الهوس

PART 33

INSTA: MALAK_ATHMANI1
____________________________________

ضاار للباب كي يشوف كيف شادها واحد من دراعهاا جاارها لعندو دافعهاا بواحد النترةة والطرييقة باش حاط يدوو فوق دراعهاا.. عينيهااا دامعيين ووجها موسسخ ولاطرااس د تصرفيقة مطرااسية على خدودهاا هكااك يد قداش شنو هي ..

زااد كي يتمشاا مقررب لعندهاا حتاا كي يباان ليه خونا حااط سلاح قداش شنو هو فوق جبينهااا حتاا بداات كترعدد بالخلعةة وعينيهاا علييه كترجااه بيهم وشفايفهاا كي يرجفوو ..

تنهدد رااد راسوو معليه الفوق راد شعرو للور حااس بروحوو غااتخررج حتا شوية بدا كي يحس برجلييه غايفشلوو عليييه داكشي بااش حط يدوو على الحيط جنبووو هااضر بنبرة قااصحة..

أدلـر: طلقها تمشي فحالها.. [ كمش عينوو حااس بالضباابة كتزاااد فيهم]: باغيني انا وهانا جيت

هناا ادلـر حسس برااسو صاف روحوو غاتزهقق .. كمش حجباانوو حتاا طااح كاالس على ركبتووو حاس بالدووخة والرابووز لي بين عينو دابا خااصوو كي يطلع النفس غا بزز وديك البحة خارجة من صوتو قداااش ..

أدلـر: طلقها

تبسـم ميل راسو معااه كي يشوف فيه هكاك فااشل حتا كلس فوق الارض حاط راسو علي الحييط مغمض عينوو من الضباابة لي عليهم والنفس بزز باش كي يطلعهااا .. كاانت ديك البحة الطالعة من حلقوو خفييفة لدرجة ماقااادرش كاع يزيييد يحرك صوتو كترر ولا يخدم بييه... القصبة الهواائيةً دياالو حاسها عمراات بالغبرة د البلاصة فين كاالس دابا و الرطوووبة د الياجوور القديم عليها مع البرررد لي حاس بيه كايكدي ليه فلحموو..

الرابووز رفيق دربوو لي ديما هازو معاه فداك الجييب ، الرابوز دواا مرضو لي واصلو منين كان صغيير بسباب الحالة د الربو لي كتشدوو بالاخص فالوقيتة د البرد كايتهلك نيييت .. ودااابا الرابوز ديالوو ماشي فيدوو والغبرة دايرة شغلهاا شاقة طريقهاا وسط صدرر ادلرر حاااس بيها هكاك متعشش فالداخل دياالو مكونة ليه ركمة من الانسجة د الغبرة حتااا حبسااتو من ان التنفس يطلع ليه ولا يوصل لفموو ونيفوو ..

كاان ماقادرش يدخل الاوكسيجيين وماقاادرش يخرج ثنائي اوكسييد الكاربووون.. كانوو بجووج معشين ليه وسط داك الصدر مدابزيين مع بعضيااتهم واحد كايعطي المزياان ولاخر فالوقت لي خاصو يخرح مخرج معااه كااع السم لي جامعوو كان محبووس ليه الداخل منوض گيرة مع الاوكسيجييين حتااا مابقااوش دايرين للهواا طريق فين يدووز ..

-زااد قرب داك الزعييم لعند ڤاليرييياا شاد فيدوو السلااح حتا وصل ليهااا و حط الفواهة ديالوو على تحت طقنهاا معلي راسها ليه كي يشوف فعينيها متبسم ..

الزعيـم: قلتي ليه ولا نقول؟
ڤاليـريا[ كتشهقق محركة راسها بلاا]: عافاك ماتديرهاش غايقتـ ـلني