الم احل لك بعد

بارت ١٤

b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟

بقلم.... المـيࢪزا بتـــول
@user80208178
من ࢪسـالة الحـقوق الى الإمام السجاد عليه السلام
حق الامام
وَ أَمّا حَقّ إِمَامِكَ فِي صَلَاتِكَ فَأَنْ تَعْلَمَ أَنّهُ قَدْ تَقَلّد

السّفَارَة فِيمَا بَيْنَك وَ بَيْنَ اللّهِ وَ الْوِفَادَةَ إِلَى رَبّكَ وَ

تَكَلّمَ عَنْكَ وَ لَمْ تَتَكَلّم عَنْهُ وَ دَعَا لَك وَ لَمْ تَدْعُ لَه وَ

طَلَب فِيكَ وَ لَمْ تَطْلُب فِيه و كَفَاك هَمّ الْمَقامِ بَيْن

يَدَيِ اللّهِ وَ الْمُسَاءَلَةِ لَهُ فِيكَ وَ لَمْ تَكْفِهِ ذَلِكَ فَإِنْ كَانَ

فِي شَيْ‏ءٍ مِنْ ذَلِك تَقْصِير كَانَ بِهِ دُونَكَ وَ إِنْ كَانَ آثِماً

لَمْ تَكُنْ شَرِيكَهُ فِيهِ وَ لَمْ‏ يَكُنْ لَهُ عَلَيْك فَضْل فَوَقَى

نَفْسَكَ بِنَفْسِهِ وَ وَقَى صَلَاتَكَ بِصَلَاته فَتَشْكُر لَه عَلَى

ذَلِكَ وَ لَا حَوْلَ وَ لا قُوّةَ إِلّا بِاللّهِ
___
سلام بنيااتي الحبابات شلونكم ان شاء لله بخير
بالبداية انه اعتـذر عن كل تاخـير يصير بالرواية
ومن هسه مبـرية الناشر من كل ذنب
التاخير يجي مني اتمنى تعذروني
وبعد اكو شي مهم هاي الرواية الوحيدة من رواياتي رااح اخليها رهن التفاعل يعني تفاعل هواي حتشوفون البارتات تنزل اسرع الكم تفاعل قليل البارتات تنزل بشكل بطيئ واحتمال بارت او بارتين بالاسبوع فـ مثل انتو اطالبوني بكتابة انه هم اريد حقي عليكم وبالنهاية انتم المتفضلين واسفة اذ طوولت استمتعووا
.........
بغداد
للمغـرب واندك جرس الباب ولحسن الحظ الباب بين عين سحرية باوعت منها صديق ميمون يمكن كال اسمه وارث سحبت شال على شعري وفتحت الباب خله اجياس قريب يم الباب كال

وارث...هذا عشاكم خيتي واعذرونه عالقصور
وانه اطيت خبر لميمون ما يكدر يجي عده خفر ليلة
بغداد...شكرا ما قصرت
وارث...واجبنه هذا
يله في امان لله
بغداد...لله وياك

.... دار ظهره وراح جريت الاجياس شلتهن مبين اكل لان سفري داخل العلاكة بين حرارة لمـست ايدي بيها
خليت العشه بالثلاجة ما جان الي نفس بشي
بقيت افترة بالشقه وافكر شنو اسوي بهاي الغرفة اخليها للبيبي لو مكتب لميمون لو اخليها للضيوف
هزيت ايدي يا ضيوف بغداد هو منو يعرفج منو معتبرج بالوجود اصلا

.... قبل عندي صديقة وحده ببغداد وهسه الحمدللة طلعت من بغداد وانتهت صداقتي وياها
واني غريبة مغربة من يوم يومي يعني الوضع مو جديد عليـه بس فكـرت خليها استقبال ضيوف احسن من الصـاله لان الصاله مطلة على المطبخ وبي فتحة مربعة جبيرة ما حبيت هاي الشغلة

....دخلت للغرفة بدلت ملابسي وتمددت عالجرباية وهسه يله حسيت بألم ظهري وي الشغل والحركة ما حسيت بي شي ولا تعبت بس من تمددت طلع عليه التعب كله