اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-يعني حتى الورده محلتش الموضوع يا نجمه؟ -لو سمحت متتكلمش معايا يا كريم. -إنتِ عمرك ما كنتِ كده؟ فين نجمه المتسامحه اللي... ابتلع باقي كلماته حين سحبت يدها من يده، وابتعدت عنه، فقبض يده وزفر ضاحكًا بسخرية، وهو يقول: -اتغيرتِ أوي يا نجمه...
قطب جبينه واعتدل في جلسته ثم مسح وجهه ليكظم غيظه ويهدأ، ثم عاتبها: -يعني تسامحي أسماء اللي متستاهلش إنك تسامحيها وأنا... أنا جوزك وإيمان صديقتك اللي كنتِ بتقولي دي شبهي يا كريم وبتمدحي فيها ليل ونهار مش قادره تسامحيها؟!
-أنا عمري ما قلت إني سامحت أسماء، فيه فرق بين إني سكتت عنها وسامحتها. قالتها وأشاحت وجهها للجهة الأخرى وخيم عليهما الصمت بينما كان هو يتأملها بهدوء، ثم خلع رداء الصمت بقوله: -تسمحيلي أقولك إنك غلطانه... إنتِ محتاجه تراجعي نفسك يا نجمه... معقوله أنا موحشتكيش؟!
لم تعقب ولم تلتفت له، فاستطرد: -طيب هتفضلي قاعده عند أهلك وزعلانه مني لإمته يا نجمه؟
تنفست بعمق ثم زفرت في هدوء وقالت: -قوم امشي يا كريم أنا معنديش كلام أقوله دلوقتي... سيبني أنا فعلًا محتاجه أراجع نفسي زي ما إنت قولت.
قالتها بجمود، فنهض كريم واقفًا وقال: -وأنا مش هجيلك تاني يا نجمه، لما ترجعي نجمه اللي أعرفها ابقي كلميني...
يأس منها ونفذت قدرته على المثابرة والمحايله، طريقتها وتغيرها المباغت أرهقه! فلم تكن هكذا يومًا...
رشقها بنظرة مطولة، تشع بالحنين والأسى، فرفعت رأسها تطالعه بأعين حزينة ومرهقة، وتزامن ذلك مع دخول والدتها للغرفة وهي تتحدث عبر الهاتف، بقولها: -ماشي هقولها حاضر يا حاتم.
انتبها بعد نطقها اسم «حاتم»، حتى قالت والدتها بلهفة: -دا حاتم ابن خالك بيقولك إيمان لسه خارجه من العمليات وعايزه تشوفك.
اتسعت حدقتي نجمة وانتفضت واقفة وهي تقول بقلق ولهفة: -عمليات ايه؟! دا كتب كتابها كان النهارده.
قالت والدتها: -مش عارفه بس هو قالي عنوان المستشفى إن كنتِ هتروحيلها. -أكيد هتروحلها. قالها كريم، فقالت نجمه: -لأ.... برقت عينا نجمه بالدموع ولم تطلق عنانها، نظرت لكريم، ثم جلست مجددًا وأطرقت، ففهم كريم أنها لن تذهب، انحرفت زاوية فمه في سخرية، ونظر لعمته قائلًا: -طيب أستأذن أنا يا عمتو.
نظرت والدتها لها وقالت: -وإنتِ مش هتمشي مع جوزك ليه؟!
صمتت نجمه، والتفت كريم يُطالعها لبرهة ثم تنهد بحسرة وهم أن ينصرف، لولا قول والدتها بانفعال: -استنى يا كريم إنت مش هتمشي من غيرها... أنا ساكته وبقول خليها على راحتها طلما مش عايزاني أتدخل بينكم ومقالتش حاجه... بس كفايه لحد كده! قومي يامه امشي مع جوزك وطلما مش عايزه تطلعي أسراركم وتحكيلي مشكتلكم يبقي حلوها في بيتكم... يلا يا حلوه من غير مطرود بقالك أكتر من إسبوع منورانا.
-إيه يا ماما! مفيش مشاكل بيننا إنتوا واحشني وقاعده معاكم... و... وبعدين البنت نايمه مش هعرف أمشي النهارده.
-ملكيش دعوه بالبنت وقومي روحي لصاحبتك اللي طلبتك ومبترديش عليها.
صمتت نجمه وهي تُطالع نقطة وهمية بالفراغ، فهدرت بها والدتها: -قـــــــــومي اتــــحــــركــــي.
