b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بقلم.... المـيࢪزا بتـــول
@user80208178
من ࢪسـالة الحـقوق الى الإمام السجاد عليه السلام
وَأَمَّا حَقُّ رِجْلَيْكَ فَأَنْ لَا تَمْشِيَ بِهِمَا إِلى مَا لَا يَحِلُّ لَكَ
ولَا تَجْعَلَهَا مَطِيَّتَكَ فِي الطَّرِيقِ الْمُسْتَخِفَّةِ بِأَهْلِهَا فِيهَا
فَإِنَّهَا حَامِلَتُكَ وَسَالِكَةٌ بِكَ مَسْلَكَ الدِّينِ وَالسَّبْقِ لَكَ
وَلا قُوَّةَ إِلَّا بِاللَّهِ.
___
اذ التفاعل قوي على هذا البارت ينـزل بارت ثاني كيوت ولطيف الكم
شام
..كمت متحسره على حالي وحالتي بس لفت انتباهي شاشة تلفونه على الكومدي من اشتغلت
انهاء اتصال دست عليها بسرعة بـ اصبعي ووكفتها
احاول اتهجه الاسم لان بالانكليزي وبالله ياعلي رتبت الاحرف ونطقتها... بغدادي...
... يعني جان اكو اتصال مفتوح وهسه يله انغلق من الطرف الثاني والاسم مبين لبنيه
رجعت عيوني لميمون نايم ما حس بشي وعيوني بسرعة لالت بالدموع اجت رسالة واصبعي بعده عالشاشة قريتها من الاشعارات
ومن نفس الاسم مكتوب بيها.....؟
رجفت ايدي وما لكيت حل غير الانسحاب
انسحبت من الغرفة نزلت وكعدت عالبايات الدرج ما كدرت اكمل نزلتي والافكار تترادف على عقلي
ودموعي ماا جاي تنزل منو هاي معقولة نفسهاا البنيه الجان يريدهاا ويحبهاا بس هيه رااحت وهوه كال كدام عموو البنية تزوجت معقوولة رجعت
اي ترجع شاام ليش ما ترجع يمكن اطلكت ويمكن اترملت
ويمكن الادهئ من هذا كله يمكن هااي وحده جديدة عرفهاا بس لااا هوه ماا يحب النسووان وهم ماا يحبج هزيت راسي بضعف شلون ياربي
اني ليش ماا عندي حظي ليش منين ما ادور وجهي تجيني الصفكه عدل والسطره
.... وهسه شنو اسووي اواجة مستحيل اني من يصيح باسمي ارجف كدامه مستحيل اكدر اوكف بوجهة واحاسبة على شي هوه يسوي امه التعبانه بي وجايبته ومربيته ماا تكدر اله ااني اجي اكدر اله
هوه من عموو ماا يخـاف.... يجي يخاف من عندي اني الما الي كل قوة علي ولا حيل ولا سلطة
ميمون ياالله هذا الاسم شكدد يأذي گلبي ويوجعني سمعت باب غرفة انفتح وخطوات تمشي عمتي دخلت للمطبخ شربت ماس يمكن وبرجعتها انتبهت علي خلت ايدهاا عالصدرها كالت بصوت مرعوب وخايفه
....يمه ااسم لله الرحمن الرحيم سوور سليماان
شااام هاي انتي
شام....اي عمه اني
....شنوو عندج عمه فووك ليش كااعده على الدرج والدنيه ظلمه خوفتيني ولله
نزلت ولازمه بمحجر الدرج منزله راسي ما كدرت اباوعله احس شكو شخص يباوع بعيوني يعرف مصيبتي يدري شنوو بلائي ويقره ضعفي
لزمتني من ايدي التفتت الها والحمدلله الصاله ظلمه بيها بس ضوه الثرية وناعم ضواته ما يركز بالوجهة حيل
.....عمه شاام شبيج شنوو صعدتي يم ميمون
....اي عمه صعدت
....تعاركتوا شنوو
شام....لا عمه ابدد هوه اصلاً جان نايم ما حس من صعدت
... لعد شبيج حاالتج مو طبيعية
سحبت ايدي منها مخليتها على حلكي لا يطلع صووتي بجيتي هيه هم اخترعت المره سحبتني لغرفتي وسدت الباب ورانه فتحت ضوه الغرفة
واندارت عليه
