Wrong Number !! | වැරදි අංකයක් !! ⏱️

16 වෙනි පරිච්ඡේදය ⏳

"Java or Barista ..?"

"කොහෙ ගියත් මට okay.. ! අනූ?"

" අනූ කියපන්.."

"මම purse එක තාත්තගෙ car එකේ දාලා ඇවිත්"

"Ahhh mierda..! That's okay... My treat... ! මුලින්ම කොහෙද යන්නෙ කියපල්ලකො වදේ.."

"අනූ.. උඹ කියපන්.."

" Just tell dude.. තව ටිකෙන් bell කරනවා.. පහළට යන්න ඕනෙ. නැත්තන් අර ඔළුබක්කො ටික ඇවිත් කෑ ගහනවනෙ"

"Then Java යමං. I badly missed my Ice Mocha"

" Cool.. තේජ okay ද?''

"යන්.. කාලෙකින් ඒ පැත්තට ගියෙත් නෑනෙ."

"ම්ම්ම්... මගෙ Peanut color අක්කි බබාත් තවම ඒකෙ ඇති නේහ්.."

"ඒකි අක්කෙක් නෙවෙයි K.D ඇන්ටි කෙනෙක්. තෝ පොට්ටද යකෝ..?"

"අනේ උඹ ඉඳපන්කො.. Vintage, not age මචං. නැද්ද අනූ..?"

" ඇත්ත ඇත්ත.. පරණ වෙන තරමටනෙ wine වුණත් රස.. K.D හරි.."

"Ew... උඹලා දෙන්නටනම් අසහනේ බං.."

ඒ එක්කම තමයි ඉස්කෝලෙ වෙලාව ඉවරයි කියන්න වදින bell එකේ සද්දෙ පන්ති කාමරේට හයි කරලා තිබුණ speaker එකෙන් ඇහෙන්න ගත්තෙ.. ඒක ඇහෙද්දිම ඉවාන් නම් bag එකත් කරට දාගෙන ඉවරයි. අනුදිතත් අතේ තිබ්බ පොත bag එක ඇතුළට ඔබාගෙන පුටුවෙන් නැගිට්ටා.. තේජ තවම ඉඳගෙන bag එක අස් කරනවා.. පන්තියෙ හිටිය කොල්ලො එකා දෙන්නා මේ තුන් කට්ටුවටත් අත වනාගෙන පන්තියෙන් පිට වුණා.. භාගයක්ම දෙනා ගියාට පස්සෙයි තේජ සේරම ලෑස්ති කරගෙන පුටුවෙන් නැගිට්ටෙ.. Prefects ලා එන්න කලින් පන්තියෙන් පැනගන්නයි K.D ට නම් උවමනාව.

අද තමයි සතියකට පස්සෙ තේජ ඉස්කෝලෙ ඇවිත් තිබ්බෙ. ඉතිං දැන් මේ තුන්දෙනාම හදන්නෙ සුපුරුදු විදියටම අදත් ඉස්කෝලෙ time එකෙන් පස්සෙ coffee shop එකකට රිංගගන්න. A/L වල හිටිය අවුරුදු දෙක පුරාම තුන් දෙනා මේ වැඩේට පුරුදු වෙලයි හිටියෙ. අනිවාර්‍යයෙන්ම සතියකට සැරයක් හෝ දෙසැරයක් ඔය ගමන යනවමයි. ඒකෙනුත් barnes place වල තියෙන JAVA lounge එක විශේෂයි. ඉස්කෝලෙ ළඟපාතින් කොච්චර coffee shops තිබ්බත් එතන ඉඳන් විනාඩි 10 ක්ම දුරින් තියෙන JAVA එක තමයි තුන් දෙනාගෙම වැඩි favourite.

තේජ එතනට යන්නෙ vibe එක නිසා, අනුදිත එතනට යන්නෙ අනුදිතට set වෙච්ච රසම ice mocha එක එතන නිසා, හැබැයි ඉවාන් නම් එතනට කැමති Cashier එකේ ඉන්න ලස්සන ගෑනු ළමයා නිසා.. ගෑනු ළමයෙක් කිව්වට ඉතිං වයස අවුරුදු 29 ක් ලු..! තේජ තමයි ඒ ගැනත් හොයාගෙන තිබ්බෙ..