الم احل لك بعد

بارت ٣٣

b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
بارت ٣٣
بقلم.... المـيࢪزا  بتـــول
@user80208178
عن أميࢪ المؤمنين علي عليه السلام
((العلماء غرباء لكثرة الجهال))

.ولأول مـره اتصير وياي مشكلة واكون بيها انه الظالمة موو المظلومة اي حقه وارث لو مهما يكون اسم الزواج الي جمعنه انه اله وحراام وما يصير احجي وي غيره وياريت وي شخص غريب لا طليق الي وهو الجابني لـوراث وهو الي خلاني ذليلة ومهمشة من كل نواحي شخصيتي كدامه

.....خسرت ورقة رابحة بحياتي وهاي اخر ورقة جانت من صدمتي بقيت ساعة كاعده وصافنة بمكاني ما مستوعبة الي صـار كله

....المشكلة حتى أمل ما عنـدي انو يغير رأيه لان من حجـه الكلام گاله بحـزم وقوة وصرار حسسني قراراه مستحيل يتغـير والاصعب من هذا انه بقيت ساكته رغم هو انطـاني مجال حتى اجاوب او ابرر فعلي لـكن انه التزمت الصمت ما اعرف تأثير النوم لو صدمتي بنظراته وكلامه عنـي

....كلشي مر بسرعة بسرعة وبس صوت الشاشة صار ينسمع حول من زيارة عاشوراء لحديث الكساء وصل لـ مقطع

فقال أبي (صلى الله عليه وآله): يا علي والذي بعثني بالحق نبيا، واصطفاني بالرسالة نجيا، ما ذكر خبرنا هذا في محفل من محافل أهل الأرض، وفيه جمع من شيعتنا ومحبينا، وفيهم مهموم إلا وفرج الله همه، ولا مغموم إلا وكشف الله غمه، ولا طالب حاجة إلا وقضى الله حاجته، إذن فزنا وسعدنا، وكذلك شيعتنا فازوا وسعدوا في الدنيا والآخرة برب الكعبة

.....توسلت بـ داخلي بأهل البيت عليهم السلام ان يهدي عليه وينطيني مجال ابرر فعلتي هو الشيى الوحيد والشخص الصح بحياتي ما اريد اخسره بهاي الطريقة ولا اريد اظلم شخص احس بالقرف من روحي شلون دنت نفسي ونسيت انه ماكو اي علاقة حالياً تربطني بـ ميمون

.....كمت غسلت وجهـي ورجعت للغرفة متوضية فرشت المصلاية وضليت للصبح على فرد استغفـار
وركعتين لـ سيدة ام البنين عليها السلام
بحقها عند الله يهدي ويرجع عن قراره قبل صلاة الفجـر بساعة سمعته طلع من غرفة وصوت باب عازل الصحيات انطبـك

.... كمت متـردده وبداخلي شي يكلي انه غلطت بـ حقه لازم اعتـذر اله من عيب وواجب عليه الاعتذار وبالعكس هذا الشي راح يصلح بيني وبينه ما يخرب

... طلعت من الغرفة وتوجهت للعازل ووكفت كدام الباب بيدي السبحة عاصرتها بين اديني لابسة ايزار الصلاة ابيض هو جابه اليه گال مزوره داخل الحرمين والافكار تتطشر على عقلي وبين حيرتي ابقئ واكفه لو ارجع للغرفة

..... فتح الباب وطلع جان شبه مـدنك توه مخلص تثبيت متوضي اسـتقام بوكفته

شام....وارث

ما اندار الي ضل مثبت نظره للأمام
شام....خلي احجي وياك الله يخليك بس انطيني فرصة ابـرر فعلتي
وارث....شنهو يتغير لون خليتج تبررين فعلتج راح ينمسح الاتصال من النقال
شام....ماا حجيت حرف يشهد الله عليه