الهوس

PART 49

INSTA : MALAK_ATHMANI1
من هنا لساعة غايكون تسريب فالانسطا .. دخلو كلكم وتسناوه ⚠️
____________________________________

⚠️غير باش تعرفو .. غاتبداو تخدمو معايا دوك التناوي ديال بنادم كي يقرا وكي يدوز غانخدم معاكم تناوي كتر منهم .. البنات دايرة معاكن مجهود كنكتب ليكم غادين تفاعلو ولا غانحبس الزمر ونمشي نغيرها حيت هادشي بدا كي يعصبني . هانا علمتكم! ⚠️
✨✨✨✨✨

بقاا على نفس حالوو واقف شاد فيدو داك السيگار خدام كايلوح الدخاخن فوسط ريتو وعينو على ديك لوطو كيف كتزلق من فوق الجرف كاعما مسوق ليها.. فبالو حاجة وحدة ، وفعقلو كاتضور هضرة وحدة .. • ڤاليـريا كتخلص ثمن خيانتها• ..

ولو درة ندم جاتو، مافكرش لا فيها لا فالولد بي هازاه فكرشها من لحمو وصلبو واش غايموت .. فبالو انه عطاها ثقتو وماعرفاتش تستخدمها، ضرباتو بيها..

تنهد فاش مابقاتش بااينة ديك لوطو قدامو وحنا راسو مغمض عينو مورك على محاجر عينو و بقا واقف شوية كي يحاول يستوعب لي وقع فهاد اللحظة وعقلو مشغول شوية ..

بعد تفكير عميق دام طويلا .. ضار كامل محول عينو لديك لوطو لي جات تديه موصي شيفورها من قبل عليها ..

زاد مكمل خطاويه شاد داك الكارو كملو و زاد واحد اخر خشاه ففمو وخشا يدو فجيبو يجبد البريكة حتا تسمعات الصوت د نوتيفيكاسيون ديال تيلي ..

جبد فاللول البريكة مكمش حجبانو شعل كاروه هو الاول عاد هز تيلي يشوف شنو واصلو ..

بقا كايقرا فالميساجات واحد بواحد كاين لي كايسول فيه حتا وصل لوحدة مسيفطين فيها الستة د تصاور..

كمش حجبانو ناتر من گاروه نترة مطولة وخشاه ففمو مخليه شادو بين شفايفو ودخل لديك الكونڤيرساسيون وورك مخلي التصاور يتشارجاو..

نزل الشيفور فاش شاف ادلر وقف باش يحل ليه الباب ولكن بقا واقف فاش ادلر بقا حابس فبلاصتو مامحركش من تما وعينو مفيكسين على لي قبالتو..

ماقادرش يتيق !!!! .. عقلووو فهاد اللحظة حبس !!! عينووو خرجو من بلايصهم وهو كايشوووف لي قبالتووو.. طااح الكارو من فمو بكثرة الصدمة لي فيييه وعقلووو فهاد اللحظة داار ايرور باغيي يهرب من واقعو ويتغطس تحت الارض .. مايمكنش يكون يكونو هاد التصاور ل واصلينو حقيقيينن.

بقاا مفيكسي عينو على التصاور مايضور فيهم وحدة ورا وحدة وكلهم جامعهم وجه واحد .. وجه داك الخائن لي منوض الروينة ليهم .. هاهو عرف دابا .. ولكن معشوقتو؟؟ كيفاش غايردها!!!

ماحس براسو غير لايح تيلي من يدوو وزاد متمشييي لداك الجرف باغي ينقز باغي يجبدها باغي يتلاح يقلب عليها بيدوووو ويقول ليها سمحي ليا .. ولكن فات الفوووت..

بدااا كي يجرري بااغي يمشي يتبع ديك لوطووو ويجبدها من وسطهااا .. خطوااتو كي يتسااارعو والصهدة طالعة معاه خلاتو كااامل يتعاق ويولي يترعد .. التفس بدااات كتحبس فيه وهو مريض بالضيقة والقضية ديال حبيبتو لي فطريقها للهلاك محمقاه ماقادرش يستوعبهااا...

مع غاادي باش ينقز لعندها مع شدااتو اليد ديال الشيفور كايحبس فيه من انه يزييد وادلر كايدفع فيه ويضرب فيه ..

بكثرة ديك التزييرة لي مزير واليد ديال الشيفور لي حابسااااه ماحس بيييه غير هااز ديك اليد جامع قبضتهااا وراميها ليه دقة نييت خلات الد/م يتشرشر من فمووو ورحع شااانق علييه وعروق عنقووو لارزين ووجهو حمر جمرة نييييت كايهضر والطشاااش خارح ليه من فمووو حاس براااسو غايهرب ليه صااف !!

رجع راميييه فوق الارض و مد يدووو لديك الڤيست محيدها حاسها مصهدااه وخانقاااه لاحها فوق الارض بالنترة وهنا فهاد الوقت لي ادلر مشغول نع الفيست ديالو... كان الشيفور مسيفط لإنزو ميساج عالمو بكاااع لي وقع...

بداا الشيفور محاول مع ادلر كايحاول يكالمييه ويلاهيه بيدما وصل الفريق واخا كايجمعها معااه فكل مرة ولكن .. بقااا شادو حيت عارفووو غايتلاح من تما باش يقلب عليها وعارف فهاد الوقت بالضبط العقل لي غايفكر بيه ادلر ماكييينش!!

عاااد الفكرة د الخَائن .. زايداه حماق فوق حمااااق ماقادرش يفكر كاع فمرة .. صاحبو وعشيرو ولي دايرو خووه... حاجة فوق حاجة ولدات ليه انفجاااار خلااه يكلس فوق الارض مهدووود على داك الجرف وكان تحتو غير المااا والموج كايضرب فالصخر لي جنبوووو ..

بقااا كالس على ركبااتو حاس بعقلوو غايخرج ، عينو حووومر وعروق عنقو بارزين بشكل كبير ، بزز باش كايطلع النفس حاسها محبوسة ليه، وكثر من هادشي غدر الحباب داير خدمتو خدام كايغدد فيه ويزيدو كيد فوق كيد !! ..

الانفجااار الوحيد لي لقاااه فهاد اللحظة هو ديك الغوتة لي تصاعدات فحال الزئير ديال شي وحش باغي يصب غضبو فشي حد ، وادلر مالاقي قدامو غير البخر لي يبرد فيه غدايدو بالغواات .. غوتة هرسااات الكالم والصوت. دالمواج ، غوتة خرجات من اعمااااقووو هازة فطيااتها غضب متراكم وألم دفين .. صرخة وحدة خرجات مانعة دموعو ينزلووو محافظة على كبرياءو كيف كايقول هو مخلية الارض ترتاعش من صوتها والاشجار ترتاعش فسفح داك الجرف .. مابقا لاقي غير الغوات فعِز داك الفراغ لي حاس بيه..