الهوس

PART 39

INSTA: MALAK_ATHMANI1
____________________________________

علات عينيها لعندو كتشوف فيه هكاك غادي وظهرو باين عليه الصباغة حمرة مزوقة داك الشوميز البيضاء لي لابسها داخل بيها لدريسينغ وصوت سباطو وهو كايتمشا كان مسموع فحال قهقهات ديالو ..

غير شاافتوو كحلات بالعما وقالت هادي اللخرة ليها وهو عزاز عليه حوايجو.. زادت كتمشاا لعندو زاربة حتا وصلا للباب د الدريسينغ كتشوف فيه كي يحايد فيها هكاك ويفتح الصدايف اللولين د الشوميز عاطيها بظهرو وعينو على المرايا قبالتو كان قادر يشوفها واقفة وراه منها..

تبسمات وقربات لعندوو كتبلع فريقها وتحاول تدير را ماكاين واالو حتا وصلات لعندوو ووقفات قبالتوو نيشان ومن قصرها كان قادر يشوف ظهرها لي باين منالفوق بسباب الكسوة لي لابسة مبينة حتا مفاتنها ومزيرة على خصرها حتا تطلقات من الجهة د مؤخرتها وبقات نازلة مع عينيه حتا لفخضها وحبساات ..

كانو عينو حابسين عند فخاضها كيف سميمرين و لحمها هكاك مشرگ بفتحات صغار عاد حول انظاروو لعينيها حاا تزعزعات من بلاصتها بالهيبة الخارجة منوو ومن ديك النذبة لي على عينيه.. ماكيخلعهاش هو قد ما كتخلعهاا هي ..

النذبة كانت زايداه هيبة راسها، مخرجة منها كمية شر غريبة وقوية .. عاطياه طاقة شرانِية زايدة على لي هاز فقلبوو ..الطريقة باش قاسمة ليه عينيه وكون شوية كانت غاتكون عينو فخبر كاان.. كانت عاطية لعينو واحد التقويسة وواحد النظرة من نوع اخر ..

طلعات يديها مع صدروو وحطاتهم فوق الشوميز مكملاها ليه كتفك فصديفاتها وعينيها على صدرو لي بدا كي يبان والزغيبات الخفاف لي باينين عليه.. كانت أول مرة تقدر تركز فلحمو كيف داير ..

بقات شوية بشوية كتزيد تفتح الصدايف حتا تحلات كاملة وهو غير واقف متبع حركات يديها وعينيها محاول يفهم هاد الحركة لي دارت دابا والصمت كان طاغي على المكان حتا كسراتو بكلامها..

ڤاليـريا: كيفاش غير هاديك المرة مبيتني مع نمر ودابا شاري ليا طوموبيل كاملة

تبسم جنب من هضرتها بلا ماتلاحظ ديك البسمة بكثرة نا كانت خفيفة وماباينااش .. حط يدوو فوق شعرها مبعد خصلاتو اللولين من على عينيها وهي كتشوف غير فصدرو حانية عينيها ليه متجنبة ان عينيها يتلاقاو بعينيه..

أدلـر: كاعما كنتي هازة ولدي فكرشك.. [ حط يدو فوق ذقنهاا معلي راسهاا لعندو حتا تلاقاو عينيهم ] : اما دابا هازاه

تبسمات بلا ماتحس ويديها هكاك محطوطين فوق صدروو كتحسس فلحمو والزغيبات الخفاف على صدرو عاطين لجسدو جاذبية خاصة .. بقات كتضور عينيها على صدرو حتا وقفات عينيها عند الاثار د الرصاصة لي على كتفو هكاك مزال باين ومحيد ليها الفاصمة .. ووحدة على بلاصة قريبة من قلبو ..