Wrong Number !! | වැරදි අංකයක් !! ⏱️

21 වෙනි පරිච්ඡේදය ⏳

අභිරුට කතාව ඉවර කරන්න නොදුණ්නු අනුදිත ආයෙත් පාරක් අභිරුගෙ දිහා උඩ ඉඳන් පහළටම බලලා රවන ගමන් අඩි ඉක්මන් කරලා යන්න ගියේ අභිරු අත් දෙකත් උස්සලා යටත් වුණා වගේ පෙන්නගෙන car එකට හේත්තු වෙද්දි.. එහෙම හේත්තු වේගෙන Car park එකෙන් හැරිලා සාක්කුවටත් අතක් දාගෙන යන සුදු uniform කාරයා දිහා අභිරු බලාගෙන හිටියෙ මූණට ආපු හිනාවත් එක්කමයි...

"පුදුම හිතුවක්කාරකමක් මූට තියෙන්නෙ..."

"නෑ නෑ අවුලක් වෙන එකක් නෑ.. උඹ කේෂුට කියන්න යන්නෙපා ඉන්න හම්බෙන්නෑ. දන්නවනෙ.. ඊටපස්සෙ රට පෙරළගෙන ඌ මෙහෙ එයි.."
".........................."
"බලමුකො.. අපි ඈතින් ඉඳන් සීන් එක හොයාගෙන එන්නම්. උඹ දාපු location එක හරිනෙ.. ඒක කියලා sure නෙ.."
"........................."
"okay then.. මං උඹට හරියටම පැය එකහමාරකින් කෝල් එකක් දෙන්නම්. ඒ වෙලාව ඇති හොඳටම.. මගෙන් call එකක් නැති වුණොත් කෙළින්ම අපෙ තාත්තට කියපන් මේ ගමන ගැන.."
"........................"
"නෑ බන්.. අපි පොලිසිය ගාවගන්නැතුව වැඩේ කරන්න බලමු."
"......................."
"හරි මිහියා.. එහෙනම් මම තියනවා!"

තවත් පැය දෙකහමාරක විතර ගමනකින් පස්සෙ අභිරු එක්ක අනුදිත පහුකළේ හලාවත town එක.. වටේ පිටේට ඇස් කරකවපු අනුදිත ආයෙමත් බැලුවෙ තමන්ගෙ පාඩුවෙ drive කරන ගමන් call එකක ඉන්න අභිරු දිහා.. මෙච්චර වෙලා තිබ්බ සැහැල්ලු පෙනුම නම් ඒ call එක අස්සෙ අභිරුගෙන් හැංගිලා ගිහින්.. Call එක ඉවර කරලා අභිරු අනුදිත දිහා බැලුවෙත් ඇස් වලින් විතරක් 'ඇයි' කියලා අහන ගමන්..

"උඹ ඇත්තටම මාව විකුණන්න නෙවෙයි අරන් යන්නෙ කියලා sure ද.."

"ඒකට තමයි.. පොලිසියට මාට්ටු නොවී සීන් එක ඉවරයක් කරන්න හදන්නෙ.."

කට කොණින් හිනාවෙලා උත්තර දෙන අභිරුගෙන් ඇස් අයින් කරගෙන අනුදිත ආයෙත් දොරේ වීදුරුවෙන් පේන කඩපේළි දිහාට ඇස් හැරෙව්වා.. හැබැයි අභිරුට ඇහෙන්නැති වෙන්න හෙමීට බනින ගමන් ... 'ගොන් පගයා'

"මට ඒක ඇහුණා තීර්ය.."

"ඒක නෙවෙයි.. මම මේ බොහොම සමාදානෙන් අහන්නෙ හොඳද.."

"ආහ් උඹ එහෙම දේවලුත් දන්නවද..?"

"ඔය බලපන් ඉතිං උඹමනෙ මගෙ යකා අවුස්සන්නෙ.. මම මේ සමාදානෙන් අහන්න හදන්නෙ.. ඇයි කියපන්කො උඹට බැරි මට අනුදිත කියන්න.. මොන ලබ්බක්ද මේ හැම තිස්සෙම මගෙ first name එකම කියන්නෙ"