الم_احل_لك_بعد...؟
بارت ٢٤
بقلم.... المـيࢪزا بتـــول
@user80208178
.......
خلص غسل المواعين وتوجهة دخل للصحيات
وراه شويه طلع ودخل لغرفته وسد الباب
كعدت بصاله مقابله التلفزيون وهو طافي
هذا منين اجه الكائن الغريب المريح
... ابتسمت وهزيت ايدي نشووف شـ وراه هاي الراحة
ما جان الي واهس للتلفزيون دخلت للغرفة ذبيت الشال والجبه ونمت عالجرباية وغفيت وعبالك اعوض ايام الفاتت وانه ما نايمة بيهن
للـيل وجــان افـز من نومتي فزت مووت على كابوس يخووف مرعب حيل غمضت عيوني واتذكر نفسي شلون جنت بالكابوس
....لابسه البدلة البيضة مالت العرس
وفرحانة واصفك ناس هوواي وضجة وما اعرف احد بيهم لكن اعرف نفسي عروس ولازم افرح واركص
فجاة وبدون سابق انذار بدلتي البيضة نزفت دم
وانصبغت بالون الدم حسيت شي ثكيل انحاط على جتافي انداريت شفت واحد وجهة ما مفهموم الي شفته وجهة لكن ما جاي اتذكره بالواقع منـوو؟؟
... لكيته مخلي عليه عبايه رجالية سودة مطرزة بذهبي ثكلت اجتافي حيل وعيوني على بدلتي التنزف دم ما التفتت لـ اي شي
.... المننظر جان مرعب كلش كمت و طلعت من الغرفة احس نفسي حتى عركانة وفحطانة حيل واسمع صوت الاذان يأذن للمغرب دخلت للمغسلة غسلت وكملت واستندت بظهري للحايط كعدت مكنبصه على نفسي وخايفة منظر دم براسي ما قابل يروح وكأنما صاير حقيقي يعرض كدام عيوني
وصوت صفير بأذني ما جاي يختفي ولا يروح شوي وبديت استوعب صوت يخترق مسامعي صوت من واقعي
جان
وارث....شاام شماالج خيررج
التفتت علي لابس دشداشة بيضة وعطره تارس البيت شكله جان طالع لو متحضر لطلعة رجع عاد السؤال وانه گلي مركزة بي احااول اطرد منظر الدم من عيوني وامليهن بشوفته
وارث....شمالج مو احجِ وياج
لم اطراف دشداشتة وكومني بيده كال وهوه يتفحص وجهي
انتي جنتي ناايمة
شام....اي
وارث....خوش حجي وفزيتي موو
شام....اي
وارث...خير ان شاءلله انتي اصلين يو لا
شام....اي اصلي
وارث....چاا توضي و صلي الاذان اذن وگضه وحصني نفسج گبل لا تنامين بعدد بسورة الكرسي
والمعوذات واتذكري ااكبر مشكلة عددج تنحل بمجرد ما تمدين مصلايتج وتكولين
اللهُ اكبر
هزيت راسي بـ ايي وهو طلع عني توضيت ونزلت دموعي اختلطت وي الماي من اتذكرت نفسي صارلي شكد هاملة صلاتي ودعائي
______________________ملــيكه
عگاب....تنـامين بحجره عمتي يو وصلنه بعد مامش عدج عذرر
مليكه....اي
.... وصلنه كـربله وااخ يا ريحه كربله وهوه كربله
تنفست براحة بس نزلت من السيارة وجن همومي عله گلبي اخذونه بساعة للفندق خاطر ننزل نزور
واحنه تعبانين بيهاا اجر اكثر
