الهوس

PART 38

INSTA: MALAK_ATHMANI1
____________________________________

بقااو حابسين راسهم تحت داك الباخرة مغطين ريوسهم والقرطاس متوجه لجهتهم مشخشخ كااع داك الزاج ديال  اليخت والدراري ملبطين على الحيط والارض ومرة مرة كايخرجو يضربو بسلاحاتهم بالقياس بحكم انهم عندهم دخيرة صغيرة بزاااف مقارنة مع انواع الاسلحـ ة لي عندهم ..

بقااو هكااك ساعات والقرطااس ماحابس بيناتهم حتااا فلحظة زاد جههد القرطااس .. كان الفريق ديالهم جاي بلوطواتهم من نوع كاط كاط عاليين و الدراري فوسطها كل لوطو تقريبا هازة ثمانية د الرجال .. خمسة د اللوطوات ما يعادل ربعين واحد وكلهم هازين سلاحاتهم فيديهم ..

زاد واحد فيهم ناازل من لوطو منقز فاش شاف ادلـر وزاد كي يتمشا كي يجري من ورا الحيط  حتا وصل ليه لايح ليه السلام من الفوق و لايح بزاف د القرطااس ليهم يعمرو سلاحاتهم بيهم و زاد ادلـر خارج من تما مكالي بالحيط ..

تروبلات الدنيا بالرصاص وكلشي ناض بيناتهم .. شي مشا من هنا وشي من الجهة لاخرا... كل فرقة مشاو منها وحدين ضحـ. ـية ..

مدة طويلة وداك القرطااس مشلخ الدنيا فوسط المرصة حتا ولا التدخل حتا ديال البولييس ..  الدنياا تقربلات ديال بصح وحتا الحشيش لي خاص يوصلوو ليه بعيد على المرصة بشي خمسة كيلوميطر .. يعني مزال ليهم ولكن هادا لي متقصدهم ..

ماكانش قاصد الحشيش حيت كان غايمشي نيشان للمقر ديالهم فين غايحطوه.. لا كانو قاصدين يغتالوه بالاخص وهو نازل من اليخت كانو عارفين ماغايكونش عندو دخيرة ديال الرصاص كاافية ليه و لا لي معاه وعاد ماغايكونش معاه بزاف د بنادم باش يحميوه يعني غايسلكو القضية ..

وعاد كانو عارفين غايحنسروهم فبنادم لي معاهم حيت معروف على المسافة من صقلية لميلانو من اطول الرحلات وبيناتهم مسافة 1500 km .. يعني مستحيل يوصلو فوقت قرييب ولكن كانو غافلين على انه هادي رومانوڤا.. والرجال ديالهم ماكينينش غير فصقلية.. كاينين فكل بلاصة ..

بالاخص ميلانو.. مدينة شمالية والمافيا د الشمال معروفة  بالمشاكل لي عندها مع الجنوب .. كيف داير ادلر دابا طالع لميلانو باش ياخد الحشيش منها يهبطو لصقلية .. كانت الندرانجيتا دخلات فصراعات مع شبكة محلية من ميلانو نيت على ود باش يدخلو المخـ ـدرات لعندهم..

غير شاف ادلر الدنياا غاتبدااا تروبل وهادي ماشي المنطقة ديالهم.. اشتباك ماشي فمحلو ونامجودش ليه اصلا.. كان عارف بلا غايمشي فيها خاسر وغاتسالي بالخسارة ليهم وزادها الميساج لي وصلو فتيلي باش ينساحبوو وبما انه الهضرة جاية من لي فوق منو.. كان خاص ينساحب ..

دار اشارة بصبعو لواحد من الرجال وهو ملبط لاصق على الحيط والسلاح فيديه معليه حابس الدق وبدااو خارجين من اليخت والدراري دايرين ليهم الحماية حتا دازو بالزربة من وراهم طالعين فوحدة من الطوموبيلات وزاادو خارجين من تماا والقرطااس كايتضررب على الزاج من اللور وليو واسكندر حانيين راسهم للتحت دايرين يديهم على ريوسهم بسباب الزاج لي كايتشخشخ وغايدخل ليهم للحمهم حتاا بداا كاينقص الصوت د القرطاااس و شوية بشوية بداو الرجال لخرين كاينسااحبوو ..