b𝓪𝓽𝓸𝓾𝓵 𝓪bb𝓪𝓼:
الم_احل_لك_بعد...؟
بارت ٢٥
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
(التكبر عين الحماقة)
دهنت جسمي كله وكعدت تحجر برجليه طلعتهن شحم من اباوع لاديه شوو هاي الخبطه يبست ومثل تگشرت على الجسم
مليكه...يمه هااي يبست
بهيه...اطيني صبر ولج خل احطن زيت عالليفه واكشره
مليكه...شو هاي الليفه سووده
بهيه...اي هاي اشتريتها من العطار جديدة يكول مالت حمام مغربي
زلغتني زلغه معدله ومن اكلهاا كاافي مليت تلطمني عالحلكي ما ترضه افج حلجي بحجاايه
طلعت من الحمام ميته من التعــب ومهدور دمي من وراه امي وسوالفها نزلت جوه لافه راسي بخاولي جبير عبن مامش واحد بالبيت بس النساوين
اتمشه بأمان لله وانردمت بواحد صااح بعلو حسه
عگاب...خاااب وثوول شجااج ماا تكليلي
عميتي خوو ما عميتي
مليكه....هاا
عاين اليه وهز ايده ما مقتنع بيه كمل طريجه فووك ويتسابگ وي الهوئ مستعجل مدري عليش
خليت وفتت لحجرتي نشفت شعري بخاولي ثاني وانطرحت على ظهري صافنه بالسكن
صارت صدك يملكيه وراح تصيرين حرمه عگاب الما يريد يطل بجهرتج ولا يشوفج يو مريتي حذاه شون اعيشن وياه وهو ما يريدني واخاافنه بعده علـ عشگه القديم وما ناسي
فاتت امي للحجره كالت
بهيه....مليكه نشفتي شعرج
مليكه...اي يمه
بهيه... چاا خوش كومي لبسي بساعج حتى ترحين للصالون
مليكه...ياا صاالون يمه انووب
بهيه...وولج هم يالله نرردد گبل المغررب خاطر تبدي حنتج بسااعج يمه ما طوول عگاب هنانه يوصلنه
مليكـه... ياا وانوب عگاب يوصلنه شنهي يمه مامش غيره
بهيه...ماامش واحد غيره من لوولد كلهاا ملتهيه كومي بساعج حتى نروح
كمت اجر بروحي جر خايبه وخايفه ومجبوره على كلشي يصير هساعة و راح يصير لبست الشال والعباية رديت عالمشاية لبستها وكعدت اعاين لـ امي تلبس بالبوشية مالتها عدلتها وخلت العباية عالراسها وطلعنه سويه لكينه عگاب جااعد بالهول كاض تلفونه
عاين النا كام وكال
عگاب....عمه بس انتي تمشين وياها
بهيه.... اي عمه بس انه وتالي تلحكنه عمتك كريمه
هز راسه عدل الجراويه عالراسه ومشه كدامنه طلعنه للكراج سيارته مشتغلة
صعدت وراه وامي جدام بصفه طلع بينا لووين ما وصلنا للصالون اندار لـ امي
عگاب...عمه لا تخلينهن يصبغن بوجها جثيـرر ويتملعبن بكيفهن عينج عليهن
بهيه....غيرر عروس عمه شنهي سالفتك
هز راسه وما رد عليها
عگاب...بيش الساعة اردن عليكم
بهيه...احنا نخاابر عليك
... نزلت من السيارة فجت الباب وسحبتني من ايدي والدرب كله علما وصلنه لباب الصالون تحجِ على عگاب عبنه گالب وجه وموش وجه عريس طبينه للصالون وبساع اشتغلني وانه حرف ماا طالع مني ولا فجيت حلـجي بحجاايه وحده منهن اجر بشعري والثانية اطبطب على وجهي
