Wrong Number !! | වැරදි අංකයක් !! ⏱️

26 වෙනි පරිච්ඡේදය ⌛️

එහෙම කියපු අභිරු ඊළඟට කළේ තමන්ගෙ සීතලම සීතල තොල් අනුදිතගෙ නළල උඩ රඳවලා ඇස් වහගත්තු එක... ඒක හදිසි හාදුවක් නෙවෙයි. හරු හෙමින් නිවි හැනහිල්ලේ තොල් රඳවපු හාදුවක්. අභිරුගෙ තොල්වල තිබ්බ සීතල ස්පර්ශය දැනෙද්දි අනුදිතගෙ ඇස් එයාටත් හොරා පියවිලා ඉවරයි.. තත්පර ගාණක් ගෙවිලා ගිය තැන අභිරු ආයෙමත් ඈත් වෙලා අනුදිත දිහා බැලුවා.. ඔව් ඒක තත්ත්පර ගාණක් දිග සීතල හාදුවක්..!

"අ... අභිරු.."

"ශ්ශ්...... ඒකත් අමතක කරලා දාන්න. දැන් යමු..!"

තමන්ගෙම තොල් ඉස්සරහින් ඇඟිල්ලක් තියලා ශ් ශ් කියපු අභිරු එහෙම කියාගෙන හැරිලා ගිහින් වාහනේට නගින්න හැදුවෙ. හැබැයි ඊට කලින් වැලමිට ගාවින් තද වෙච්ච අනුදිතගෙ අත අභිරුව ආයෙමත් ඒ පැත්තටම ඇදලා ගත්තා..

"එහෙනම් මේකත් අමතක කරපන්..!"

වුණේ මොකක්ද කියලා හිතාගන්නත් කලින්ම මිටි මොළවපු තද අතකින් මූණ හරහා වැදුණු අනුදිතගෙ පාරෙ සැරට අභිරු අඩියක් පිටිපස්සට තල්ලු වුණා.. අතින් නිකට එහෙ මෙහෙ කරලා බැලුවෙ එච්චර හයියෙන් වැදුණු කනේ පාරට පස්සෙත් තවම මූණ යථා තත්වෙන් තියෙනවද කියලා බලාගන්න වෙන්න ඕනෙ.. හැබැයි ඒ වෙද්දි අනුදිත නම් වාහනේට නැගලා දොර වහගෙනත් ඉවරයි.. යටි තොළ ගාවින් දැනෙන රිදුමට අනුව කියන්න පුළුවන් තොළ ගාව පුපුරලා ගිහින් කියලා. හැබැයි ඔය කොහොම වුණත් අභිරුට ඒ ගැන කේන්තියක් වෙනුවට මූණට ආවෙ පුංචි හිනාවක්.. ඇත්තටම ඉතිං අනුදිත ඔහොම ප්‍රතිචාරයක් නොදැක්වුවා නම් තමයි පුදුම වෙන්න ඕනෙ..

තව එක පාරක් නිකට ඇඟිලි වලින් එහෙ මෙහෙ කරපු අභිරු හිනාවත් හංගගෙනම ඇවිත් වාහනේට නැග්ගා.. හැබැයි අනුදිත නෙවෙයි අභිරුගෙ දිහාට එක බැල්මක්වත් දුන්නෙ..

"ආහ්..! තොළත් පැලුණා.. ඕකට ඉතිං ගහන්න ඕන්නෑනෙ.. අර තුරුල් වෙලා හිටිය විධියට මං හිතු------"

"අභිරු..! Just Shut the fuck up.. If not , Keep talking and you're going to regret it."

අනුදිතව තව ටිකක් අවුස්සන්න හිතාගෙන කතා කරන්න ගත්තා වුණාට ඒ ක්ෂනිකවම අභිරුගෙ පැත්තට එල්ලවුණු අනුදිතගෙ මාරාන්තික බැල්මයි කෑ ගැහිල්ලයි නිසා අභිරු අත් දෙකම උස්සලා ඒ පැත්ත හැරුණේ යටත් වුණා වගේ.. ඊට පස්සෙ ඇඟිලි දෙකකින් කට ඉස්සරහින් zipper එකක් වහනවා වගේ කරලා පෙන්නුවෙ තවත් නම් ඇවිස්සුවොත් ගෙදර යන එක කෙසේ වෙතත් කෙලින්ම hospital යන්න වෙයි කියලා හොඳටම තේරුණු නිසා.. වෙන කාවත් නෙවෙයිනෙ මේ අවුස්සගන්න හදන්නෙ අනුදිතව.. ආයෙ ඉතිං hospital යන්නත් වැඩ සෙට් වෙන්න බැරි නෑ.