b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
بارت ٣٤
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
( الشكر اعظم قدرا من المعروف لان الشكر يبقى والمعروف يفنى)
طبيت لحجـرتي والدموع تتجـاره وتحرك بخدي حرگ حطيت السنارات وكعدت احـوگ من حركه گلبي ما اليه غير وسيلة والله شوووي واسمع طبه على الگـاع قوويه فززيت على طولي وذبيت السنارات من اديه ركضت ليبره الحجره
... واعاين طرف دشداشة امي بالگاع مبين من باب المطبخ ركضت بسااعة ركضة خـوف وادعي الله كون ماا بيها شي هيه خطوتين بس صارت سنتين عليه اريد رجليه توصلني وتعيني حتى اوصلل للمطبخ ما كدرت طحت مرتين ووكفت على حيلي زحفت للمطبخ كووه على روحي وصلت يمها ولكاها مجفيه على وجهها وطايحه والدم يطلع من عدهاا مدري منين
.....صـرخت وبغجت وبجيت ولطـمت فووك راسهاا ومامش حـس منها شووي ولنـي ااسمـع صوت الباب ينـددك كمت اركض واتعثـر بثووبي بلكي ولجـن خوالي ردو وما مشوا للزياارة فجيت الباب مفـرعة بطرك ثووبي والدموع تتناثر منا ومـنا شفتها خالتي ام عگاب من شاافت حالي هجي لطمت وجهاا
ام عگاب....يمااا صخااام وجهي شماالج وولج نجله
شهكت وكعدت على رگب رجليه ما اليه حيل لا احج ولا اوكف عالطولي
ام عگاب....خااايبه احجي شماالجج تخورستي يااهز ويااج يمصخمه يااهو فاايت عليج
نجله.....خااله اامي
ام عگاب....شاالمها وولج شجاهاا احجي تخوورستي كوون
نجله....ماااتت خااله امي رااحت بوراه ابـووي
.... بغجـتت ومشت تركض وتلهث ما اله حيل للركض وانه بنفس كعدتي گبال باب الحووش واسمع صووت زلمه طب يركض بوراهاا من عاين اليه بدون شيله
طبك البااب وفااات يركض بـ وراه خالتي ضليت كلشي ماا اسمع بس صريخ خاالتي واسمع دك عالباب الدار وانه بنفسي كعدتي لا بيه اوكف لا بيه احجي لا بيه اركض لا بيه اصيح تجـمدت بمـجـاني
....شووي واشوفنه نفس الزلمه يركض شاايل امه ومغطيهاا بعباه سووده
وخالتي تركض وراه شاايل نعالاتها بيدهاا ما بيها حتى دنـج تلبسهن ركضت جدام منه تفج الباب اله وصااحت بيه
ام عگاب....وولج كومي فززي عله حيلج حطي عالرااسج شيله تفرهدد حيل امج وولج فززي
نجله....خااله انهبت امي راحت مووش عليج بروح ابووج امي رااحت
فاارس....ضلي يمهاا يمااا انه ارد عليج
.... فج الباب واسمع الناس تنشده وهوو يركض ويصيح والشايلها جنهاا طيره بيده كل ثگل ما الها
رااح واخذ روحي ويااه حطيت راسي عالكـاع الحاره تجوي جوي صبابه والشمس اطك بـراسي والدنيه ظلمت بعيني كلشي ما اشوفن ولا اسمع
....ما وعيـت عله روحي بس انه محطوطة بالصاله وبحضن خالتي ونسااوين جوراين النه ملتمات واسمع اصواتهن جن مكينه توشوش كلشي ما افرزن من عده نفسي كووه ينجر شي مجوجب عله گلبي
لووين ما مره اندرات عليه وحجت وي خالتي
