الهوس

PART 46

⚠️ضروري تدوزو للأنسطااا حطيت واحد الرييل لي شبه تسريب ⚠️
INSTAGRAM : MALAK_ATHMANI1
بـارت قصير ولكن غانزيد بارت هاد العشية غا باش مانحليكمش بلاش ⚠️
___________________________________

أدلـر: شفتيه؟

حركات راسها بلا بشوية متبسمة وزادت متمشية ليه حانية راسها للبواط.. علات راسها كتشوف فيه مرمشة ليه بثقالة كتشوف فيه فحال شي اب جاب لبنتو شي حلوة وكي يتسنا يشوف ردة فعلها فاش تشوفها..

مدات يديها للبواط وحلاتها محيدة ليها الغطا من فوقها و ضارت كتشوف فيه موسعة عينيها من الكسوة لي كانت فنفس اللون، الاخضر الملكي وعليها حجيرات صغااار فجنب واحد ..

مدات يديها للكسوة هازاها فيديها كتسرحها فوق السرير .. وبعدات كتشوف فشكلها، طويلة وكمام وداك اللون ديال كايآتيري مخلي ليها واحد الڤايب خطير بزاف ..

عجباتها وحمقاتها كتر.. بقات غير كتشوف فيها باغا تلبسها عليها وتشوف كيف غاتجي على لحمها بالاخص وانها زادت فالوزن شوية، كانت متأكدة غاتجي عليها وااهرة

مالقات راسها غير ناطقة بنبرتها الخافتة وعينيها مزال مفيكسياهم على ديك الكسوة فوق السرير ..

ڤاليـريا: فنة بزااف

تبسم مخلي عينو عليها ويدو خاشيهم فوسط جيابو ، بقا كايشوف فيها مسرح عينو عليها عاجباه كيفاش كتشوف فيها .. عجباتها بزاااف وحمقاتها ..

رجعات ضارت لعندوو حتا ضار هو لعندها منزل عينو لعندها.. زاد مقرب بخطواتو تا ولا واقف وراها مخليها عطياه بظهرها ومد يدو لشعرها مبعدو على عنقها وحنا راسو بايسها فوقو ..

أدلـر: قادي راسك ولبسيها

ڤاليـريا تبسمات ليه وقربات لعندو حتا ولات واقفة قبالتو..

شكرا زوينة..

حطات يديها على صدرو وتعلات بايساه جنب شفايفو وبعدات ماصة شفايفها .

#المَـغرب

حلات عينيها بثقالة ورجعات سداتهم حاسة براسها كايحرقها بجهد .. غمضات عينيها لمدة متنهدة وقلبها كي يزدح وهي كتشوف راسها غير فالظلام..

مع جات تنوض عاودات تزدحات مع الارض بسباب رجليها لي حساتهم مكلبشين ليها، مربوطين بالمعنى الاصح.. وسعاات عينيها وهي كتحرك راسها بلا بالزربة وعينيها دامعيين ماقادراش تدوي .. ماقادراش تستوعب هي فين ولا شكون كاين معاها!! الظلام والدنيااا صاااقلةووكتر من هادشي .. يديها ورجليها بجوج مربوطين وهي كالسة فوق الارض ..

بلاا ماتطول فسكاتها علات صوتهااا كتغوت ربي لي خلقهااا وهي كتحاول تنتر ديك السنسلة باش مربوطة يديها .. كاتغوت وتقاااوم والدنيا كاسراها بصوتها رهي باغا تفلت من تمااا.. قلبها كايزدح فالتعسيين وقلبهااا غايخرج من بلاصتووو بديك الخلعة لي شداااتها..

ملاك : حلوووووو!!!! فييين انااااا فينننن!!! ..

نتراااات ديك السنسلة فاش لعقاتها فصبعهااا وعلات عينيها جغمة من الد/م كتشوف فالحيط لي جنبهااا كيف موسخ بالد/م الكااارم ولكن لي حداها ماقادرااش تفرزو بسباب الظلام الحالك لي كان طاغي على لبلاصة فين راها كاينة

لحظات قليـلة حتاااا تسمع الباب تحل .. خطواات ثقال غاديين باتجااهها والصوت د الخطاوي مسموع بواحد النبرة معكوسة على السكات عطات جو مرعب لحد اقصى .. حساات بقلبهاا كايزدح وعينيها على الرجلين لي جايين لجهتها ولكن الوجه! ماقادراش تفرزوو ..

بداات راجعة حتا تزدحات مع الحيط وراها وهي كالسة فوق الارض الموسخة وحوايجهااا كاع توسخوو بالد/م والتراب ولكن مافرزااتهمش .. اما كون سكت ليها القلب بلا كلمة بلا جوج.

فلحظة .. تسمع صوت قدامها، صوت مول الخطاوي ، وهاد الصوت كانت كتعرفوو مزياااان.. عارفاه شكون ولكن .. كيفاش؟ ماقدراتش تستوعب ..

ايـريكس : مـلاك