WHEN DESTINY PLAYS - COMPLETED 2017

Destiny 2

"OH lalarga na! Lalarga na!"

Mabilis ang mga hakbang ni Gail papunta sa lalaki na nasa ibaba pa ng pinto ng bus. May kabigatan rin ang malaking bag na dala niya kaya medyo nahihirap siya. Hindi yata kaya ng bigat ng dala niya ang height niya. Hindi naman kasi siya katangkaran. Madalas siyang pagkamalang high school sa edad niyang bente.

"Kuya sandali!" sigaw niya habang tumatakbo palapit rito.

"Halika na! Lalarga na tayo."

Huminto siya sa harap nito. Napahawak siya sa dalawang binti while catching her breath. Inangat niya ang mukha sa lalaki na kamukha ng komediyante na si Pooh. Kaso nga lang ang kaboses nito si Manny Pacquiao.

"K-Kuya!"

"Sasakay ka ba?"

"Saan po ba 'yan papunta?"

"Sa lungsod."

"Saan sa lungsod?"

"Sa Cebu proper, 'yong may tindihan ng Dunkin Donuts, ano, sasakay ka ba? Ang dami mong tanong eh. Lalarga na kami."

"Ah... eh, sige po, sasakay ako."

"Akin na gamit mo."

"Naku huwag na po! Dadalhin ko nalang."

"Sige, akyat ka na."

"Sige po!" may ngiting tumango siya kay kuyang mahilig mambara. Buti na lang mas matangkad siya ng slight rito. "Ah Kuy-" hindi na niya natuloy ang sasabihin nang bigla siyang unahan ng isang lalaki paakyat ng bus.

Naikuyom niya ang mga kamay sa inis. Hayun, at nag-meet tuloy ang mukha niya sa katawan ng bus nang walang bahas man lang na daanan siya nito. Masakit dahil randam na randam parin niya ang impact nun sa mukha niya.

Walang siyang nagawa kung 'di paningkitan ng mga mata ang walangyang lalaki na walang manners habang sinusundan ito ng tingin mula sa bintana. Mukha lang itong artista pero ang pangit naman ng ugali.

"Pucha 'yon ah!"

"Mamaya na 'yan sumakay ka na," pinilit siya ni kuyang konduktor na umakyat na sa bus. Wala siyang nagawa nang itulak na siya ng konduktor paakyat sa bus. "Kastiguhin mo na 'yon sa taas."

Pag-akyat niya naman halos wala ng bakanteng upuan. Maliban nalang doon sa may likuran kung saan naka-upo ang lalaking lumapastangan sa kanyang mukha. Patay ka saken ngayon. Mahigpit na niyakap niya ang malaking bag na dala bago naglakad sa isle papunta sa bakanteng upuan sa tabi ng lalaking naka-all black attire at naka-sunglasses pa.

Pabagsak na naupo siya sa tabi nito. Napansin pa niya ang pagkislot ng mukha ng lalaki sa kanya. Lihim siyang napangiti. Buti nga rito. Wala akong pakialam sa black leather jacket mo kuya basta may kasalanan ka saken kanina! Naglikot-likot pa siya para lang asarin ang lalaki. Sinadya niyang natatamaan ito ng bag niya.

"Aish," he hissed.

Binalingan siya nang lalaki. Ibinaba nito ang suot na sunglasses hanggang sa bridge lang ng ilong nito. Napakurap-kurap siya ng walang sa oras. Aba'y gwapo talaga ito. Grethel Gail behave! May kasalanan 'yan sayo. Gail shook her head in her mind. Pinalis niya ang idea na 'yon sa utak.

"What's your problem?"

Napamaang siya. At in-Ingles pa siya ng hudyo. Anong akala nito sa kanya mang-mang? Kahit papaano ay nakapag-tapos rin siya ng high school.