🥀 អ្នកប្រមាញ់ 🔥

ភាគទី : 09 » [ ប្អូនលោកក៏មិនខុសពីខ្ញុំ ]
TaeKook Yoonmin
_____________
«ហ្ហើស! អ្នកដឹកនាំ គឺ!បាត់អ្នកប្រុសតូចហើយ ខ្ញុំរកពេញបន្ទប់មិនឃើញសោះ» ជេកយ៉ុងប្រញាប់រត់ត្រហេបត្រហបមកប្រាប់ដំណឹងដល់យ៉ុនហ្គីពីការបាត់ខ្លួនរបស់ថេយ៉ុង
«ចង្រៃយ៎! មិចក៏យាមកាមមិនបានល្អ!» យ៉ុនហ្គីទាត់តុប៉ើងទៅចំជេកយ៉ុងដួលផ្ញាកក្រោយ កំហឹងដែលចេញពីក្នុងខ្លួននាយឆេះឈួលដល់ថ្នាក់មិនបែងចែកថាប្អូនខ្លួនរពឹសដូចស្វាអ្នកណាទៅយាមជាប់
«អ្ហើស...អ្នកដឹកនាំ ខ្ញុំនឹងនាំបរិវារទៅតាមរកភ្លាម» ទោះបីជារងមួយតុដួលបះជើងច្រងាប់ច្រងឹលហើយក៏នាយអង្គរក្សនៅតែងើបមកស្នើរខ្លួនតាមរកថេយ៉ុងទៀតដែរ យ៉ាងណាវាជាកំហុសដែលមិនអាចការពារ ចៅហ្វាយរបស់ខ្លួនបានល្អសមនឹងត្រូវបែបហ្នឹងឯង
«ជុងហ្គុក ស្ទេលឡា! ប្រាកដជាវា បើប្អូនយើងកើតអី យើងមិនលើកលែងឲ្យវាជាដាច់ខាត» យ៉ុនហ្គីហក់ចេញតាមបង្អួចដោយមិនរងចាំឲ្យបរិវារម្នាក់ណាទៅតាម ទេ នាយដឹងជាងអ្នកណាទាំងអស់ថាការបាត់ខ្លួននេះមុខជាពាក់ព័ន្ធនឹងស្ទេលឡាប្រាកដណាស់
«អ្នកដឹកនាំ ហ្ហើយ!» ជេកយ៉ុងបម្រុងនឹងហក់ចេញទៅតាម តែឆ្មាខ្មៅក៏ចេញមកមុន
«បណ្ដោយគេទៅ» ឆ្មាខ្មៅ
«គាត់អាចមានគ្រោះថ្នាក់» ជេកយ៉ុង
«ស្ដេចបិសាចដូចគេមិនងាយមានគ្រោះថ្នាក់អ្វីទេ បើគេប្រើខួរក្បាលនិងល្បិចមក ដោះស្រាយបញ្ហាជាប្រើកម្លាំង គេប្រាកដជាឈ្នះ» ឆ្មាខ្មៅហក់ទៅឈរលើបង្អួចមើលទៅខាងក្រៅ
«អ្នកប្រុសតូចរបស់ខ្ញុំកំពុងតែមានគ្រោះថ្នាក់មែនទេ?» ជេកយ៉ុងលើកដៃជ្រោងសក់ម៉ួម្មងក្នុងទ្រូង
«គេជាក្មេងដែលក្លាហាននិងល្បិចច្រើន គ្រោះលើកនេះអាចឲ្យគេដឹងថាពិភពលោកខាងក្រៅមិនមែនទន់ភ្លន់ស្រស់ស្រាយ ហើយក៏មិនមែនអន់ខ្សោយជាង យើងដែរ» ឆ្មាខ្មៅ
«គាត់គ្រាន់តែជាក្មេងដែលមិនទាន់យល់ពីអ្វីទៅហៅថាសម្លាប់ដើម្បីអំណាច អញ្ចឹងហើយទើបអ្នកដឹកនាំមិនឲ្យគាត់លូកដៃក្នុងកិច្ចការនីមួយៗ» នាយអង្គរក្សដើរទៅដល់មាត់ទ្វារងាកមើលឆ្មាខ្មៅបន្តិចមុននឹងបិទទ្វារ
«អ្នកណាទៅហាមព្រហ្មលិខិតបានទៅ»
________
#បន្ទប់ឃុំឃាំងអ្នកទោសពិសេស