[The Wrongful Desire] រដូវកាលទី២

ភាគ១៤:មិនមែនបែបនោះទេ...

សំណួរដែលលឺចេញពីមាត់របស់ថេយ៉ុងអោយជុងហ្គុកហាក់ធ្មឹងបន្តិច ចង់ទាមទារការសួរបញ្ជាក់ព្រោះខ្លាចថាមុននេះគេស្តាប់ច្រលំ

"តើអូននិយាយអី?"

"ក្នុងបន្ទប់ធ្វើការរបស់បងពេលដែលបងនិយាយជាមួយបងប្រុសសុកជីន....អូនបានលឺជុងហ្គុក តើនេះមែនដែរទេជាអ្វីដែលបងព្យាយាមលាក់បាំងអូនមករហូត?"ថេយ៉ុងសួរទាំងទឹកមុខស្ងប់ស្មើរ តែបេះដូងគេលោតញាប់អស់ទៅហើយគេដឹងតាំងតែពីព្រឹកតែដែលមិនឡូឡារករឿង ព្រមស្ងាត់មិនមាត់ទល់ពេលនេះក៏ព្រោះតែគេចង់មកនិយាយតទល់នឹងស្វាមីតែពីរនាក់សួរបញ្ជាក់ថាអ្វីដែលខ្លួនបានលឺវាការពិតមែនដែរទេ? ជុងហ្គុកស្វាមីដ៏ល្អរបស់គេពិតជាបានលើកដៃសម្លាប់លោកតាខ្លួនឯងបានយ៉ាងឈាមត្រជាក់ពិតមែនឬ?

"បានលឺអ្វីខ្លះ?"

"គ្រប់យ៉ាង! លឺបងទទួលស្គាល់ថាសម្លាប់លោកតាខ្លួនឯងហើយក៏លឺថាបងមិនដែលស្តាយក្រោយសូម្បីតែបន្តិចដែលសម្លាប់គាត់"

"...."ពេកគេស្ងាត់ចិត្តថេយ៉ុងកាន់តែមិនស្ងប់ គេសម្លឹងជ្រៅចូលទៅកាន់ភ្នែករបស់ជុងហ្គុកដែលពេលនេះក៏មើលមកគេហាក់ចង់បកស្រាយមកកាន់ខ្លួនដូចគ្នា

"បងគ្មានចេតនាចង់លាក់អូន...បងគ្រាន់តែ-"

"អូនគ្រាន់តែចង់លឺវាចេញពីមាត់បងម្តងទៀតជុងហ្គុក! "ថេយ៉ុងនិយាយកាត់អោយនាយត្រូវស្ងាត់សិន

"បងជាអ្នកសម្លាប់លោកតាបងមែនទេជុងហ្គុក?"ថេយ៉ុងសួរម្តងទៀតខណ:ពេលដែលទប់ទឹកភ្នែកកុំទាន់អោយហូរក្នុងចិត្តបន់ស្រន់អោយជុងហ្គុកប្រកែកជាមួយគេថាវាមិនពិត ហើយគេគ្រាន់តែស្តាប់ច្រលំ

"ថេយ៏..."ជុងហ្គុកព្យាយាមចូលមកចាប់កាន់ដៃភរិយាតែបែរជាត្រូវថេយ៉ុងរលាស់ចេញមិនអោយគេប៉ះ

"អូនសួរថាបងសម្លាប់គាត់មែនទេជុងហ្គុក!!បងសម្លាប់តាខ្លួនឯងអញ្ចឹងមែនទេ?"គេតម្លើងសម្លេងបន្តិចតែមិនអោយលឺពេកនោះឡើយ ហើយពេលដែលជុងហ្គុកឃើញថារឿងវាដល់ដំណាក់កាលនេះហើយវាក៏គ្មានប្រយោជន៏អីដែលត្រូវលាក់ទៀតដែរ

"មែន!!បងជាអ្នកធ្វើ!! "ចម្លើយគេអោយអ្នកស្តាប់ត្រូវអស់សំណើចទាំងទឹកភ្នែកបែរមកចាប់លើកបីទារកទើបនឹងកើតមកកាន់បម្រុងនឹងដើរចាកចេញ