#الم_احل_لك_بعد...؟
بارت ١
بقلم.... المـيࢪزا الـ بتـــول
@user80208178
رغم تعبك تباري البرحي ويطول
وتضل تسكيه سهر حدما يرطب
دورنه ولكينه شكد صدك بيك
ووسط كلبك تضم وين التتعب
من اجل ناسك تضم حزنك وره البيض
فطن وبراحة احبابك تحسب
خضارك ما تركته بشحة الماي
خاف تلوحك جفوف اليحطب
المرض وفراك ناسك والمعانات
وجف الأه البروحك يسلب
كل ذني ونمر نلكاك ديوان
وكبل ماعونك بضحكك تعزب
___________________________
غيـاد.وارث
.... هديـت طيره الحمامة البيدي ورحت اركض لـ جدي من سمعت يندهني
وارث...امـر يبـه
غياد. بـعد ابـيك ناوشني ميـه من الحـب
وارث.... صاار
ركضت اتسـاابگ وي فروخ عمـي كل واحد بينه گاض طاسه الحب ويترس منه وياخذهاا لـ ابوه
الـه انه ترستهاا اول واحد وركضت بيها لـ جدي
انطيتها اله وكـعدت جـريب من رجله شرب الماي
وكال
.... السلام عليك يـا ابا عبدالله
اللهم العـن يزيد
اللهم العن يزيد
اللهم العن يزيد
اللهم العن يزيد
تعودت اسمع منه هذا الذكر
وتعلميت منه وكمت كلما اشرب المااي اكولن مثـله
وانه انداريت اعاين لـ عمامي كل واحد بيهم التـمو يمه بـزرته
وكعدو يم رجلـيه
فززني من سهوتي حجاايه جدي
غياد.هاا بويه وزعت المصغول عالفروخ عمـامك
وارث... اي يبه وزعتهن
بس البنيات خليت جدتي تنطيهن
غياد.... عفيه بوليدي لله ينطيك مرادك بجاه صااحب هذا اليـوم
ابتسمت وحبيت ايده مسح عالـراسي بحنيه
وارث...يبه اريدنك تحجي النه قصة بليل كبل لا تنـاام
غياد...ان شاء لله يبعد ابيك
نخلص العشه وجنك على سويلفه
... و طـر ليل وراه ما نكفض العشه تحزمن نسوان عمامي ودارن عالـحوش البرراني يرشنه مااي صاارت الكـاع باارده وفاحت ريحة التراب التبلل وعطت ريحته ركضنه نجيب الحصير وفرشناها بالكـاع وجدي وجدتي كاعدين عالجربايه حديد كبالنه
والتـمت العايله كلها
كعـدت مكابل جدي وحجيت
وارث...يله جددي احجي النه قصة
اندار الي ومخلي جفين اديه على العـوجيه مالته
مبتسم
فروخ عمامي كلهم تجمعو بصفي وصرنه صف واحد وبيهم الكمزو وكعـدو يم جدتي
وهيه تبتسم وتحضن بيهم
غياد..باجر شنهي من الايام
كمزت بسااع وحجيت كبل لا واحد يسبگني
وارث...جمعة جدي
غياد...وشنهي من الشهر
وراث...١٥/شعبـان
ابتسم وكال
غياد...عفيه بالسبع
ايي يجدي
بمثـل هيج ليلة فجريه
جانت مريه اسمها نرجس وهاي مولاتي نرجس تصير مرت الامام اسمه الحسن
ويلگبونه العسكري
جانت مولاتنه نرجس حامل
ويمها عمـة زلمتها هو الامام الحسن العسكري
جان يوم مبارك وهذا اليوم الناس تصوم بي
الامام گال لـ عمته تضل عدها وعزمها عالفطور
وكال الها ليوم راح يولد المنقذ الموعود
ليش ما هاي عمته اسمها حكيمة
اندارت على نرجس وشافتها حتى مالها بطـن وتبين حامل
