b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بقلم.... المـيࢪزا بتـــول
@user80208178
قال الامام علي عليه السلام
(الانسان عبد الاحسان)
بغداد......
ميمون....شوون صرتي بغدادي
ابتسمت ومديت ايدي تلمست وجهة شعر خفيف وناعم طالع بوجهة مكان لحية همست
بغداد...بخير لا يضل بالك
هز راسه مطمأن عدل ملابس والتفت الي كال
ميمون...راح اروح لوارث
مجرد ما كال وارث اجت براسي حجاية ميمون هو مو كال طالب علوم دينية ما عرف طالب حوزة
اكيد يكدر يساعده
همست ببحه صارت بصوتي
بغداد...ميمون
ميمون....ها حبيبتي
بغداد...عيوني انته مو اتذكر مره كلت الي وارث طالب حوزة ما ادري علوم دينية شوفه ما يكدر يساعدك يجوز اكو فتوئ او شي منا منا بالنهاية هو يعرف اكثر مني ومنك
همس وعيونه فاكهن وعبالك هسه يله تفطن واتذكر وارث رغم ما هوه ما يمر يوم اذ ما يشوفه ويروح يكعد وياه ساعة ساعتين ويرجع
ميمون...وارث
بغداد...اي حبيبي وارث شوفه
ميمون....ما ادري بس شلون احجي اله
ضحكت وحجيت
بغداد...هااي وانته الضابط تجي تسئلني شلون تفتحالموضوع وياه المفروض منك تفر السالفه فـرر
....هز راسه وطلع دايخ ومحتار بـزمانه
واني هم وياه شكد عبالي ارتاح لو طلكها ويبقه هوه بس الي لكن ما ارتاحيت طلكها واني ما استفاديت شي صار شغله الشاغل اني
يروح للدوام الصبح ويرجع يرتاح ساعتين ويمر على البنات ويرجع للشقه وهذا الوقت كله نقضي سوه ويرجع يطلع بليل ساعتين ويرجع وهواي لحظات تمر واني احس بي
حاضر يمي جسد بس لكن عـقل خارج الشقه
....يفكر هواي والتفكير الهواي انعكس على حياتنه بسلبية مفرطة وهل شي تعبني اني لكن ما جان بيدي اي شي غير اهون علي
انتبهت لـ تلفونه عايفه هنا او بالاحرى ناسي لان هو ما يطلع بلاه سحبته وفتحته على البصمة مالتي لان ما اعرف الباسورد هو يخلي ارقام صعبة وشفرات واني انسه بسرعة
دخلت على الاستوديو واكلب صوره بهيام و ولهـان
خلصتهن كلهن واني الابتسامة مرسومة على وجهي
ما اعرف على شنو ضغطت وطلعت علامة الصور المخفيات دخلت عليها
.... واشوف ميمون واكف ولابس قاط عرس اسود وقميص ابيض ورباط من هذا الفيكه فد طالع كيكه
وانتبهت للبنية الحاضن خصرها بيده واصلة لزنده فوك من عكس ايده بشوويه
... ناعمة حيل وضعيفه شعرها مخصل مصبوغ ومرفوع بتسريحة بسيطة حيل ونازكة
ملامح وجها مبينه حلوه بس ما واضحة هواي بهاي الصورة انتبهت لـ اديها مخليتهن على اجتاف ميمون
غيرت الصورة واجت غير حركة مسوين ووجها هالمره واضحة تشبه ممثلة تركية
