الهوس

PART 52

INSTAGRAM : MALAK_ATHMANI1
-هَـاد المرة فالانسطا دايرة سطوري فيه تختارو حدث بغيتوه يكون فالقصة .. ولي عجبني الحدث ديالها وجاني عقلاني غانديرو ✨

____________________________________

#بـعـد_أسـبوع ✨

حطات الطيارة رساها فالاراضي الايطالية .. تحديدا فروما ..

كان خارج جار معاه الشانطة ديالو كل مرة كي يمد يدو راد شعرو للور وتحت عينو زرق بالعيا وقلة النعاس.. ماقادرش ينعس كي يشوفها فحلمو و صبحو وليلو.. وماقادرش يستوعب بلا ااها مشات ..

قبل لا يجي كان ديجا سالا شغالر فالمغرب .. سيفط لبضاعة د الحشيش لايطاليا ، وريگل حتا بلانو مع الروفيكس ..

وهو غادي بديك السورفيط الكحلة نايك دوريجين مع tn فرجليه راد شعرو للور جار الڤاليز لعند الشيفور لي كان كي يتسناه تما..

فديك الساعة كان ساهي ، عقلو غايب لعند ملاك كي يشوفها قبالتو فكل بلاصة ، ماقادرش ينساها واخا تلاقاها غا شوية ..

فعز سهوتو ، حس بشي حاجة خبطااتو خبطة هزاتو من فوق الارض وجابتو طايح على الارض مغيب فالبلاصة والد/م نازل ليه من فمووو حتا جا الشيفور كايجرييي والطوموبيل وقفاات فالبلاصة وتجمعوو النااس ..

الڤاليز فجهة و ايريكس فجهة خراا وعقلو مغيب فهاد اللحظة

.. من غير المرا لي نزلات من لوطو بالزربة من نوع ميرسيديس بديك الكسوة الكحلة الطويلة لي لابسة و طالون فالكحل وشعرها الاسود راداه للور كتمشا جارية لعندووو حتا ولات كالسة فوق الارض ومدات يديها لعندو كترعد كلها بالاخص فاش شافت الد/م عرفات القضية حامضة ..

صفـاء: شوف فيا اخويا ياك لاباس؟؟ .. [ ضربات ليه فوق خدودو ويديها كي يرجفو ] : شوف بقا معايا لومبيلونص فالطريق !!!!

كانت لكنتها الايطالية معكلة شوية ، مسرحة ولكن غير تسمعها غاتعرفها ناشي ايطالية باينة اجنبية ..

كاان كايشوف غا الضبابة قبالتو، مرة كترجع ليه الرؤية. شوية كي يولي فحال العما ماكي يبقا ليه والو.. الثقالة د عينيه باش كي يحلهم فهاد اللحظة كانت صعيبة ..

كان كي يتنهد تنهيدات خفاف وعينو على الجماعة لي واقفة على راسوو حتاا ضور راسو للمصدر ديال الصوت .. ليهااا ..

كان كي يشوفف فوجهها ويرجع يغمض عينوو متخايلهاا بصورتها.. بصورة ملاك وهي كتشوف فيه وتبتسم ليه ..

بلا مايشعر تبسم ليها ماد يدو بثقالة مطلعهم باش يحطهم على وجهها وفهااد اللحظة نيييت كان قلب وجهو للجهة لخرا مغيب ..

#الرومَــانوڤا

فبيروه كان گالس كي يحرك فرجلو منرفز رعينو على البيسي قبالتو .. كي يشوف واش كاين شي جديد وكاع الكاميرات ديال البلايص لي قراب من داك الجرف كيف هاد السيمانة دازت بنفس البلان..

كان حاط كوعو فوق البيرو كي يرد شعرو للور معصب ماقادرش يزيد ساعة خرا بلا بيها.. توحشها، توحش صوتها.. عينيها لي كي يحمقوه..

شعرها لي طوال بعدما حرقو ليها.. كلها.. توحش عـ/ـذابو ليها.. توحش حتا فاش كتشد معاه الضد وهي عارفاه غايعوقها..

حياتو كاملة وهو باغيها وماقادرش ينساها.. حبو ليها ماشي اي حب .. كان هوس .. هوس حقيقي ..

باغيها تكون ليه هو بوحدو وحتا شي ولد المرا مايهز فيها العين ولا يشوف فيها حتا نص شوفة .. باغي النفس لي تطلعو ماتطلعو حتا يقول ليها طلعيه..

باغي ديما يشوفها ضعيفة باش تبقا ديما تحتاجو وماتقدرش تبعد عليه .. كان ادلر هو المهووس لدرجة كبيرة لدرجة هوسو بيها خلاه يضيعها من بين يديه ...

مرضو بيها ولا مخليه ماقادرش يزيد يطول عيشتو بلا مايشوفها قدامو جامعها فيدو ..

غير تولي فيديه وديك الساعة يقدر يدير فيها مابغا .. اما فكرة انها تقدر تكون مع شي حد دابا محمقاه.. وحتا ايلا كانت ، غادي تكون حكمات على راسها وعلى لي معاها بالموت.

•اما عندها .. كانت قدام البحر كالسة جامعة رجليها لعندها وحاسة خدودها فوق ركباتها مضورة عينيها للبحر كتشوف فيه ..

كتشوف فالمواج كيف كايتضربو فبعضياتهم عاطين رنين زوين واصل ليها لعقلها داير ليها تنويم مغناطيسي .. عقلها معاه ماقادراش يمشي من بالها..

ماش يتوحشاتو، ولكن خايفاه يلقاها، خايفة تطيح فيدو ويدير فيها ما بغا عاود .. رخسها لدرجة ولا كارهة راسها...

وهي فعز سهوتها فدوك المواج والبرد خدام كايضرب فيها وفلحمها لي باين من ديك الكسوة لي لابسة من الحوايج لي جايب ليها غابريال ..

حسات بشي حاجة دافية تحطات ليها على كتفها.، كان نفسو غابرييال مغطيها بغطا مدفي ليها عضيماتها شوية و قربت كالس جنبها داير نفس الكلسة ديالها..

سيمانة كاملة دازت وهي ساكتة.. كتفيق كتخرج تكلس حدا البحر حتا كي يوصل لليل وكاتدخل تنعس .. ماسمعش صوتها وحتا هو ما ستاغلهاش .. حتارمها ودارها فمقام وحدة قريبة منو ..

بعد سكات طويل بيناتهم وهي غير ساهية .. تسمع صوتها بنبرتها الخافتة وصوتها المبحوح من اصلو هكاك مميز بخامتو الثقيلة فحالا تفكرات شي حاجة بعد هاد السيمانة كااملة تقول كانت فاقدة فيها الوعي ..

ڤاليـريا: ولدي