاايره ولا دايره بالعباس ابو فاضل شنهي من گلبج عددج وتضمين وليدناا عنه لا تخلينا يدري بأهله ولا يعرفهم ولا يعااشرهم
....گوومته وكوووه اسحل بي يم السـاگيه اغسل بوجهه زلمه صاار ازرك جن ارتفع عده الضغط
عگاب....شكل لأبووي ورريث ولك شحجي اله
وارث....كوول يالله كلشي اله حل بأذن الله بس بشويش على رووحك
ام عگاب....سووده بوجهي يمه وولك واخوو زينب جنت زغيررونه وما عدي عگل وولك يما كالولي اخيتج ماا يصير عدهاا وانتي اجاج تووم اطيهاا وحيد ومامش احد يدري....
.....انداريت عليها ومحتار شحجي وشأكول الهاا عملتها السووده وهلي وادري بيهم بهجي سووالف ما يتفاهمون بزرهم فووك من گلشي يستر الله من الجـااي
وارث....روحي عمه رووحي يرحم والديج لا
اطيح فووك روسنا مصيبة اكبرر
ام عگاب....حط باالك عليّ يمه وارث اروحلك فدوه
......مشت من البستان لدارنه جبت اله كرسي جعد عليّ وراسه بين اديه
وارث....كوول يالله عگاب شنهي سالفتك
عگاب....ماا تنحل ووريث ما تنحل يخووي بيها دم وبيهاا طلاك وهجماان بيووت من وراه النسووان من طركااعه طااحت على روسهن كوون
وماا بيهن خير بس يتبكبكن يوو صارت المصيبة
......ضليت مجابله ومجابلني وواحد يصفن بالثاني صدك عگلي ووكف كل حل مابي نحج لـ جدي.... جدي ما يخليها تمر على خير ولا يخليها تمـر سلاماات
يطيح عگل بيهاا يوو عمـي ابو عگاب ناار كبـرة من الاعصااب ما ينحمل ايده والـ طگ ويموت على ولده عده بالنفس يمشوون
شحاال من نگله الك ولد وما تدري بي ولا شايفـه
وحاله حال الغريب من يمر حذاك
