WHEN DESTINY PLAYS - COMPLETED 2017

Destiny 3

MAG-IISANG oras na yata silang tahimik ni Hanzel sa kinauupuan nila. Wala pa namang ginagawang masama ang mga lalaki sa mga pasahero. Kinuha lang ng lima ang mga gamit nila kanina na ngayon tinitignan na nang lalaking may malaking tattoo sa braso na may desinyong demonyo.

'Yong isang kalbo na lalaki nakatutok ang baril sa driver.

"Ang boring!" sigaw ng may habang buhok na lalaki na sa tingin niya ay ang leader ng lima. Itinukod nito ang isang paa sa isang upuan at paulit-ulit na pinalo-palo sa isang kamay ang dalang baseball bat na may kalumaan na. "Wala bang lalaban sa inyo diyan? Ang duduwag nyong lahat!" sigaw nito.

Umalingaw-ngaw ang iyang ng isang bata.

"Ano ba?!" humakbang ito sa likod at itinuon ang dalang baseball bat sa dalawang taong batang babae na iyak ng iyak. Pilit itong pinapatahan ng nanay nito. "Kapag 'di ka tumigil uunahin na kita! Tumigil ka na! Peste!" singhal nito sa bata.

"A-Anak... tahan na..." alo ng ina.

Naiangat ni Gail ang tingin kay Hanzel na tahimik parin sa tabi niya.

"H-Hanzel..." bulong niya.

"It'll be alright."

Hindi alam ni Gail kung paanong napapanatili ni Hanzel na maging kalmado sa kabila nang nangyayari sa kanila. Kung wala ito ay baka namatay na siya sa takot. Itinuon niya na lang ang sarili sa pagdadasal ng lihim. Lord, sana huwag n'yo po kaming pababayaan. Nagmamakaawa po ako. Bumalik sa isip niya ang mukha ng mga kapatid niya. Pati ang ama. Paano pa siya makakabawi sa mga ito kung mawawala na siya?

Nanikip ang dibdib niya kasabay nun ang pagbabanta ng mga luha sa kanyang mga mata. Kailangan niyang lakasan ang loob. Walang mangyayari sa kanila. May awa ang Diyos.

"Teka! Teka!," bigla ay naiangat ni Gail ang tingin nang mag-salita ulit ang lalaki. Nanlaki ang mga mata niya nang maglakad ito palapit sa kanila. Dumikit siya kay Hanzel. Humigpit naman ang pagkakahawak ng kamay nito sa kanya. "Tignan mo nga naman!"

"Ano 'yon boss?" sumunod ang isa nitong kasama. May nakakalokong ngiti itong naglalaro sa mukha. Natakot siya. Puno ng peklat ang mukha nito. "Oy! May mga lubsberds pala tayo dito eh!" Humalakhak ito.

Kinalibutan si Gail sa uri ng tingin na ibinibigay nito sa kanya. Parang may kung ano itong gagawin sa kanya. Lumakas ang tibok ng puso niya.

"Ang cute naman ng 'sang 'to." Sumiksik siyang lalo kay Hanzel. Pilit niyang iniwas ang mukha nang akmang hahawakan nito ang mukha niya. Napakapit siya sa braso ni Hanzel. "Nakakatuwang paglaruan ang 'sang 'to." Binasa nito ang labi gamit ng dila nito. Napapikit siya sobrang asiwa niya sa ginawa nito. Iba talaga ang ibig sabihin nun sa kanya.

"Kunin n'yo na lahat ng gamit namin. Huwag n'yo lang saktan ang girlfriend ko." Mahinahon na pagmamakaawa ni Hanzel.

"Wow naman! Ang sweyt ah!" komento nang nasa likod.

"Alam mo magandang ideya 'yan," tumatango ang lalaking may mahaba ang buhok. "Dahil diyan may naisip akong ibang gagawin!" napasinghap si Gail nang bigla siyang hilahin sa balikat ng lalaki.

Napatayo si Hanzel. "Grethel!"

Tumawa ng malakas ang may mahabang buhok. Naipikit ni Gail ang mata nang ibigay siya nito sa lalaking may peklat. Akmang lalayo siya nang mahawakan siya nito.

"Hanzel!" tili niya.

"Keep your arms away from her!" sigaw ni Hanzel.

Naiiyak na siya. Natatakot siya sa tawa ng mga ito. Anong gagawin nito sa kanya?