الم احل لك بعد

بارت ٤٢

b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
بارت ٤٢
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
((دوام الذكر ينير القلب والفكر))

شــام
هاي انــه كـاعده بين النسـوان ما يبين منهن شي غير لبسهن الاسود وصوت بجيهن ونحيب ترس اذاني صوت معاتب رغـد وشهـد ومرام لـ اخوهن ميمون الي ما شافنه ولا ودعنه ولا شبعـن منه
يكسـر الي گلبي

.....فوك ما انه مكسور خـالاته ولطمهن وحزنهن بس ما سدن سد امه عمي وعمتي كأنما الدنيه طلعت من عيونهم ورفضوا يرجعون للعراق حتى بفاتحة ابنهـم صار عدهم ردة فعل غريبة وكره شديد للجيه للعراق خصوصاً ما جان اكو شي يبرد گلوبهم مثل جثـة او بقايا من اعضائه حتى قطعة من ملابس ما لكينه غير حـلقته ومحبسه مشمورات ومديوس عليهن كلهن تراب و دم   وجابهن صديقه الي طلع بـعجوبة من المـوت

.....وقت الي جابهن الي مقتدئ ومخليهن بكلنكس
ما تجرأت حتى اخذهن بين اديه خفت وما مستوعبة الموضوع شنوو ميمون يموت وشنو يعني بعد ما اشوفه ولا اسمع صوته ولا مداهره وي خواته فكرة صعبة والاصعب منها وضعي والناس كلهم شايفتني انه البنيه الي ترملت على صغر وما شافت شي من زوجها ولا شبعت منه ولا عندي ولد ولا تلد يؤنس وحشتي بعد واستشهاد زوجــي وكلها منقهره علـيه جنت محل الشفقه لكل شخص ينظر اليه بنظرة وحده

.....عكسي انه جنت ما اعرف شنو اريد ساعة ابجي ساعة اسكت ساعة نار مستعرة بگلبي وساعة التفكير ينهش عقلي بمصيري وبالاخير ما جان عندي حل غير أسلم امري لـرب العالمين وهو يتكفل بكلشي

......تذكرت كلام لـ شيخ وحيد الخراساني
عندما تتعاظم عليك المصاعب وتغرق في محن الحياة فلا ملجأ لك سوى التمسك بأمرين عظيمين اولا
التوكل على الله فـهو الملاذ الذي لا يخيب وثانياً
التوسل بصاحب العصر والزمان عجل الله تعالى فرجه الذي لأجله يستقيم الكون وتزيل الشدائد

.... خلصت الخميسية مالت النسوان جانوا مسوينها بحسينية ورجعت للبيت وانه من راسي لأخمص قدمي اسود بأسود حتى جفوف لبسوني دخلت لبيتنه واتذكرت حجي زوجة ابوي انعصـر گلبي واحس اختنكت بشكل لا يطـاق

....يا الهي منين اتلكاها دخلت للغرفة وي جهال مقتدى كعدت بعد ما بيت ابوي عجز ان يلفيني
جنت كلي امـل بعمو وعمتي عسى ولعل يجون وينقذوني من الجاي يصير واعرف عمو حقاني وما يقبل هشكل اخواني يعاملوني بس بعد خبر استهشاد ميمون و ردة فعلهم استعبدت هذا الشي

.....اي شام ابقي انتي وكفالة الله الج بس خليت مصلايتي وبيدي سبحتي والتربة على محرمة وارث اسبح بالاستغفار واهديها لـ روح ميمون
واجذب اذ اكول ماكو عصرة بگلبي على شبابه وحياته الي راحت بس هذا امر الله ولا اعترض على حكمة والموت حق وكل عليها فان ويبقى وجه ربك ذو الجلال والاكرام