الم احل لك بعد

بارت ٣٥

b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
بارت ٣٥
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
( المودة رحم)

شــام

.... لحظات هدؤء وحزن سادت وترست المكـان
هنا حسيت لازم انسحب هو يحب يكضي وكت الاستراحة على كولته بين يسمع قصيدة او نعي للـحسين (عليه السلام) بس ليوم انه خربطت علـي النظام لان جنت مضطره اسئل واستفسر

انسحبت بهـدوء مثل هدوء المكان وروحانيته
سديت الباب وراي امسح وجهي بيدي واحجي بگلبي
شنو سرك وارث؟ شنو المخليك هيج متعلــق
بـ اهل البيت عليهم السلام؟!

..... ثـاني يوم بعد الغده جان كاعد بالصاله وفاتح كتب وكالعاده لازم من يدرس يبدي التشغيل على الشاشة بالبداية دعاء الكسـاء.... التوسل.... زيارة عاشوراء...واخيراً يختمها بدعاء الندبة

.....سمعت جـهازه اتصل وانه طالعه من المطبخ شلته عن الشحن والتفتت اله ما منتبه دايخ يكتب ويـراجع بالكتاب

شام....وارث
وارث....نعم
شام....تلفونك
وارث....هاا شماله يدك
.....هزيت راسي بـ اي انطيته اله وكعدت بالقنفه الثانية استمع اله الظاهؤ واحد من اهله لان كاتب العزيز على الرقم بدا يحجي ويسأل عن اسماء  واتأكدت هم اهله الجاي يخابرون بالاخير طلبوا من عنده يجي يمهم هم وين ما ادري لكن مبين من جوابه

.....تعذرني جدي وداعتك ما اكدر ما اليه فرغة وعلي
.... يمه مـيخاالف انته احجِ وياها لجن يوو سمعتك منك ما تحلفني
.....لا بوويه تدري روحي ما تهوئ زعلكم لا والله
.... خوش حجي عالعيد بأذن الله احضر يمكم
.....لاله بوويه هذاا عگيب يمك مووش ادري بي صااحب نخوه كلسااع وازك عليه
.....لا هاي هيه بويه عالعيد انه يمكم بحيل الله
.....في أمان الله سلمنه وياك

....سد التلفون وخلاه على جهة صفن شوي على الكتب حجيت مبادرة بالكلام

.شام....اهلك ذوله وارث
وارث....اي هلي
شام.....وخطيه ليش ما تروح الهم اذ مشتاقين الك
وارث....طريج بعيد موش سهل وانه عدي مشاغل هنانه هم الحوزة وهم شغلي بالعتبة
شام....يعني مو انه مقيدتك
وارث....لاله هم انتي ماا ترهم اخليج لحالج هنانه
ما يصير
شام....زين هم ليش ما يجونكم كلهم
وارث....كلهم لا بووويه انتي ما شايفه هلي عشيرة الله يحرسهم هاي الدار كلهاا عدنه مثل حجرتين بدارنه غاد
شام....اكيد عمامك وياكم عايشين بنفس البيت
وارث....احنا هناكه ما عدنه وحيد يتزوج ويطلع لحاله هي السالفه غلط لجن ما همه ما يحبون واحد يبعد عن الثاني
شام....ما دام ماكو مشاكل احسن شي يبقون قريين واحد على الثاني
وارث....الحمدالله گلب عله گلب
شام....امك وابوك ليش ما يجون مو يالضرورة يجون كلـهم

.....صفن شوي بكلامي وابتسم ابتسامة واحد مكسور خاطره للحظة ادركت الجواب قبل لا يكوله هاي كسرة الخاطر انه حاسه بيها اعرفها كلش زين ويا ما حاسه بيها وخانكتني دموعي ونفسي محبوس ومكتومة العبرة وضميتها بهاي الابتسامة