[The Wrongful Desire] រដូវកាលទី២

ភាគ១២:រកឃើញហើយ?

រសៀលបន្តិចសុកជីន ម៉ូណេតក៏បានធ្វើដំណើរមកសួរសុខទុក្ខព្រមជាមួយអំណោយសម្រាប់ថេយ៉ុងនិងឃេនឌ្រីកផង

"អរគុណលោកម៉ូណេតហើយដែលបានមកសួរសុខទុក្ខនៅមានអំណោយមកថែមទៀត"ថេយ៉ុងញញឹមអរគុណទៅកាន់សុកជីនដែលឈរនៅក្បែរគ្រែសម្រាករបស់គេដោយមានជុងហ្គុកនៅយកអំណោយរប​ស់សុកជីនមុននេះយកទៅទុកលើសាឡុងសិន

"ហៅខ្ញុំសុកជីនធម្មតាក៏បានដែរម្ចាស់តូច"សុកជីនញញឹមយ៉ាងស្រស់ដាក់ថេយ៉ុងព្រមទាំងអាល្អិតដែលសង្ងំគេងក្នុងដៃរបស់នាយតូចផង

"ម៉េចនឹងអាចនោះ មើលទៅលោកក៏មានអាយុបងខ្ញុំដែរ...ខ្ញុំហៅថាបងប្រុសចុះហើយបងអាចហៅខ្ញុំថាថេយ៉ុងធម្មតាក៏បាន"សុកជីនងក់ក្បាល់យល់ព្រមលើកដៃចុចថ្ពាល់ឃេនឌ្រីកលេងតិចៗ

"តើមាននរណាមកសួរសុខទុក្ខឬនៅ?ឬមួយខ្ញុំជាអ្នកមកលេងឃេនឌ្រីកដំបូង?"

"លោកប៉ានិងអ្នកមីងបានមកមើលកាលពីព្រឹកដែរ ទើបតែចេញទៅមុនបងប្រុសមកដល់តែកន្លះម៉ោងប៉ុណ្ណោះ"ថេយ៉ុងនិយាយប្រាប់ដោយមានជុងហ្គុកបន្តមកពីក្រោយផង

"ចេញថើបចូលថើប ស្ទើរតែចង់យកឃេនឌ្រីកត្រលប់ទៅវិញជាមួយទៅហើយ"ថេយ៉ុងបែរមកក្តិចដើមដៃជុងហ្គុកចំណែកសុកជីនក៏ផ្ទុះសំណើចឡើងមកពេលលឺនាយនិយាយបង្អាប់ពីប៉ាក្មេកបែបនេះ

"ក្តិចបងធ្វើអី បងនិយាយការពិតទេតើ"

"បងហើយនិងប៉ាចេះតែយ៉ាងម៉េច ជួបគ្នាពេលណាក៏ចូលចិត្តរករឿងគាត់មិនហត់ទេឬ? "

"បើគាត់ស្រលាញ់ចៅប្រុសស្ទើរតែចង់យកកូនទៅពិតមែនមិនអោយបងនិយាយ"គេនៅខំតវ៉ាទាំងដែលសុកជីនឯណេះសើចឡើងចង់ចុកពោះទៅហើយ មិននឹកស្មានថានឹងបានឃើញផ្នែកនេះចេញពីស្ទេស៏ហ្វតសោះលើកទីមួយហើយ

"បងអាចបីគេបានដែរទេ?"ថេយ៉ុងញញឹមបន្តិចទើបហុចឃេនឌ្រីកអោយសុកជីនបានបីលេងនិងមើលមុខគេច្បាស់

"ក្នាញ់ដល់ហើយ!"សុកជីនបីឃេនឌ្រីកដើរទៅមកមើលទៅទំនងជាស្រលាញ់អាល្អិតនេះដល់ហើយ

"មិននឹកស្មានថាអ្នកទាំងពីរអាចបង្កើតបានកូនគួរអោយស្រលាញ់បែបនេះទេគួរអោយច្រណែនណាស់"