عَزيزتي القارئَة ، لست مسؤولة عن عشقك للشخصية الشريرة في روايتي ، ولست مسؤولة إن أصبحتي مازوخية بعد قاراءة اسطر روايَتي .. تشيَّتي بمعتقَداتك انك امرأة قوية ، ولا تنجرفي لأحضَان ذلك النرجسي ..
________________________________________ بعد ثلاثة د السوايع كاملة من النعاس فوق الفراش ديالو .. كان كالس فوق الفوطوي جنبها مفرق رجليه بجلسة رجولية لابس عليه من الفوق تيشورت ووشام صغير باين فالجنب دعنقو و فوق دراعو..
بقا كالس مشابك يدو مع بعضياتهم وهو كايشوف فيها ويتفحص ملامحها لي شكلهم تخمج ولكن مزال اللولة د الزين عليهم.. كايقولك لا غاب الزين يبقاو حروفو ..
بقا طول الوقت مركز الشوفة عليها كيف ناعسة كتنفس بهدوء مغيبة نيت وهو جنبها..
كان وجهها كاع مجرح .. لاوي الفاصمات على كل جهة من وجهها بعدما نقا ليها الجروح وداواهم ليها باش مايكونوش ليها مشاكل من بعد وتولي فحوايج خايبين .. كان باقي معتاني بيها مامحيدش من حداها ولو ثانية باغي يفهم قصتها وكيفاش وصلات لهاد الحالة..
بعد دقائق .. بدات كتحل عينيها بثقالة وهي دايخة وترجع تسدهم كتشوف غير الضبابة قدامها.. وهي بدات كتستوعب شوية، بدات كتحس بالالم د الجروح لي جايين ليها على وجهها وكاع تفاصيل جسدها.. مهدودة نيت..
غير شافها كتحرك ناض فالبلاصة لعندها كالس جنب سريرو فين كانت متكية ومد يدو ليها مبعد الشعر على وجهها منين طاح على مرهم دايرو ليها على جرحة وعينو بقاو على عينيها العسليين وهي كتفتحهم وترجع تسدهم..
كمشات حجبانها وهي كتأن من الالم باش حاسة وهي مزال نغمضة عينيها ماواعياش بلي ضاير بيها .. قبل الالم لي حاسة بيه فوجهها، فهاد اللحظة مان الالم النفس من لي عاشتو كبير بزااف .. كانت مضرورة فوق القيااس فنفسيتها وكل حاجة كتذكرها فهاد اللحظة، هي كاع الذكرايات الخايبة لي رجعو ليها كااملين لعقلها مشوشينها ،.
كان فحال شي كابوس فهاد اللحظة كي يضور فبالها.. راجعة بعقلها لداك الاحساس لي كانت حاسة بيه وهي كترما منً فوق الجرف حاسة بالرخص ديال روحها .. العـصا ، العـ/ـذاب لي دوزاتو معاه.. حاسة براسها كارهاه ومخنوقة وغير هي كتفكر فيه ..
داكشي بقا كي يتراكم شيئا فشيئا على عقلها، زااد على حدوو والمشاهد كي يتخربقووو ليها فيييه وكي يتداخلو مع بعضيااتهم حتاا فلحظة من اللحظات حلاات عينيها على حدهم شاااهقة شهقة عميييقة فحال ديك الشهقة لي كتجي للميت قبل لا تطلع روحو!
ڤاليـريا: ماتدينيش عندو عافاك مابغيتش مابغيتوش غايقتـ/ـلني عافاك لا لا ........
نفس الهضرة بقات كتعاودها مرارا وتكرارا ماساكتاش منها مع انه بقا كي يحاول يسكتها ويهدنها وهي دام الجهد ديال النفسية ديالها خلاتها مرعوبة منو .. بالاخص فاش سخات عليه لدرجة انه يلوحها من الجرف بعدما أمنها!! .. فحال شي واحد بقا معاك طول حياتك خدام كي يبني معاك فدار وفلخر يضرب لك ساسها وتريب كاملة.. هكا نفسيتها وهكا نرجسيتو خلاتها..
زفر ومالقا مايدير من غير انه يگلس فوق سرير فاش دفعاتو بيديها وجرها لعندوو من خصرها ماعارفش كيفاش يتصرف معاها حتا حط ليها راسهاا على صدروو معنقهااا كي يدوز يدوو على شعرها هامس ليها حنب وذنيها بـ "شش" بصوت خاافت كي يطبطب على ظهرها حتا ترخاات ليه بين يديه مغمضة عينيها كتشهق شهقاات خفاف ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
